Афроамериканец – Kurir.mk

Тројца обвинети за убиство на Афроамериканец во САД

Магдалена Андонова — Thu, 25 Jun 2020 14:41:35 +0000

Тројца мажи се обвинети за убиство на афроамериканецот Ахмауд Арбери во американската држава Џорџија. Обвинението за убиство против Тревис и Грегори Мекмихаел и Вилијам Роди Брајан вчера го потврди Големата порота. – Ова е уште еден чекор напред, чекор напред кон правдата за Ахмауд и неговото семејство, рече обвинителката Џојет Холмс откако беше потврдено обвинението. Ахмауд Арбери беше убиен на 23 февруари додека џогирал на улица. Притисокот на јавноста за решавање на случајот се засили по смртта на Џорџ Флојд, афроамериканецот кого го уби полицаец за време на апсење во Минеаполис. (МИА)

Силјановска: Да го преселиме Ахмети во Америка, Обама стана претседател не како афроамериканец туку како демократ

Тале Кристо — Fri, 19 Jun 2020 21:38:52 +0000

Професорката и носител на листата на ВМРО-ДПМНЕ во изборната единица 1, Гордана Силјановска Давкова во гостувањето во емисијата „Заспиј ако можеш“ истакна дека е редо феномен некој кој не е лидер на партија да стане премиер. Професорката земајќи го примерот на Обама потенцираше дека тој стана претседател како демократ, а не како афроамериканец. Таа посочува дека програмата е клучна и го поставува прашањето како граѓаните би прифатиле за премиер човек чија програма не победила на изборите без разлика дали тие гласале за СДСМ или ВМРО-ДПМНЕ. -Прво редок феномен е некој кој не е лидер на партија да стане премиер, освен ако не се работи за експертска Влада. Документи и акти има на Советот на Европа дека од никој не може да се бара да ја деклалира задолжително својата етничка припадност, кај нас за жал за пратеник да се кандидирате треба да напишете етничка припадност. На прашањето зошто сме ние sui generis Ви одговараат заради комитетот за односи меѓу заедниците. Незамисливо. Трето да кажам, леле сега било времето ајде на американска почва да го преселиме, на Обама чекаа 250 години, но тој не стана претседател како афроамериканец туку како демократ. Истото е и со градоначалникот на Лондон кој што стана градоначалник како Лаборист, почитуван и угледен човек. Ајде да се вратам, нашиот Устав вели дека премиерот се бира од лидерот на партиите што обезбедиле мнозинство. Е сега прашувам дали ви е вам логично да победи една партија на избори, се разбира се победува со програма, сите денеска велат програма, програма, програма, а потоа иако не бил дури ни во предизборна коалиција, има случаи кога врз основа на сродноста на програмите коалиции предизборни. Истапуваат со иста програма па па граѓаните гласаат за таа програма. Како ќе биде сега една партија да победи на избори, еве ВМРО-ДПМНЕ или СДСМ да победи со програма и да стави за премиер човек кој ниту е лидер на партија или пак ако е лидер на партија не поминала неговата пргорама.

Обдукцијата потврди дека Афроамериканецот во Атланта е убиен

Тале Кристо — Mon, 15 Jun 2020 07:28:23 +0000

Со обдукција е утврдено дека смртта на Афроамериканецот Рајшард Брукс, во кој пукаше полицаец во Атланта, е поради убиство предизвикано од повреди здобиени од огнено оружје во грб, соопшти одделот за патологија во округот Фултон. Како што се наведува, обдукцијата покажала дека 27-годишниот Брукс починал поради губење крв и повреда на внатрешните органи, предизвикана од два куршума. Како начин на смртта е наведено „убиство“. Брукс е убиен откако давал отпор при апсењето на паркинг пред еден ресторан за брза храна, каде спиел во автомобилот, кој им го блокирал патот на другите учесници во сообраќајот. При апсењето дошло до туркање и Брукс на еден од полицајците му го одземал електрошок-пиштолот, по што бил застрелан. Неговата смрт предизвика масовни протести низ улиците на Атланта, а ресторанот за брза храна, пред кој се случило убиството, е запален.

Откриен идентитетот на полицајците кои убија Афроамериканец во Атланта (ВИДЕО)

Ристе Здравков — Sun, 14 Jun 2020 08:19:30 +0000

Објавени се имињата на полицајците кои го убиле Афроамериканецот Рејшард Брукс во Атланта. Станува збор за белци , полицајците Гарет Ролф и Девин Бронсан. Полицијата соопшти дека Бронсан бил преместен во администрација, а Ролф бил отпуштен од работа. 27-годишниот Рашард Брукс бил пријавен поради спиење во автомобил, а неговиот автомобил го блокирал преминот на другите возила во драјв-ин ресторан за брза храна. За него е откриено дека бил под дејство на алкохол, а имало и отпор при апсењето кога Брукс го зел електричниот шокер од еден од полицајците. Потоа е застрелан. Немири избувнаа во Атланта, каде во текот на денот, градоначалникот Кеиша Ленс Ботмс, рече дека прифатила оставка на началникот на полицијата Ерика Шилдс за убиството. Кеиша Ленс Ботомс изјави дека началникот Ерика Шилдс, кој е член на полицискиот оддел Атланта повеќе од две децении, се повлекла и дека должноста на привремен началник ќе ја извршува поранешниот помошник началник Родни Брајант. „Од длабока љубов кон овој град и оваа услуга, ја понудив мојата оставка како началник на полицијата“, рече таа во изјавата. „Имам верба во градоначалникот и време е градот да оди напред и да гради доверба помеѓу полицијата и заедниците на кои што им служи“, рече таа во изјавата. Демонстрантите излегоа на автопатот и го запреа сообраќајот пред полицијата да постави автомобили за да ги запре.

Во САД за првпат е именуван Афроамериканец на чело на служба на воздухопловните сили

Тале Кристо — Wed, 10 Jun 2020 08:50:04 +0000

Чарлс Браун Џуниор е именуван за шеф на ГШ на воздухопловните сили на САД, што го прави прв офицер со темна боја на кожа кој ќе има прилика да води една служба на војската на САД. Потпретседателот на САД, Мајк Пенс презеде необичен чекор и преседаваше со гласањето, а резултатот од гласањето со 98 гласови „за“ и ниту еден против, го нарече историски. Гласањето се одвиваше во период кога администрацијата на претседателот на САД, Доналд Трамп и голем број бели републиканци се борат со последиците од смртта на Афроамериканецот Џорџ Флојд, по полициското апсење во Минеаполис. Низ САД се проширија големи протести, на кои се предупредува за расна дискриминација. Гласањето во Сенатот се одвиваше додека траеше погребот на Флојд. Браун до неодамна служеше како командант на пацифичкиот оддел на воздухопловни сили на САД.