агим ибраими – Kurir.mk

Ибраими: Верувам во тимот, јас сум еден од нив и со цело срце ќе ги бодрам

Ивона Петрова — Wed, 02 Jun 2021 09:16:56 +0000

Еден од омилените македонски репрезентативци Агим Ибраими ја дава сета поддршка за А репрезентацијата и нејзиниот настап на ЕП 2020. -Во македонската репрезентација има врвни фудбалери. Фокусот на фудбалска Европа ќе биде насочен кон играчите и нема поголема мотивација од тоа. Само сакам да им посакам да бидат здрави и подготвени за игра. Верувам во тимот и знам дека ќе се прикажат во најдобро светло. Јас сум еден од нив и со цело срце ќе ги бодрам, вели Ибраими за ФФМ.

Агим Ибраими: Секогаш со задоволство сум го носел репрезентативниот дрес

Бошко Тасиќ — Tue, 23 Mar 2021 19:09:11 +0000

Агим Ибраими е еден од повратниците фудбалската репрезентација на Македонија по подолга пауза. Фудбалерот на Кукуш по пет години добива нова шанса да го облече националниот дрес, „Нормално дека ми е чест што сум повторно во репрезентацијата. Секогаш сум го давал максимумот и со задоволство го носев репрезентативниот дрес, па така ќе биде и сега. Играчите се во добар ритам, имаат минутажа од настапите во своите клубови и тоа треба да се пренесе во овој мартовски циклус. Секој противник треба да го респектираме и да го сфатиме сериозно, а ќе дојдеме до позитивни резултати со карактер, игра според нашиот план, и оставање срце на теренот. И јас сум во добра форма, ќе одговорам на секој предизвик кој ќе ми го постави селекторот Ангеловски“, изјави Ибраими. „Не верувам дека треба да чувствуваме притисок бидејќи овие квалификации не се новитет за нас. Треба да играме како досега и да се бориме до последен момент. Иако има дополнително повикани играчи, сите сме подготвени за следните предизвици, а тоа најдобро го знае нашиот селектор“, додаке Хасани.

Селекторот Ангеловски ги повика Ибраими и Ашковски за квалификациските натпревари за Светското првенство

Магдалена Андонова — Sun, 21 Mar 2021 11:52:21 +0000

Членот на Кукс од Албанија, Агим Ибраими и фудбалерот на романски Ботошани, Стефан Ашковски, се повикани во А репрезентацијата на Македонија за квалификациските натпревари за Свесткото првенство против Романија, Лихтенштајн и Германија. Селекторот Игор Ангеловски се одлучи на ваков чекор поради зголемениот број повредени, како и репрезентативци со позитивен тест на коронавирус. Иван Тричковски поради повреда отпаѓа за овој собир, а поради позитивни тестови нема да бидат во тимот ниту Ѓоко Зајков и Тихомир Костадинов. Македонската репрезентација Мундијалските квалификации ќе ги почне на 25 март со гостувањето во Романија, три дена подоцна се среќава со Лихтенштајн, а на 31 март ќе се соочи со германскиот национален тим. (МИА)

Погледнете како Агим Ибраими го удира судијата Грифит!!! (ВИДЕО)

Предраг Кукиќ — Tue, 30 Jul 2019 18:45:21 +0000

Без разлика на се, нема никакво оправдување потегот на Агим Ибраими што го направи во финишот на средбата. Напаѓачот на Шкендија го удри со глава судијата Иан Грифит, крајно неспортски. Заслужено доби црвен картон, барем тој треба да се знае дека вака не треба да се однесува еден фудбалер на Шкендија.

Агим Ибраими потпиша за Шкендија

Ивана Ефремовски — Sat, 19 Jan 2019 08:58:31 +0000

Актуелниот македонски првак Шкендија добива големо засилување. Агим Ибраими потпиша договор со тетовскиот клуб и се враќа во матичната средина каде и ја почна кариерата. Трансферот треба многу брзо и официјално да го потврдат од клубот. Ибраими го раскина договорот со Домжале и конечно најде заеднички јазик со Шкендија. Преговорите траат две години, од периодот кога Ибраими беше член на Астана, а ЕКИПА откри дека Шкендија на поранешниот репрезентативец му понуди 500.000 евра. Извор: Екипа.мк