агим исмаиловиќ – Kurir.mk

Обвинетиот во „Монструм“ приведен по бегството, го носат во затвор

Ивана Ефремовски — Fri, 13 Nov 2020 16:46:39 +0000

Полицијата го приведе Агим Исмаиловиќ, еден од обвинетите во случајот „Монструм“, откако денеска судот на барање на обвинителството му одреди мерка притвор. -Лицето е обезбедено и ќе биде пренесено во КПУ Затвор Скопје, потврдуваат за МИА од МВР. Во случајот „Монструм“, за петкратното убиство на 12 април 2012 година, кога беа убиени лицата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, се обвинети Алил Демири, Африм и Агим Исмаиловиќ, Фејзи и Хаки Азири и Сами Љута. Случајот моментално е во фаза на доказна постапка, откако со одлука на Врховниот суд беше вратен на повторно судење во Кривичен суд Скопје. (МИА)

ВМРО-ДПМНЕ: После вакво бегство на убијци на деца, министер за внатрешни си дава оставка

Магдалена Андонова — Fri, 13 Nov 2020 16:02:22 +0000

Оливер Спасовски повторно покажа колку е неспособен, му избега обвинет за свирепо убиство од судница полна со полиција и никој не го спречил. Оливер Спасовски или свесно дозволил еден од обвинетите за убиството кај Смилковско, Агим Исмаиловиќ да избега од судница, или е целосно неспособен да организира безбедно судење, стои во соопштението на ВМРО-ДПМНЕ. - Оливер Спасовски да каже дали е во договор со Исмаиловиќ со што ќе се потврди поврзаноста на Спасовски со криминалните структури, или да признае дека е неспособен, со што ќе се констатира неговата неспособност. И во едниот и во другиот случај Спасовски треба да понесе одговорност. После вакво бегство на убијци на деца министер за внатрешни си дава оставка, велат од партијата. - Не може обвинети за тешки кривични дела да бегаат од државата, а МВР на чие чело е веќе 5 години да спие. И сето ова се случува додека во затвор скапуваат недолжни граѓани, а криминалците се шетаат на слобода. Ваквиот однос на Спасовски ги разнишува безбедносните темели на државата, но и довербата во правната држава и целиот систем, посочуваат од ВМРО-ДПМНЕ.

Притвор за Фејзи Азири и Агим Исмаиловиќ обвинети во случајот „Монструм”, одбраната најавува жалба

Тале Кристо — Fri, 13 Nov 2020 15:27:08 +0000

Со одлука на Кривичен совет при Кривичен суд Скопје, од денеска лицата Фејзи Азири и Агим Исмаиловиќ, обвинети во случајот „Монструм” ќе бидат во притвор. Во образложението на судот се вели дека ова одлука е донесена по предлог на надлежниот обвинител. – На обвинетиот Ф.А. му е опредлена мерка притвор во траење од 30 дена и истото е доставено во Истражниот затвор Скопје каде се наоѓа обвинетиот, додека за А.И. е определна мерка притвор од пронаоѓање односно лишување од слобода и истото е доставено до надллежното МВР, велат од судот. Адвокатот на обвинетите Насер Рауфи, за МИА, изјави дека на ова одлука ќе поднесат жалба во понеделник, односно тој смета дека истата е непотребна од причина дека наведените лица ги почитувале доследно претходните мерките донесени од судот. Воедно, следното рочиште за овој предмет е закажено за 30 ноевмри. На денешното рочиште за петкратното убиство кај Смилковско Езеро, не се одржа главна расправа заради отсуство на адвокатот Асмир Алиспахич. Случајот „Монструм” кој по одлука на Врховниот суд е на повторно судење во Кривичен суд Скопје, моментално е во фаза на доказна постапка. Судењето за овој предмет го води судијата Огнен Ставрев, додека застапници на обвинението се обвинителите Фатиме Фетаи и Гаврил Бубевски. Во случајот „Монструм“, за петкратното убиство на 12 април 2012 година, кога беа убиени лицата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, се обвинети Алил Демири, Африм и Агим Исмаиловиќ, Фејзи и Хаки Азири и Сами Љута.

ФОТО: ТВ21 го најде Агим Исмаиловиќ, демантира дека се обидел да избега

Тале Кристо — Fri, 13 Nov 2020 15:13:35 +0000

ТВ21 го најде Агим Исмаиловиќ, обвинетиот по кој МВР трага, откако наводно избегал од Кривичниот суд, каде што денеска имаше рочиште за предметот „Монструм“. Од МВР за ТВ21 претходно рекоа дека се преземаат мерки за пронаоѓање на лицето. ТВ21 разговараше со Исмаиловиќ, а разговорот ќе го емитуваме подоцна. Откако судот издаде решение, се очекува МВР да го приведе Исмаиловиќ и да го однесе во притвор. Исмаиловиќ и Азири се обвинети во случајот Монструм кога на 12-ти април 2012-та беа убиени 4 момчиња и еден жител на Смилковци во близина на Смилковско Езеро. Обвинетите веќе беа осудени на доживотна казна но таа беше укината во Врховниот суд, а случајот го презеде СЈО.

Агим Исмаиловиќ обвинет во „Монструм“, избега од судницата, полицијата не реагирала!

Дарко Андоновски — Fri, 13 Nov 2020 13:34:24 +0000

Обвинителката Фатиме Фетаи денеска побара притвор за двајца од обвинетите во „Монструм“, Агим Исмаиловиќ и Фејзи Азири, бидејќи како што рече кривичната постапка е при кај. Но, наместо да бидат задржани во судот до одлука на Кривичниот совет, тие слободно си излегле, по што сега според информации, нема ниту трага ни глас од Агим Исмаиловиќ. Инаку КУРИР дознава дека во моментов е распишана и потерница по него.