Агим Нухиу – Kurir.mk

Собранието ги констатира оставките на Тупанчевски, Нуредини, Рендевски и Нухиу

Тале Кристо — Mon, 13 Feb 2023 11:16:54 +0000

Собранието на Република Македонија денеска ги констатира оставките на министерот за правда Никола Тупанчевски и на министерот за животна средина Насер Нуредини, како и на замениците министри за здравство Владимир Рендевски и за правда Агим Нухиу. Како што соопшти претседателот на Собранието Талат Џафери, Тупанчевски, Нуредини, Рендевски и Нухиу одлучиле да не ги образложат оставките пред пратениците. -Констатирам дека на Тупанчевски, Нуредини, Рендевски и Нухиу им престануваат функциите, истакна Џафери. Пред почетокот на 103. седница, пратениците им оддадоа почит на настраданите во земјотресите во Турција и Сирија со едноминутно молчење.

Агим Нухиу, заменикот на Бојан Маричиќ: Не се согласувам со неговите помилувања!

Ристе Здравков — Mon, 20 Dec 2021 08:15:40 +0000

Агум Нухиу, заменик-миниустерот за правда, излезе со соопштение на Фејсбук во кое тврди дека се оградува од списокот со помилувања на осуденици потпишан од неговиот министер Бојан Маричиќ, а кој треба да биде испратен кај претседателот Стево Пендаровски. На списокот за помилување од издржување на дел од затворската казна или за целосно помилување како предлог до претседателот на државата Министерството за правда има 48 лица. Меѓу имињата се и бизнисменот Сеат Кочан, Александар Василевски-Нинџа, контроверзниот сведок на обвинителството за случувањата на 27 април 2017 година, Бобан Илиќ, осуден за убиството на 4 годишниот Алмир во Куманово... „За предлозите за помилување на некои затвореници, кај заменик министерот за правда не се согласив и секако институционално реагирав! Предлозите до Управата на затворите за помилување на одредени затвореници кои со своите криминализирани дела вознемируваа граѓани и ги уриваа темелите на државата, никогаш нема да ја добијат мојата поддршка и не треба да имаат поддршка ниту од министерството за правда. Никогаш нема да молчиме за каузата на правдата!“, напиша заменик-министерот кој доаѓа од редовите на ДУИ. Конечната верзија на списокот ќе биде испратен до Комисијата за помилување, во кабинетот на претседателот на државата.

Работна средба на министерот Нухиу со амбасадорот на Француската Република Тимоние

Дарко Андоновски — Tue, 04 Aug 2020 11:39:57 +0000

Денеска, 4 август 2020 година (вторник), министерот за внатрешни работи на Република Северна Македонија д-р Агим Нухиу одржа работна средба со амбасадорот на Француската Република Н.Е. Кристиан Тимоние. На средбата беа потврдени пријателските односи, довербата, реализацијата на заеднички проекти и соработката во голем број области од взаемен интерес. Соговорниците разговараа и за вонредните парламентарни избори кои се спроведоа во нашата држава и активностите и превентивните мерки кои Министерството за внатрешни работи во рамки на своите надлежности ги презема во справување со глобалната пандемија „Ковид - 19“. На средбата од страна на двајцата соговорници беше истакнато дека Министерството за внатрешни работи на Република Северна Македонија е битна алка во градење на довербата во државните институции на патот кон Европската унија.

Нухиу го обвини градоначалникот на Села за инцидентите во Синичане

Ристе Здравков — Thu, 30 Jul 2020 21:05:24 +0000

Министерот за внатрешни работи, Агим Нухиу, смета дека инцидентите во Синичане се предизвикани од градоначалникот на Боговиње Аљбон Џемаили, кој, според Нухиу, манипулира со жителите во обид да ја прикрие својата неспособност. -Градоначалникот отишол и изјавил во полиција дека ќе ги повика жителите на Синичане да се откажат од преземање на овие дејствија сѐ додека не се комплетира документацијата. А од друга страна, пак, самиот отишол во тетовската полиција и изјавил дека безбедносната состојба може да ескалира – изјави Нухиу на ТВ 21. Тоа, вели министерот, ја принудило полицијата да преземе активности. -Па така, кога го имаме барањето на градоначалникот, неговата изјава дека може да биде загрозена безбедноста, животот на граѓаните, кога се става под знак прашалник нарушувањето на поредокот и безбедноста, а од друга страна кога ги имаме писмените пријави од околните мештани, тогаш полицијата е принудена да прибере и други оперативни податоци – рече Нухиу. Претходно, градоначалникот Џемаили, кој доаѓа од Алијансата за Албанците на Зијадин Села, обвини дека тоа што не му се дозволува да започне со работа за изградба на водоснабдителен систем во атарот на селото Урвич се политички игри.

МВР доби нов министер- еве кој ќе го замени од денеска Чулев

Дарко Андоновски — Sat, 25 Jul 2020 11:04:15 +0000

Денеска во Министерството за внатрешни работи досегашниот министер за внатрешни работи Наќе Чулев, официјално му ја предаде должноста министер за внатрешни работи на д-р Агим Нухиу. По денешното примопредавање на должноста, согласно постоечките законските одредби, Нухиу ќе раководи со министерството до изборот на нова Влада на Република Македонија, односно до изборот на нов министер за внатрешни работи.

Нухиу прв полицаец од понеделник, Чулев и Петровска си заминуваат

Ристе Здравков — Mon, 20 Jul 2020 15:08:37 +0000

Наќе Чулев, актуелниот министер за внатрешни работи во техничката влада, на функција е уште оваа недела, кога ДИК се очекува да ги соопшти конечните резултати од предвремените парламентарни избори. До изборот на новата влада, Министерството ќе го води Агим Нихуи, кој беше заменик на Оливер Спасовски. Нухиу раководеше со МВР и по парламентарните избори во 2016 година. И Славјанка Петровска си оди од местото дополнителен заменик министер. Исто така, од функција заминуваат и заменските кадри од ВМРО-ДПМНЕ од министерствата за земјоделство, за информатичко општество и администрација и за финансии. Министрите Димковски и Манчевски ќе продолжат да ги водат ресорите. Манчевски ќе биде истовремено и пратеник, додека не се избере новата Влада. Оливер Спасовски ќе остане технички премиер, а и тој ќе биде и пратеник, со право на глас кога ќе се избира новиот Парламент и новата Влада.

„Лајм“: Познато е кој ќе биде претседателски кандидат од ДУИ

Ивана Ефремовски — Fri, 01 Feb 2019 14:05:43 +0000

Партиски извори од ДУИ за весникот „Лајм“ откриваат дека едно од посериозните имиња за претседателски кандидат од редовите на ДУИ е актуелниот заменик министер за внатрешни работи, Агим Нухиу. Поради блискоста со меѓународната заедница, Нухиу ужива голема поддршка во редовите на ДУИ. Како што дознава „Лајм“, тој ја ужива поддршката на разните партиски струи во партијата, како и од претседатолот Али Ахмети.

Мицкоски: Органите на државата се уште немаат одговор на министерот Нухиу кој тврдеше дека на 27 април имало вооружени групи од Чаир подготвени да тргнат кон Собранието

Ивона Петрова — Thu, 26 Apr 2018 21:07:10 +0000

Претседателот на ВМРО-ДПМНЕ, Христијан Мицкоски во неговото гостување во емисијата „Клик плус“ на ТВ21 зборуваше за настаните од 27 април каде ја посочи изјавата на тогашниот министер за внатрешни работи, Агим Нухиу во врска со неговите тврдења за појавата на вооружени групи во Република Македонија. -Таа изјава е дадена како сведочење кое е поврзано со настаните од 27 април и мене навистина ме изненадува дека органите во државата обвнинителството, Министерството за внатрешни работи се уште не дале одговор на ова тврдење на министер бидејќи тоа не е било кој човек. Тој човек во тоа време бил министер и неколку месеци дава изјава дека во тој момент имал информација дека се вооружуваат луѓе. Без притоа да си го постави основното прашање од каде им е тоа вооружување, кој тоа ги вооружува, кои се тоа луѓе вооружени и со која цел се вооружале. И најважното откако се вооружале како се разоружале и кој ги разоружал и дали постои опасност тие повторно да се вооружаат, рече Мицкоски. Според него добро е граѓаните да ја дознаат целокупната вистина. Мицкоски притоа посочи дека ако јавноста дознава дека министерот кој е најповиканиот во тој момент да се грижи за стабилноста и безбедноста на Република Македонија има информација дека се вооружуваат луѓе а притоа да не преземе ништо тогаш многу јасно дека треба да се поставува прашањето каква улога имал тој човек на тие настани.

МВР, Спасовски и Нухиу да одговорат: Зошто не преземале ништо за неутрализирање на вооружени групи во Чаир и дали тие уште се во Скопје?

Ивана Ефремовски — Fri, 06 Apr 2018 11:47:03 +0000

Веќе неколку дена не стивнуваат реакциите околу изјавите на поранешниот министер за внатрешни работи Агим Нухиу пред јавното обвиниелство, а се поврзани со настаните од 27-ми април. Нухиу во изјавата дадена пред ЈО кажал дека вечерта на 27-ми април, додека биле настаните во Собрание групи од вооружени Албанци се собирале во Чаир, па дури и дека групи поранешни борци на УЧК се подготвувале за акција. Oваа изјава сама по себе е шокантна од повеќе аспекти, а отвара и повеќе дилеми, но и потребни се одговори кои надлежните треба да и ги дадат на јавноста. Едно од најголемите прашања е и да се претпостави дека Нухиу ја говори вистината пред Јавното обвинителство, зошто тој од позиција на министер и заменик министер за внатрешни работи, не преземал ништо со цел неутрализирање на оваа вооружена формација? Она што треба да ги загрижува жителите на Скопје во овој момент е дека во градот ни се шета вооружена формација која е спремна во секој момент да нападне државни и владини институции. Другото прашање што треба да се одговори е како стигнало оружјето до овие луѓе преку кои канали и кој им го дал? Но најважните прашањa што треба да ги одговори МВР е доколку постои вооружена група и која е спремна во секој момент да реагира зошто се чекало дури 6 месеци да биде споделена пред Јавното обвинителство, а не била веднаш соопштена и дали на овој начин овие групи се под контрола на одредени политички партии? Она што загрижува е што оваа група не се знае дали е и во овој момент оперативна и е од голема закана за безбедноста на граѓаните! Појавата на оваа вооружена групација ја загрижи и ВМРО-ДПМНЕ. На вчерашната прес конференција беше кажано дека толерирањето на овој настан е меѓукоалицискиот договор помеѓу СДСМ и ДУИ - Непреземањето на мерки за сузбивање и неутрализирање покажува дека власта не ја интересира безбедноста на државата и заканите по уставниот поредок. За сметка на зачувување на власта и меѓукоалициските договори од страна на СДСМ и ДУИ се толерираат вооружени банди и нивните посредници кои се во директен контакт со функционерите што само ги пренесуваат заканите наместо да постапуваат по нив рече, членот на извршниот комитет на ВМРО-ДПМНЕ, Орце Ѓорѓиевски. MВР предводено од Оливер Спасовски по она што беше презентирано во јавноста апсолутно ништо не превзема оваа група да биде неутрализирана. До сега од она што е познато не се спомнува никаква истрага, ниту пак се знае со каков тип на оружје се наоружани. Не се знае ниту колку луѓе има од групата и кои се тие. Ваквото непостапување од страна на МВР не само што им дава сила, туку и праќа порака и ги охрабрува сите групи во иднина дека слободно можат да се вооружаат и да се закануваат по безбедноста на државата. Најсвеж пример ни се настаните од Диво Насеље каде вооружена група со тешко пешадиско оружје се дрзна да се крене против правниот и државниот поредок во Република Македонија. Како последица на овие настани загинаа 8 припадници на МВР додека десетици беа повредени.

Мицкоски: Ако според Нухиу на 27 април постоела терористичка вооружена група во Чаир, тогаш што преземаат МВР и ОЈО за тоа

Ивона Петрова — Tue, 03 Apr 2018 18:17:21 +0000

Претседателот на ВМРО-ДПМНЕ Христијан Мицкоски во вечерашното негово гостување во емисијата „Топ Тема“ на Телма телевизија истакна дека обвинението кое го поднесе Јавно обвинителството за настаните од 27-ми април во Собранието е премногу конфузно и нејасно.

Како што рече тој, обвинител треба да ги преиспита изјавите на Агим Нухиу тогашен прв човек на МВР бидејќи тој имал златна команда, а не преземал ништо за случувањата во Собранието.

- Излезе Јавниот обвинител и го образложи обвинението. Но она што загрижува во целиот тој процес, а бевме сведоци на вашата телевизија на емисијата „КОД“ каде што беше цитирана изјавата на тогашниот министер за внатрешни работи Нухиу, каде што тој, иако има златна команда ништо не презема. Второ има индиции дека во истиот тој момент додека траат случувањата во Собранието имаме групирање на терористичка вооружена група во општина Чаир и во неколку други места во Република Македонија, рече Мицкоски.

Претседателот на ВМРО-ДПМНЕ следствено праша зошто изјавата на Агим Нухиу не е дел од обвинението и зошто Јавниот обвинител посериозно не се заинтересирал да ја истражи оваа изјава. Според него она што дополнително загрижува е што МВР не покренало истрага за тоа кои се вооружените лица кои се групирале за време на настаните, дали нивното поседување на оружје е легално, од каде е потеклото на оружјето и зошто Нухиу како прв човек на тоа министерство не ги преземал потребните процедури за да се спречи тоа.

-Ако ние за така краток рок имаме група која се мобилизира и се вооружува така подготвена да иницира воен конфликт, а притоа министерот тоа го знае и ништо не презема, логично е дека со ова се охрабруваат овие луѓе и во иднина да се случува. Каде е тука правната држава, каде е тука одговорноста на министерот, каде е одговорноста на Јавното обвинителство, каде е одговорноста на сегашниот министер и органите кои се под него, заклучи Мицкоски.