агитирање – Kurir.mk

Кандидат за градоначалник на Куманово: Луѓе од 6-та управа при МВР агитираат, уценуваат, даваат логистика на партиски војници

Ивана Ефремовски — Sun, 31 Oct 2021 17:06:27 +0000

Независен кандидат за градоначалник на Куманово преку социјалните мрежи се пожали дека полицијата учествува во изборнито процес преку агитирање. Тој се жали дека министер дал налог за тоа. -Луѓе од 6та управа повторно на терен, агитираат, попречуваат, уценуваат, даваат логистика на партиски војници, униформираните се неми набљудувачи на сето тоа. Малтретирате наши активисти, со денови не следите, ни одземате возила, се обидувате да не поткупите и заплашите и што уште не и повторно неможете да не скршите и поколебате. Што сакате можете да правите, кумановци се решени, ќе победат денеска и ќе ја вратат демократијата назад кај граѓаните. Кумановци се со нас! Има сведоци, снимки, ќе одговарате за се! Куманово секогаш бил град кој се одважувал и од тука тргнувале сите големи општествени промени за подобар живот, така ќе биде и денес, пишува кандидатот.

ФОТО: Актуелен градоначалник агитира на терен

Ивона Петрова — Wed, 15 Jul 2020 09:18:41 +0000

Градоначалник на општина од Истокот денеска е фотографиран како активно на терен агитира за гласање во изборен молк. Според информациите до кои дојдовте, актуелниот градоначалник бил забележан во едно ромско маало во рамки на општината, каде одел од куќа до куќа и агитирал.

Невиден очај и нерегуларности за време на молк – Градоначалници и криминални структури агитираат на терен!

Тале Кристо — Tue, 14 Jul 2020 19:27:07 +0000

Изборните нерегуларности од страна на одредени политички партии продолжи и во текот на денешниот ден. За време на молкот, јавноста беше сведок на низа нерегуларности од страна на една партија, за што по истите постапи и МВР, а за некои од лицата кои учествуваа во поткупи на гласови побарано е и притвор. Владејачка партија од македонскиот блок го крши предизборниот молк преку разни обиди за поткуп на гласачи и сценарија со кои ќе се влијае врз изборниот резултат на предвремените парламентарни избори закажани за во среда. Претходно дел од активистите се приведени откако на дело се фатени како се обидуваат да поткупат гласачи, додека полицијата активно работи да спречи понатамошни обиди да се влијае врз гласачите слободно и без притисоци да го дадат својот глас. Денеска на прес-конференција и министерот за внатешни работи Наќе Чулев предупреди дека МВР ќе постапува согласно законот. -МВР ќе биде бескомпромисно, доследно, крајно одговорно со никаква толеранција кон какви и да се евентуални обиди за попречување на граѓанското право за слободно изразување на политичката волја. Секое постапување кое е во спротивност со законот ќе биде соодветно санкционирано, а казните за кривичните дела против изборите се движат до 10 години затвор, истакна на денешната прес-конференција министерот за внатрешни работи Наќе Чулев. Но и покрај сите апели на надлежните, нерегуларните активности од страна на активисти на една владејачка партија продолжуваат и во текот на денешниот ден. Според информациите од терен масовно се агитира за време, се врши поткуп во ромски мала во Ѓорче Петров и Шуто Оризари. За во доцните часови за време на изборен молк градоначалници од една владејачка партија агитираат на терен, асвалтираат улички... Во некои населени места како Сингелиќ, Чучер Сандево, во струмичко и други места во доцните ноќни часови агитираат и криминални структури до политичката партија. Инаку, како за потсетување, МВР веќе лиши од слобода неколку лица за обид за поткуп, а за некои локални функционери е побаран дури и притвор.

ФОТО: Село во БиХ им забрани на политичарите и партиите да дојдат и агитираат во него

Ивона Петрова — Thu, 04 Oct 2018 06:26:08 +0000

Пред општите избори во БиХ, селото Подгора ги предупреди сите кандидати на сите партии да не доаѓаат таму. „Не лажете со години. Ниту една партија не е добродојдена во Подгора“, пишува на голем транспарент што се наоѓа на сретсело. На задната страна од транспарентот, за оние кои се тврдоглави е напишана порака: Дали прочитавте? На луѓето им е доста“. Дел од партиските активисти помислиле дека жителите на селото не мислат сериозно, но нивните плакати биле искинати. Подгора има 700 жители и малку е веројатно дека на изборите в недела ќе излезат да гласаат. Помалку од 20 отсто граѓани имаат доверба во политичарите во државата, се наведува во анкета на Здружението на новинари на БиХ.

Обвинителството постапува по пријавите за телефонското агитирање, МВР молчи од чии телефонски броеви се кршеше изборниот молк

Ивона Петрова — Mon, 01 Oct 2018 12:36:52 +0000

Скопското Основно Јавно обвинителство постапува по поднесените кривични пријави, во врска со скандалот за телефонско агитирање кој вчера го обелодени ВМРО-ДПМНЕ. Од ЈО за Курир информираат дека кривичните пријави се итно доставени до надлежното Основно јавно обвинителство Скопје и по нив веќе се постапува. -Надлежен јавен обвинител издаде Наредба до Секторот за внатрешни работи Скопје за утврдување на гласачите до кои е испратена СМС пораката. До телефонските оператори е издадена наредба за доставување на податоци во врска со носителите на телефонските броеви во моментот на испраќањето на СМС пораките, стои во одговорот кој редакцијата на Курир го доби од ЈО. Оттаму додаваат дека политичка партија има поднесено кривични пријави на отворената електронска адреса за пријавување противправности во врска со органзирањето и спроведувањето на референдумот. Едната од нив се однесувала на телефонските разговори кои вчера излегоа јавноста, а под сомнение за сторени кривични дела „Повреда на слободата на определување на избирачите“ чл. 160 ст. 1 и „Лажно претставување“ чл.391 т.1 од Кривичниот законик. [1] Повреда на слободата на определување на избирачите Член 160 (1)Тој што со употреба на сила, сериозна закана, измама или на друг начин ќе присили или ќе спречи друг да го врши, да не го врши или да го врши избирачкото право во определена смисла, ќе се казни со затвор најмалку три години. [2] Член 391(1) Тој што со намера за себе или за друг да прибави корист или на друг да му стори штета, лажно се претставува како службено или воено лице или неовластено носи знаци на службено или воено лице, ќе се казни со парична казна или со затвор до една година Од Министерството за внатрешни работи до објавувањето на овој текст не добивме одговор дали МВР води истрага во врска со телефонските јавувања за време на изборниот молк, како и дали Министерството има сознанија кој ги вршел телефонските повици, во кои се агитира и се повикува на гласање? За потсетување, портпаролот на ВМРО-ДПМНЕ Наум Стоилковски на вчерашната прес-конференција обелодени дека во изминатите два дена од два телефонски броеви се испраќале СМС пораки и се вршеле телефонски разговори со кои се агитирало за гласање на референдумот. -СДСМ и криминалниот картел на власт телефонски присилува луѓе на гласање со закани и уцени. Во време на молк преку организирани телефонски, Кол-центри, се врши притисок врз граѓани и им се даваат насоки како да постапат. Ова е класична злоупотреба на нивното гласачко право. СДСМ е до толку очаен што дури и лажно се претставуваат и даваат насоки и на членови и активисти на ВМРО-ДПМНЕ во име на ВМРО-ДПМНЕ. Од непознати телефонски броеви се пушта СМС порака до членови и симпатизери на ВМРО-ДПМНЕ да излезат на гласање на овој референдум, и истото се прави од име на ВМРО-ДПМНЕ. Дека наводно бил постигнат некаков наводен договор и дека партијата бара членовите да гласаат на референдумот. Ова не е насока на партијата ВМРО-ДПМНЕ, бидејќи како што е веќе познато партијата има став секој член да одлучи сам по сопствено убедување како ќе постапи во однос на референдумот и капитулантскиот договор, истакна вчера Стоилковски. Тој додаде дека ова претставува незаконско агитирање во време на изборен молк и кривично дело лажно претставување, а според информациите со кои располагала партијата телефонските броеви од каде биле пуштени ваквите СМС пораки се регистрирани на адресата на штабот на СДСМ на Бихакќа, поточно на „Павел Шатев“.

Нетпрес: Првиот кумановски полицаец агитира за референдумот и притиска за гласање

Предраг Кукиќ — Mon, 24 Sep 2018 10:49:24 +0000

Криминалот во Куманово е во пораст за 20 отсто, а началникот на униформираната полиција Зоран Јовановски тера кампања за референдумот и прави притисок за излегување на гласање, пишува Нетпрес. Ова е чест случај, па Нетпрес неодамна објави дека во екот на кампањата за референдум на пикник на СДСМ во Крива Паланка, организиран од министерот за земјоделство, шумарство и водостопанство Љупчо Николовски беа присутни повеќе судии и функционери во МВР. Овој пат и првиот униформиран кумановски полицаец е во функција на агитирање за референдумот, па според информациите на НетПрес, Јовановски и други функционери во полицијата подржувачи на СДСМ прават списоци за следење на полицајци и им се прави притисок за излегување на гласање. Додека Јовановски со членовите на СДСМ агитира меѓу кумановци да излезат и заокружат „ЗА“, неговите сограѓани мака мачат како да излезат на крај со криминалците. Така на седница на Совет на Општина Куманово за работата на ПС Куманово било презентирано дека во првото полугодие од 2018 година криминалот е во пораст за 19, 7 отсто во споредба со истиот период лани, од кој класичниот е за 12,6 проценти.