Елези: Мечот со Малта е друга приказна, сега ние сме тие кои треба да играат со топка!

Ристе Здравков — Mon, 11 Sep 2023 12:05:52 +0000

22-годишниот фудбалер на Вараждин, Агон Елези кој доби место во стартниот состав против Италија, вели дека мечот против Малта ќе биде сосема поинаков, нашата улога ќе биде друга. Македонија дојде до голем бод против Италија, но против Малта фаворитската улога и притисокот за победа ги имаме ние. „Среќен сум за освоениот бод против Италија и за тоа што добив шанса да играм од прва минута. Тоа за мене е голема работа. Имавме свој план кој мислам дека многу добро го одработивме, да ги елиминираме шансите на Италија и преку контра и полуконтра да креираме наши можности. Мислам дека создадовме доволно шанси, дечките покажаа карактер до крај да се одигра на високо ниво против европскиот шампион. Тоа беше заслужен бод против еден така силен противник. Сега гледаме кон Малта, меч на кој одиме на победа“, вели Елези. „Мечот со Малта е сосема друга приказна. Ова е меч во кој ние треба да наметнеме свое темпо, свој ритам, да потврдиме дека резултатот против Италија не беше случаен. Нормално дека ќе биде потешко бидејќи ние сега ќе треба да играме со топка, да нападнеме. Но не се сомневам во овие момци, овои момци многупати досега покажаа дека можат да се носат со секаков притисок. Уверен сум дека ќе дадеме максимум и се надевам на позитивен резултат. Позитивен резултат е три бода, утре треба да покажеме уште еднаш дека Македонија вреди, Македонија има квалитет и Македонија може да игра против секаков вид на екипи“. извор: 24fudbal.mk

Елези: Да веруваме во успех против Украина

Бошко Тасиќ — Tue, 13 Jun 2023 04:13:36 +0000

Фудбалската репрезентација на Македонија со натпреварот в петок против Украина го стартува овој репрезентативен прозорец во кој ќе играме уште и со Англија во рамките на квалификациите за пласман на ЕП наредната година. Голем дел од нашите фудбалери се оптимисти пред двата натпревари, во кои нашите противници се апсолутни фаворити. „Енергијата на тренинзите е на високо ниво, иако е крај на сезоната. Сепак, тоа е доказ колку сме мотивирани, колку е здрава и позитивна атмосферата во тимот. Мора да бидеме позитивни и да веруваме. Не очекува исклучително силен натпревар со репрезентација која има нов селектор и веројатно дополнителен импулс за позитивен резултат“. Морам да кажам дека тренираме одлично, се чувствуваме добро. Сето тоа треба да се пренесе на натпреварот. Свесни сме што ни следи, Украина е квалитетен тим и нема да биде лесно, но ние сме подготвени. Се надеваме на позитивен резултат“, рече Агон Елези. foto: gol.mk

Агон Елези – Kurir.mk

Елези: Мечот со Малта е друга приказна, сега ние сме тие кои треба да играат со топка!

Елези: Да веруваме во успех против Украина