агрокор – Kurir.mk

Ивица Тодориќ плати кауција, излегува од затвор

Ивона Петрова — Tue, 20 Nov 2018 16:32:19 +0000

Поранешниот сопственик на Агрокор Ивица Тодориќ денеска уплати кауција од еден милион евра, со што му е овозможено во текот на денот да излезе на слобода од истражниот затвор, во кој се наоѓа по екстрадицијата од Лондон. На денешното рочиште, кое беше свикано по потврдата за уплата на кауцијата, истражниот судија го предупреди Тодориќ дека доколку ги прекрши одредбите од кауцијата, средствата ќе и припаднат на државата, а против него може да биде поводена постапка. На Тодориќ му се изречени и мерки на претпазливост, односно забрането му е да го напушта престојот кој го има пријавено и не смее да го напушти загреб без одобрение на Судот. Исто така, одземена му е и патната исправа. Тодориќ и неговите синови Иван и Анте, но и 12 лица од Агрокор се осомничени за незаконско стекнување финансиска корист од над милијарда куни од Агрокор. МИА

Тодориќ испорачан во Хрватска и сместен во истражен затвор

Ивона Петрова — Thu, 08 Nov 2018 07:15:46 +0000

Поранешниот сопственик на „Агрокор“ Ивица Тодориќ, против кого е покрената истрага поради „стекнување материјална корист“, синоќа беше екстрадиран во Хрватска, една година откако беше уапсен во Лондон, каде замина по избивањето на аферата „Агрокор“. Непосредно по слетувањето на авионот на хрватскиот аеродром, Тодориќ е одведен во истражниот затвор во Реметинац. Во затворот му е врачено и судско решение за одредување истражен затвор, на кое има право на жалба. Хрватското Министерство за внатрешни работи соопшти дека „во текот на вечерните часови хрватската полиција го спровела 67-годишниот хрватски државјанин од Велика Британија во Република Хрватска, односно во надлежниот затвор“. Тодориќ замина во Лондон тврдејќи дека е изложен на политички прогон од хрватските власти. Откако му беше потврдена одлуката за екстрадирање во Хрватска, тој изјави дека е „малку разочаран“, но дека е подготвен за натамошни битки. Истрагата против Тодориќ беше покрената минатата година поради сомневање дека од „Агрокор“ „извлекол“ повеќе од милијарда куни (1 куна = 0,135 евра). МИА

Нов скандал во Хрватска: Далиќ и Пленковиќ свесно ја лажеле јавноста за Агрокор

Дарко Андоновски — Tue, 15 May 2018 06:27:16 +0000

Потпретседателката на хрватската Влада Мартина Далиќ свесно ја лажела јавноста за состојбата во Агрокор, трудејќи се да извлече корист за себе, објави порталот Индекс и додава дека врз основа на објавена електронска пошта се гледа дека за се уредно бил известен и премиерот на Хрватска Андреј Пленковиќ. Далиќ по скандалот кој ја потресе Хрватска поднесе оставка, а Пленковиќ на прес-конференција рече дека одлуката за нејзината оставка ја донеле заедно. - Мартина Далиќ поднесе оставка која ја прифатив, нагласи премиерот. Од документацијата и електронската пошта кои ги поседува Индекс јасно произлегува дека премиерот Пленковиќ и министерката за економија Далиќ не само што намерно ја лажеле хрватската јавност зборувајќи невистини за состојбата на Агрокор, туку како премиер и потпретседателка на Владата ги искористиле своите положби со цел посебната група, чии членови ги избирала Далиќ, да може да заработи на Агрокор по 10 април. Далиќ, која ја водела групата, никогаш не потпишала договор со ниту еден член на групата, ниту им дала некаков документ дека работната група работи за Владата. Се работело во тајност, а Далиќ со групата раководела преку приватна електронска пошта. Како што се наведува, во таа посебна владина работна група биле Анте Рамљак и Томислав Матиќ како претставници на тогаш мала и непозната консултантска компанија Тексо Менаџмент, Матко Маравиќ и Тончи Коруниќ како претставници на ИнтерКапитал, Бранимир Брицељ од компанијата Алтера Корпрејт Фаненс, Адвокатското друштво Шавориќ и партнери, поточно адвокатите Борис Шавориќ и неговиот партнер од канцеларијата Тони Смрчек. Сите тие добиле милионски ангажмани во Агрокор откако еден член на групата, Рамљак, станал посебен владин доверител и сите внесувале промени во законот кој подоцна ќе стане познат како Лекс Агрокор.

На Тодориќ му се блокирани 64 милиони евра во четири држави

Матеја Петровски — Mon, 23 Apr 2018 15:49:36 +0000

На поранешниот сопственик и основач на Агрокор Ивица Тодориќ му се блокирани 64,4 милиони евра во четири држави, а претстојот во Лондон го финансира со средства од продажбата на семејната куќа на неговата сопруга. На Тодориќ средства му се блокирани во Хрватска, Велика Британија, Холандија и Канада. Неговата сопруга ја продала семејната куќа за 250 илјади евра и тие пари ги донела и пријавила во Велика Британија. Средствата биле наменети за плажање на кауцијата на Тодориќ од 100 илјади фунти и за животни трошоци во Лондон. Британски суд денеска одобри ектрадиција на основачот на Агрокор, за да биде суден за злоупотреби од над 110 милиони евра. Тодориќ има седумдневен рок за обжалување на одлуката. Судот одлучи дека тој не мора да остане во притвор, но мора секој ден да се пријавува во полиција. - Основачот на Агрокор Ивица Тодориќ ќе остане на слобода со построги мерки на претпазливост се до правосилна одлука за испорачување во Хрватска, соопшти судијката од Вестминистерскиот суд Ема Ербутнот. Сопственикот на Агрокор и 14 други осомничени се под истрага во Хрватска во врска со фингирање податоци во компанијата, која е најголема приватна фирма во Западен Балкан, со околу 60.000 вработени. Тој ги отфрла обвиненија за злоупотреби и изјави дека тие се политички мотовирани. (Mиа)