агрон буџаку – Kurir.mk

Агнеса Руси, Агрон Буџаку и Љубомир Фрчкоски амбасадори во Бугарија, Канада и во ОН

Ивана Ефремовски — Tue, 08 Mar 2022 10:46:30 +0000

Министерот за надворешни работи Бујар Османи информира дека се утврдени предлозите за амбасадори на земјава во Бугарија, Канада и во ООН. -По добиените агремани и потпишаниот указ од страна на претседателот Пендаровски, сакам да информирам дека се утврдени следните предлози за амбасадори: Агнеса Руси Поповска за вонреден и ополномоштен амбасадор на Република Северна Македонија во Република Бугарија, Агрон Буџаку за вонреден и ополномоштен амбасадор на Република Северна Македонија во Канада и Љубомир Данаилов Фрчкоски за вонреден и ополномоштен амбасадор на Република Северна Македонија во Организацијата на Обединетите нации. Со ова, бројот на пополнети места – амбасадори и генерални конзули, во нашите дипломатско-конзуларни претставништва, за време на мојот мандат се зголеми на 24, објави Османи на неговиот официјален Фејсбук профил. Процесот на пополнување на испразнетите амбасадорски места, додава во објавата Османи, ќе продолжи да биде еден од врвните приоритети на Министерството за надворешни работи. (МИА)

Стојанче Ангелов именуван за в.д. директор на ЦУК

Ивона Петрова — Wed, 04 Nov 2020 07:00:57 +0000

Владата на вчерашната седница во именуваше Стојанче Ангелов за в.д. директор на Центарот за управување со кризи. -Владата ја прифати оставката на Агрон Буџаку и го разреши од должноста директор на Центарот за управување со кризи, на негово барање, а Стојанче Ангелов да го разреши од должноста национален координатор за воени и полициски ветерани и да го именува за в.д. директор на Центарот за управување со кризи, информираа од Владата.

Буџаку: Да не е помошта од меѓународните институции, ЦУК тешко би си ја сработил работата

Предраг Кукиќ — Sun, 15 Sep 2019 09:26:45 +0000

Ситуацијата во Центарот за управување со кризи е полоша отколку во времето кога се формираше, вели во интервју за Радио Слободна Европа директорот Агрон Буџаку, кој во 2005 година беше првиот директор на оваа институција. –Не е подобрена, туку е полоша откако ја оставив како нова институција и преминав во Собрание како пратеник, а тука бев само девет месеци. Имавме многу амбиции, нов закон, нова клима, но за жал поради субјективни и објективни причини ситуацијата е многу полоша отколку што јас очекував – оценува Буџаку. Тој вели дека ЦУК има мал буџет, кој идната година според проекциите на министерот за финансии дополнително ќе се скрати, од кој околу 92 отсто оди само за плати. –Да не се меѓународните институции кои не помагаат, како УСАИД, јапонската ЏАЈКА и германската институција за помош ГИС и ЕУ, тешко би ја сработиле нашата работа – посочува Буџаку. Овие пораки на директорот на ЦУК доаѓаат во време кога на повеќе локации во земјава беснеат пожари, кои прават огромни штети врз природата, но и економијата.