Агунг – Kurir.mk

Ерупција на вулканот Агунг

Ивана Ефремовски — Sun, 21 Apr 2019 10:12:11 +0000

Вулканот Агунг на индонезискиот туристички остров Бали утрово еруптира, исфрлајќи пепел во висина од два километра. Се уште нема податоци за евентуални човечки жртви, но и понатаму останува во сила предупредувањето од трет степен од можните четири. Индонезиските власти издадоа соопштение со предупредување да се почитува зоната на безбедност во радиус од четири километри. И други два вулкана на островот Јава продолжуваат да еруптираат. Во сила е состојба на зголемена готовност поради вулканот Бром во источниот дел на Јава и Мерапи во Јогијарта. -Оваа е нормална ситуација и јавноста не треба да чувствува паника, се додека е вон опасната зона. Немојте да се обидувате да се доближите до кратерот за да ја снимите вулканските активности, предупреди портпаролот на националната Агенција за помош при катастрофи Ситопо Нугрохо. Последната голема ерупција на Агунг беше 1963 година, кога загинаа повеќе од илјада луѓе и беа уништени неколку села.

Нова ерупција на вулканот Агунг

Ивона Петрова — Tue, 03 Jul 2018 05:58:00 +0000

Индонезиските власти соопштија дека синоќа дошло до уште една голема ерупција на вулканот Агунг, кој се наоѓа на островот Бали. Во седумминутната ерупција, облаците чад се издигнале на неколку километри височина, а лавата течела до два километри од кратерот. Облаците чад се движат на запад. Нема податоци за повредени или загинати лица во најновата ерупција. Индонезиските власти и понатаму ја држат затворена зоната од четири километри окоу вулканот, но засега прометниот аеродром Денпасар на јужниот дел на островот Бали останува отворен. МИА

Ерупција на вулканот Агунг на Бали

Ивона Петрова — Mon, 02 Jul 2018 06:34:40 +0000

Вулканот Агунг на индонезискиот остров Бали еруптираше денеска, при што исфрли чад во висина од 2.000 метри. Ерупцијата траеше три минути, а засега не постои опасност по авионските летови над островот, јави новинската агенција ДПА. Властите ја затворија областа од четири километри околу вулканот. Повеќето жителите се евакуирани од близината на вулканот уште од ноември, кога почна серијата ерупции и земјотреси. Во 1963 и 1964 година ерупции на вулканот Агунг предизвикаа над 1.200 жртви. МИА