Ајакс – Kurir.mk

Поранешниот селектор на Германија ќе биде тренер на Ајакс?

Бошко Тасиќ — Wed, 25 Oct 2023 04:07:51 +0000

Екипата на Ајакс на ужасен начин ја започна новата сезона во холандското првенство и се наоѓа во голема криза, а проблемите се зголемуваат и со незавидната финасиска ситуација на клубот. Гигантот од Амстердам има само една победа сезонава, што резултираше со отказ за тренерот Морис Стејн. На следниот натпревар тимот ќе биде предводен од Хедвигес Мадуро, кој не ги поседува потребните квалификации за подолг договор, па затоаа клубот ќе мора да назначи друго трајно решение за клупата. Холандските медиуми на големо пишуваат дека тоа најверојатно ќе биде Џон ван Шип, кој е легенда на Ајакс и за овој клуб има одиграно 273 натпревари во кариерата. 59-годишниот Вант Шип беше тренер на Мелбурн Харт, Чивас од Мексико, и холандски Цволе, а јавноста најмногу го памети како селектор на Грција, каде работеше во периодот помеѓу 2019 и 2021 година. Навивачите на славниот Ајакс бараат промени и подобрување на формата. Дел од поранешните легенди сметаат дека тимот е „зрел“ да се бори за опстанок, што би било еднакво на сензационален срам за најтрофејниот холандски клуб. Ајакс е четирикратен европски шампион и сѐ уште ја поседува најквалитетната фудбалска школа во Европа.

Луј ван Гал се враќа во Ајакс

Бошко Тасиќ — Thu, 05 Oct 2023 04:10:29 +0000

Фудбалскиот клуб го има најлошиот влез во една сезона во претходните 123 години, бидејќи се наоѓа на 15. место во првенството на оваа земјка. Од клубот отказ доби спортскот директор Свен Мислинтат, се зборува и за заминување на тренерот, меѓутоа постојат и други проблеми. Помош на клубот ќе му биде Луј ван Гал. Прославениот стручњак се враќа во редовите на Ајакс, ама овојпат во поинаква улога. Ван Гал ќе биде советник за фудбалски прашања. Тој нема да биде вклучен во дневните активности на Ајакс, ниту пак ќе биде замена за Мислинтат, ама со своето искуство ќе се обиде да помогне за клубот да се врати на победничките патеки.

РКЦ Валвикј излезе со соопштение за голманот кој беше вратен во живот на теренот (Фото)

Бошко Тасиќ — Sun, 01 Oct 2023 07:00:42 +0000

Играчите на Ајакс на втор натпревар по ред не го дочекаа последниот судиски свиреж, но ако пред една недела причина за тоа беа хулиганите, сега дојде до прекин поради уште посериозна ситуација. Средбата меѓу РКЦ Валвијк и Ајакс беше прекината во 89-та минута, а причина за тоа беше жестокиот удар во глава кој го доби домашниот голман по еден дуел со Брајан Броби од Ајакс. Етиен Васен доби непријатен удар во глава и веднаш стана јасно дека е во бессознание, по што настана голема паника на теренот и на помош притрчаат двата лекарски тима. Обезбедувањето направи круг околу голманот за да не се гледаат трогателните и страшни моменти, бидјеќи Васен буквално беше враќан во живот со дефибрилатор од медицинските лица. На крајот, Етиен беше вратен во живот и пренесен во болница со амбулантно возило, па на тој начин дојде до сценариото за кое се молеше цела Холандија. Ајакс се молеше за ривалот и му посака се најдобро откако стигнаа позитивни вести, а со официјално соопштение се јави и РКЦ доцна во ноќта. – Почитувани членови на РКЦ. Крајно сме шокирани од инцидентот кој го имаше на теренот нашиот голман Етиен Васен. Можеме да соопштиме дека по опсежниот лекарски преглед тој е свесен и е пренесен во болница на дополнителни прегледи. На Етиен му посакуваме многу сила и се надеваме дека наскоро ќе го имаме повторно со нас.

Ајакс се огради од навивачите и го смени спортскиот директор

Ивана Ефремовски — Mon, 25 Sep 2023 15:43:05 +0000

Трофејниот холандски фудбалски клуб Ајакс денеска преку одвоени соопштенија се огради од навивачите кои предизвикаа прекин на вчерашното дерби против Феенорд и воедно му врачи отказ на спортскиот директор Свен Мислинтат. Дербито меѓу Ајакс и Феенорд беше прекинато во 55. минута поради дивеење на домашните навивачи при резултат 0-3 за гостинскиот тим. -Раководството и Надзорниот одбор се оградуваат од сè што во неделата доведе до прекин на натпреварот со Феенорд, како и од сè што дополнително се случуваше. На такво однесување нема место во Ајакс. Разочарувањето поради лошиот старт на сезоната е разбирливо, но тоа не смее да биде оправдување за инциденти, соопшти Ајакс. Во одвоено, исто така, штуро соопштение, клубот од Амстердам објави дека спортскиот директор Мислинтат е отпуштен, само пет месеци откако беше назначен на должноста. -Соработката меѓу Ајакс и Свен Мислинтат е прекината и оваа одлука станува на сила веднаш, се наведува во клупското соопштение. Ајакс по воведните четири натпревари во холандското првенство освои само пет бодови и се наоѓа на 14. место на табелата. (МИА)

Вест Хем го договори фудбалерот на Ајакс

Бошко Тасиќ — Thu, 24 Aug 2023 03:57:03 +0000

Вест Хем е пред комплетирање на трансферот на ѕвездата на Ајакс, Мохамед Кудус, пренесуваат медиумите на Островот. Вест Хем постигнал договор со Ајакс за трансфер на Кудус тежок 40 милиони фунти и напаѓачот утре ќе пристигне на лекарски прегледи во Лондон. Репрезентативецот на Гана беше голема желба на Челзи, бидејќи Покетино е во потрага по нов напаѓач.

Душан Тадиќ заминува од Ајакс

Бошко Тасиќ — Sat, 15 Jul 2023 04:44:32 +0000

Српскиот фудбалски репрезентативец, Душан Тадиќ нема повеќе да биде дел од холандскиот великан Ајакс. По пет години минати во Амстердам, офанзивецот реши дека е време за промена, побара да му биде раскинат договорот кој му завршуваше наредната година, барање кое Ајакс одлучи да му го исполни.

-Одлуката да го напуштам клубот беше многу тешка за донесување. Сепак, верувам дека ова е вистинскиот момент. Мислам дека е правилно не само за мене, туку и клубот да направиме нов почеток. Времето што го имав во Ајакс и успесите што ги славевме ми даваат неописливо чувство какво што досега не сум доживеал во кариерата. Би сакал да им се заблагодарам на сите фанови за прекрасното време што го поминав овде. Ако зависи од мене, ова не е последно збогум. Засекогаш ќе бидам играч на Ајакс и се надевам дека наскоро ќе се вратам во Амстердам во друга улога како тренер, -порача Тадиќ.

Наводно Душан не е задоволен од случувањата во Ајакс, позицијата во која се наоѓа, но и од неговиот статус кај новиот директор Свен Мислинтат. Тие имале разговор по кој решиле дека најдобро е секој да тргне по својот пат. Србинот со Ајакс ги освои сите пехари во Холандија, а играше и во полуфиналето на Лигата на шампионите. Вкупно одигра 241 натпревар на кој даде 105 голови и подели 112 асистенции.

Ајакс на лето ќе се обиде да го врати Хаким Зијеш

Бошко Тасиќ — Fri, 17 Mar 2023 05:22:57 +0000

Холандскиот гигант Ајакс на лето ќе направи нов обид да го врати крилниот напаѓач Хаким Зијеш. Минатото лето клубот од Амстердам не успеа да ги договори условите со Челси за ангажман на Мароканецот, но раководството на холандскиот тим не се откажува во намерата. Пред да се пресели во Челси за 40 милиони евра, Зијеч имаше одлична кариера во Ајакс каде помина четири години и забележа 165 настапи, постигнувајќи 49 гола и 81 асистенција. Тој во 2018 година беше прогласен за играч на сезоната во Ередивизие. 29-годишниот фудбалер е сè понезадоволен од статусот на резерва во тимот и речиси сигурно ќе побара трансфер во текот на летото, а со задоволство би се вратил во Ајакс.

Хејтинга на клупата на Ајакс до крајот на сезоната

Тале Кристо — Fri, 03 Feb 2023 16:33:41 +0000

Ајакс го назначи својот поранешен фудбалер, 39-годишниот Џон Хејтинга, за нов тренер кој ќе остане на клупата на актуелниот холандски шампион до крајот на сезоната, а доаѓа на местото на Алфред Шројдер, кому претходно му беше врачен отказ поради серијата слаби резултати. „Уверени сме дека ова е вистинско решение. Уверени сме во квалитетите на Џон и визијата која ја има“, изјави директорот на Ајакс, Едвин ван дер Сар. Шројдер го презеде Ајакс на почетокот на сезоната, наследувајќи го Ерик тен Хаг, но беше разрешен од должноста по серија од седум натпревари без победа во холандското првенство. Ајакс во моментов е четвртопласиран на табелата со 37 бодови, пет помалку од лидерот Феенорд. „Екипата сега мора да победува, да работи на својата самодоверба и да продолжи да се развива. Имаме уште многу за што да се бориме оваа сезона“, порача првиот човек на Ајакс во изјава за клупскиот сајт.

Златко Далиќ нов тренер на Ајакс?

Бошко Тасиќ — Sat, 28 Jan 2023 07:39:05 +0000

Холандскиот гигант Ајакс по лошите резултати во првенството го оѕпушти тренерот. Ајакс е во потрага по негова замена, а според последните информации на медиумите хрватскиот селектор Златко Далиќ е главен фаворит. Далиќ веќе два Мундијали со Хрватска бележи одлични резултати, па по среброто во Русија во 2018 година, оваа година во Катар ги водеше „коцкестите“ до бронза. Засега е сигурно дека Хеитинга ќе го води Ајакс во наредните натпревари.Не се исклучува можноста Хеитинга да остане на клупата до крајот на сезоната, а потоа да дојде Далиќ.

Ајакс го отпушти тренерот Шројдер

Ивана Ефремовски — Fri, 27 Jan 2023 11:59:36 +0000

Актуелниот холандски фудбалски шампион Ајакс му врачи отказ на тренерот Алфред Шројдер поради „разочарувачки резултати“, соопшти клубот од Амстердам. Шројдер, кој минатото лето го презеде Ајакс кога екипата ја напушти Ерик тен Хаг, е разрешен од должноста по синоќешното реми против Волендам (1-1) и серијата од седум натпревари без победа во холандското првенство. -Тоа беше болна, но неопходна одлука. Верувавме дека Алфред може да ги промени работите. Ни стана јасно дека тоа нема да се случи, изјави директорот на Ајакс, Едвин ван дер Сар. Ајакс е петтопласиран на табелата во Холандија со седум бодови помалку зад водечкиот Феенорд. (МИА)