Ајкули – Kurir.mk

17 години голф терен во Австралија бил затворен поради ајкулите кои доаѓале во слатководното езеро – откако било повторно отворено по толку години следело неочекуван шок! (ВИДЕО)

Дарко Андоновски — Mon, 30 Oct 2023 09:30:29 +0000

На поле за голф во Австралија мистериозно се појавија шест ајкули. И, тоа 10 години по повторното отворање на голф-клубот „Карбрук“, откако 17 години бил затворен, меѓу другото, и поради овие „гости“, објави „Си-ен-ен“. Слатководното езеро близу голф-теренот, на околу 14 километри од Тихиот Океан е пример дека тн. бикова ајкула може да преживее секаде. Иако потекнуваат од топлите и тропските солени води, овие ајкули имаат органи прилагодени да ја задржуваат ним потребната сол, што им овозможува да навлезат и во слатководни средини, што би се покажало смртоносно за другите видови ајкули. - Се раскажува дека ајкулите се агресивни кога ќе дојдат во допир со луѓето. Но, кога ќе ги доживеете во толку непосредна близина и ќе сфатите колку се убави и грациозни, тогаш едноставно само им се воодушевувате, изјави управителот на клубот, Скот Вагстаф. Теренот лани бил потопен во најлошата поплава кога било забележана во оваа област, а Вагстаф всушност посакува поплавата да ги зголеми надежите дека ајкулите би се вратиле во езерото во близина. Само времето ќе покаже дали има можности за тоа, но „Карбрук“ размислува и за опстојување без својата „маскота“, т.е. разгледува можности езерото да се исуши заради нов голф-терен.

Страшна глетка: Над 50 ајкули опколија чамец на маж и жена додека биле на риболов…

Ристе Здравков — Wed, 08 Mar 2023 11:13:45 +0000

Маж и жена кои ловеле туна жолтоперка во близина на брегот во Луизијана, снимиле прилично страшна глетка.

ВИДЕО: ВНИМАВАЈТЕ доколку сте сте во Мармарис – по Египет, ајкули се појавија и во Турција

Ристе Здравков — Wed, 03 Aug 2022 15:59:06 +0000

Oткако туристите кои летуваат во Египет летово забележаа ајкули сега тие се појавија и во Турција. Поточно во Мармарис каде претстојуваат и македонски туристи. На видеото се гледа ајкулата како плива заедно со капачите додека во водата има и деца.

📹| The shark, which was seen on the Marmaris coast, was removed by the citizens "by hitting its head with a floor mop". pic.twitter.com/xlwRohbsD4
— EHA News (@eha_news) July 4, 2022

Пет многу блиски средби со ајкули (ВИДЕО)

Ристе Здравков — Wed, 06 Jul 2022 07:27:08 +0000

Во период кога од неколку држави ни доаѓаат вести за блиски средби на луѓе и ајкули во близина на плажите, ви пренесуваме неколку блиски, но контролирани средби меѓу професионални нуркачи и овие морски животни. Погледнете...

Сара Мејс во осмиот месец од бременоста плива со ајкули (ВИДЕО)

Ристе Здравков — Mon, 30 May 2022 19:39:53 +0000

Пејачката Сара Мејс, која во моментов е во осмиот месец од бременоста, заедно со сопругот Димитар Атанасовски и ќеркичката Илина уживаат на одмор во Анталија. Покрај фотографиите што ги објавуваат на Инстаграм, сега објавија и видео од нивната авантура – пливање со ајкули.

View this post on Instagram

A post shared by Sarah Mace (@sarahmace__)

„Неверојатно искуство и доживување… Once in a lifetime. Дури си во базенот со ајкулчињата слатки си земаш една школка и после бисерот од школката ти го ставаат во приврзок и на ланче…. Јас моето го подарив на Илина, а Димитар своето ми го подари мене…. Дали дека сум трудна па сум емотивна или некако пресимболично ми е… Најубавото ланче на светот (Читај најубавиот спомен)“, напиша Сара во опис на видеото.

View this post on Instagram

A post shared by Sarah Mace (@sarahmace__)

Австралија: Осма жртва на напад на ајкули оваа година

Тале Кристо — Sun, 22 Nov 2020 08:49:29 +0000

Средовечен човек загина, откако беше нападнат од ајкула во Западна Австралија и тој е осма жртва на ваков напад годинава во Австралија. Додека пливал покрај плажа во популарно летувалиште во Индискиот Океан, 55-годишен маж бил нападнат од ајкула, па иако полицијата набргу се појавила на местото и му пружила прва помош на несреќниот човек, тој починал на самото место, пред да пристигне брзата помош. Полицијата веднаш нареди затворање на плажата, а рибарските бродови започнале да патролираат и да ја обиколуваат областа каде што се случил нападот. Ова е осми смртоносен напад на ајкула оваа година во Австралија.

Ајкулите во светот загрозени поради вакцината против Ковид-19

Ивона Петрова — Wed, 30 Sep 2020 07:47:53 +0000

Половина милион ајкули во светот би можеле да бидат убиени во потрагата по вакцината против Ковид-19, предупредува групата „Сојузници на ајкулите“ (Shark Allies). Се работи за органската материја сквален, којашто се извлекува од црниот дроб на ајкулите. На пр., за еден тон сквален потребни се меѓу 2.300 и 3.000 ајкули. Според организацијата, за сите луѓе на планетава да добијат вакцина за коронавирус, тоа ќе значи убивање на околу 250.000 ајкули. Две дози од вакцината би убиле половина милион ајкули и, тоа е, како што посочуваат оттаму, сериозна опасност за Земјиниот екосистем. Фармацевтскиот гигант ГСК моментално користи сквален за вакцините против грип бидејќи ја подобрува ефикасноста на вакцината создавајќи посилна имунолошка реакција. Според еколозите, треба да се најде начин да се создаде вештачки еквивалент на оваа животинско-растителна материја. Скваленот е природно органско соединение кое се извлекува главно од мастите од црн дроб на ајкула, но може да се добие и од семето на коприва, пченка, од оризот, маслинките… Сите растенија и животни во своето тело произведуваат одредена количина сквален, вклучувајќи ги тука и луѓето.

Мајк Тајсон VS ајкули – во три рунди

Ристе Здравков — Mon, 10 Aug 2020 12:32:09 +0000

Мајк Тајсон уште е толку големо спортско име што секоја негова активност предизвикува огромно внимание, а неодамна тој имаше случка на која ќе се сеќава цел живот – среќавање лице-во-лице со огромна ајкула. Како дел од „Shark Week“ неделата на популарниот „Дискавери“ канал, тој одеше на нуркање со ајкули, а една од задачите беше да успие една со невообичаен момент – со скокоткање на носот на ајкулата. 54-годишниот поранешен шампион во тешка категорија, признава дека бил „смртно исплашен“ и дека повраќал пред авантурата. Во првата рунда, Тајсон нуркаше во кафез со таканаречената лимонска ајкула, во втората рунда, тој нуркаше на отворено и требаше да ги турка ајкулите нежно ако му се приближат, а во третата беше предизвикот со нуркање на над 10 метри без кафез во кој требаше да ја грабне ајкулата за нос. Тајсон поминал неколку дена на Бахамите работејќи со научници за да се навикне на ракување на ајкулите.

The only way to get over your fears? Dive straight in. Watch me kick off #SharkWeek with Tyson vs. Jaws: Rumble on the Reef tonight at 9pm ET only on @Discovery pic.twitter.com/9i1LktglXc
— Mike Tyson (@MikeTyson) August 9, 2020

Застрашувачки снимки: Напади на ајкули снимени одблизу

Предраг Кукиќ — Mon, 05 Aug 2019 10:25:21 +0000

Ова се видеоснимки од напади на ајкули снимени од непосредна близина, а најчесто ги снимале токму нападнатите и преживеани пливачи. Последиците за среќа не биле фатални, но ни малку наивни, дури и застрашувачки. Жртвите не се само професионални нуркачи, туку и аматери и обични туристи.

За само неколку дена 21 милион прегледи: Колку ајкулите може да намирисаат човечка крв (ВИДЕО)

Предраг Кукиќ — Tue, 30 Jul 2019 18:36:20 +0000

Марк Робер е Јутјубер со 7,8 милиони претплатници и реши да провери дали ајкулите може да почуствуваат една капка човечка крв во морето. Тој на настанот на Дискавери направи експеримент во океанските води на Бахамите. Тој во водата најпрвине истурил различни течности , како рибино масло , урина и крв од крава. Најпрвин ниту една од течностите не го привлекла вниманието на ајкулите, но по 20 тина минути тие почнале да ја чувствуваат крвта и да се собираат на местото каде што била истурена. На крајот на експериментот било утврдено дека четири ајкули биле привлечени од рибиното масло , дури 41 ајкула тргнале по крвта, а ниту една не пливала кон местото каде што била истурена урината. Робер отишол уште еден чекор понапред . Во водата капнал сопствена крв , но толку мало количество не привлекло ниту една ајкула. Робер до своите претплатници упатил порака да не се плашат доколку се изгребат во море . Ајкулата за неколку капки крв нема да тргне по нив.