ајнтрахт франкфурт – Kurir.mk

ВИДЕО: Реал по петти пат го освои Суперкупот на УЕФА

Ивона Петрова — Thu, 11 Aug 2022 05:34:01 +0000

Екипата на Реал Мадрид со трофеј ја почна сезоната 2022/23. „Кралскиот клуб“ вчера на „Олимпискиот стадион“ во Хелсинки го победи Ајнтрахт Франкфурт со 2:0. За актуелниот европски шампион ова е петти трофеј во Суперкупот на УЕФА, додека Ајнтрахт Франкфурт кој е победник во Лига Европа минатата сезона, на ја искористи својата прва шанса за титула во ова натпреварување. Стрелци на головите беа Давид Алаба во 37. минута и Карим Бензема во 65. минута. Реал се изедначи со Барселона и Милан кои исто така имаат по пет трофеи во Суперкупот. Воедно, шпанскиот фудбалски гигант стигна до 98. пехар во клупската историја, и само два трофеја го делат да биде првиот клуб со 100 титули.

Анчелоти со Бензема, Винисиус и Модриќ во почетниот состав против Ајнтрахт

Тале Кристо — Wed, 10 Aug 2022 19:02:57 +0000

Реал Мадрид и Ајнтрахт Франкфурт ги објавија почетните состави за натпреварот од Суперкупот на УЕФА. Тренерот на Реал, Карло Анчелоти се одлучи за следниве 11: Куртоа, Карвахал, Милитао, Алаба, Менди, Крос, Модриќ, Касемиро, Валверде, Винисиус и Бензема. На клупата за резреви ќе бидат: Лунин, Ваљехо, Фернандез, Рудигер, Васкез, Чуамени, Камавинга, Себаљос, Родриго, Азар, Асенсио, Маријано. Стартниот состав на Ајнтрахт изгледа вака: Трап, Ндика, Соу, Камада, Роде, Туре, Боре, Ленц, Линстром, Тута, Кнауф. Резерви: Грал, Рамај, Смолчиќ, Јакиќ, Коло, Алиду, Хасебе, Аларио, Чендлер, Хеуге, Геце. Натпреварот ќе се игра вечерва од 21 часот на „Олимпискиот стадион“ во Хелсинки.

Суперкуп на УЕФА: Реал Мадрид против Ајнтрахт Франкфурт

Тале Кристо — Tue, 09 Aug 2022 18:56:46 +0000

Реал Мадрид замина во Хелсинки на мечот со Ајнтрахт за Суперкупот на УЕФА. Главниот тренер на Мадрид, Карло Анчелоти вклучи 25 играчи на списокот кои ќе конкурираат за натпреварот. Тука се и новодојдените во клубот – дефанзивецот Антонио Рудигер и играчот од средниот ред Аурелиен Чуамени. Од друга страна, Ајнтрахт Франкфурт објави дека офанзивниот играч за врска Филип Костиќ нема да учествува на натпреварот. Србинот се договори за трансфер во Јувентус. Реал Мадрид и Ајнтрахт Франкфурт ќе играат во Хелсинки на 10 август. Натпреварот започнува во 21 часот. За прв пат на ова ниво во натпревар под покровителство на УЕФА ќе се користи полуавтоматски систем за определување офсајд.

Геце се врати во Бундеслигата и потпиша за Ајнтрахт

Бошко Тасиќ — Wed, 22 Jun 2022 05:18:08 +0000

Поранешниот германски репрезентативец Марио Геце (30) и официјално е новиот фудбалер на Ајнтрахт од Франкфурт кој е актуелен победник во Лигата на Европа. еце потпиша договор до 2025 година, а во изминатите две години настапуваше за ПСВ Ајндховен за кого одигра 77 натпревари, постигна 17 голови и забележа 18 асистенции.

– Навистина сум среќен што потпишав за Ајнтрахт Франкфурт. Овој клуб доживеа несекојдневен подем и тргна на возбудливо и амбициозно патување на кое и јас ќе бидам дел. Разговорите со спортскиот директор Маркус Краше и тренерот Оливер Гласнер покажаа дека ги имаме и ги следиме истите цели и идеи. Овој клуб има одлична основа, од стадион преку навивачи до самиот град, се ми одговара. Со нетрпение очекувам да се вратам во Бундеслигата. Освен тоа, имаме можност да играме и во Лигата на шампионите – изјави Геце по потпишувањето на договорот.

Поранешниот германски репрезентативец претходно има настапувано за Борусија Дортмунд и Баерн Минхен кои кои освои пет титули во Бундеслигата, четири во германскиот Куп и по еднаш Суперкупот на УЕФА и Светското клупско првенство

Ајнтрахт Франкфурт го враќа Геце во Бундеслигата

Ивана Ефремовски — Tue, 21 Jun 2022 16:17:52 +0000

Поранешниот германски репрезентативец и стрелец на победоносниот гол во финалето на Светското првенство 2014 против Аргентина, 34-годишниот Марио Геце се очекува да ги засили редовите на освојувачот на Лига Европа, Ајнтрахт од Франкфурт. Геце од 2020 година е член на холандски ПСВ со кој го врзува договор до 2024 година, но, според германските медиуми, Ајнтрахт одлучил да плати 4.6 милиони евра, колку што е износот за автоматски да се активира клаузулата од договорот според која Геце може да ја напушти холандската екипа за која одигра 77 натпревари и постигна 18 голови. Геце настапуваше 11 сезони во Бундеслигата од дебито во дресот на Борусија Дортмунд во 2009 година, а беше член и на минхенски Баерн. Германскиот офанзивен играч за врска не се појави првиот ден од подготовките на ПСВ, кој во новата сезона ќе го предводи Руд ван Нистелрој, а клубот соопшти дека Геце „добил дозвола за финализирање трансфер во друга екипа“. Според германските медиуми, Ајнтрахт на Геце ќе му понуди тригодишен договор. (МИА)

Јувентус ќе доведе уште еден српски репрезентативец

Бошко Тасиќ — Sun, 19 Jun 2022 19:48:02 +0000

Италијанскиот фудбалски тим Јувентус е многу близу до ангажман на Филип Костиќ од редовите на Ајнтрахт Франкфурт. Српскиот репрезентативец веќе ги договорил личните услови со „Старата дама“ и е подготвен да потпише тригодишен договор. Сега останува најтрофејниот италијански клуб и Ајнтрахт да се договорат околу обештетувањето.

Бундеслигашот ја одбил првата понуда од 12 милиони евра и бара 20 милиони обештетување. Германските медиуми велат дека клубовите ќе се најдат на половина пат и Костиќ ќе премине во Торино за 17 милиони евра.

Јовиќ среќен што се врати во Ајнтрахт

Тале Кристо — Sat, 06 Mar 2021 10:54:59 +0000

Напаѓачот Лука Јовиќ е уверен дека неговото враќање од Реал Мадрид во Ајнтрахт Франкфурт е правилен потег. – Мислам дека враќањето во Ајнтрахт Франкфурт е напредок за мене. Нема сомнение дека тоа беше правилна одлука, во овој тим сè ми одговара. Главната работа е дека тимот е успешен. Кога тимот покажува позитивни резултати, јас се чувствувам задоволен. Ќе се обидам да му помогнам на Ајнтрахт колку што можам, изјави Јовиќ за шпански „АС“. Србинот е на позајмица во Ајнтрахт од јануари 2021 година. На негова сметка се три гола на осум натпревари за бундеслигашот. Дваесет и тригодишниот Јовиќ веќе играше за клубот од Франкфурт од 2017 до 2019 година, по што се пресели во Реал Мадрид за 63 милиони евра.

Фудбалер заразен со коронавирус, цела екипа во карантин

Ивана Ефремовски — Fri, 20 Mar 2020 19:14:25 +0000

Ајнтрахт потврди дека еден негов фудбалер е позитивен на тест за новиот коронавирусот и дека цела екипа ќе биде во карантин во наредните 14 денови. -Цела екипа, вклучувајќи ги и тренерите и останатиот персонал, ќе бидат тестирани, а во наредните 14 дена ќе мора да минат во задолжителен карантин, порачуваат од бундеслигашот од Франкфурт, но не кажаа кој е позитивниот играч. (МИА)

УЕФА повторно го казни Ајнтрахт поради навивачите

Дарко Андоновски — Sat, 18 May 2019 12:28:02 +0000

Радоста на навивачите на Ајнтрахт Франкфурт по победата над Бенфика во четвртфиналето на Лига Европа донесе на клубот казна од УЕФА. Овој пат „орлите“ беа казнети со 34.500 евра, а причината е „обид за упад“ – дел од фановите на се уште актуелните носители на Купот на Германија се симнаа од трибините и речиси стигнаа до теренот, но беа сопрени навреме, откако нивните миленици се квалификуваа за полуфиналето на турнирот. Ова не е првиот прекршок на навивачите на Ајнтрахт во евротурнирите оваа сезона. Случките, кои донесоа санкции на клубот, веќе се претворија во навика, откако на гостувањето кај Интер фановите користеа пиротехника и стрелаа со „бомбички“ врз противничкиот сектор. Како резултат на тоа, клубот беше казнет со 50.000 евра, а инциденти имаше и при посетата на Лацио. УЕФА му наметна на Франкфурт условен период, кој првично беше две години, но потоа беше продолжен на три.

Aнте Ребиќ останува во Ајнтрахт до 2022 година

Матеја Петровски — Fri, 10 Aug 2018 20:04:17 +0000

Хрватскиот фудбалер Анте Ребиќ останува во Ајнтрахт Франкфурт, откако со клубот потпиша нов четиригодишен договор. Ребиќ е еден од клучните играчи на Ајнтрахт во изминатите две сезони, а летово се појавија гласини дека доскорешниот тренер и сонародник Нико Ковач планира да го поведе со себе во Баерн Минхен. Ајнтрахт успеа да го задржи и покрај интересот на силните клубови, истакна спортскиот директор на клубот, Фреди Бобич. Хрватскиот фудбалер во дресот на Ајнтрах досега постигна осум голови. (Миа)