Ајнтрахт – Kurir.mk

Италија забрани гостински навивачи за реваншот меѓу Наполи и Ајнтрахт

Ивона Петрова — Wed, 08 Mar 2023 16:40:52 +0000

Навивачите на Ајнтрахт од Франкфурт нема да добијат дозвола да присуствуваат на реванш натпреварот од осминафиналето во Лигата на шампиони идната недела против Наполи во Неапол, а италиjaнското Министерство за внатрешни работи планира да спречи продажба на билети за гостински навивачи, официјално соопшти германскиот клуб. Ајнтрахт на првиот натпревар во Германија загуби со 2-0, а на реваншот очекуваше да има поддршка од нешто помалку од 3.000 свои навивачи. „Ајнтрахт Франкфурт официјално e известен од УЕФА дека италијанското МВР ќе издаде уредба со која на фудбалскиот клуб Наполи му се забранува продажба на влезници за навивачи на Ајнтрахт за реваншот на 15 март. Ова го вклучува целиот контингент гостински навивачи од 2.700 билети“, соопшти клубот од Франкфурт. Навивачите на Ајнтрахт и Наполи се судрија во Франкфурт, а полицијата тој натпревар го оквалификува како високо ризичен. Германскиот клуб реагираше на одлуката на италијанските власти, оценувајќи дека тоа може да претставува опасен преседан.

Конте го нарече чуден резултатот од натпреварот со Ајнтрахт

Ивона Петрова — Thu, 13 Oct 2022 06:30:06 +0000

Тренерот на Тотенхем, Антонио Конте даде свое видување за победата над Ајнтрахт (3:2) во натпреварот од 4. коло од групната фаза на Лигата на шампионите. – Натпреварот заврши со чуден резултат. Можевме да постигнеме многу, многу голови. Мораме да научиме од оваа ситуација. Но, за нас ова е важна победа, изјави Конте. На другиот дуел од Д-групата Марсеј го победи Спортинг на гостински терен со 2:0. На две кола до крајот на групната фаза, Тотенхем е лидер со 7 бода, Спортинг и Марсеј имаат по 6, Ајнтрахт е на последното место со 4 бода.

Анчелоти: Мечот беше многу потежок отколку што изгледаше

Ивона Петрова — Thu, 11 Aug 2022 06:54:11 +0000

Тренерот на Реал Мадрид, Карло Анчелоти даде свое видување за синоќешната победа над Ајнтрахт (2:0) во Суперкупот на УЕФА. – Нашите анализи ја покажаа слабоста на противникот на подалечната статива при нафрлањето на топките. Но, на крајот се покажа дека голот е повеќе случајност, освен присуството на Касемиро во таа зона, бидејќи го замоливме да истрча таму. Не ми требаше оваа победа за да ви кажам дека мојот тим е сè уште гладен и мотивиран. Тоа беше тежок натпревар. Беше многу потешко отколку што изгледа на прв поглед, изјави Анчелоти. Реал Мадрид го освои Суперкупот на УЕФА по петти пат во својата историја. „Кралевите“ се израмнија со Милан и Барселона по освоени трофеи во ова натпреварување.

Ајнтрахт е прв германски финалист во Лига Европа

Магдалена Андонова — Fri, 06 May 2022 07:23:01 +0000

Со елиминацијата на лондонски Вест Хем во синоќешното полуфинале фудбалерите на Ајнтрахт Франкфурт станаа првиот германски клуб кој обезбеди финале од воведувањето на Лига Европа во сезоната 2009/10. За бундеслигашот од Франкфурт тоа воедно ќе биде прво европско финале по пауза од 42 години. Последен пат Ајнтрахт стигна до финале во 1980 година во Купот на УЕФА, кога и го освои својот единствен европски трофеј. Ајнтрахт играше и во финалето во Купот на европските шампиони во 1960 година и беше поразен од мадридски Реал со 7-3. Нивниот противникот на 18 мај во Севиља, шкотски Глазгов Ренџерс, ќе го одигра своето петто европско финале во историјата, а прво по 2008 година. Шкотскиот тим досега има само еден трофеј, во Купот на европските купови во 1972 година. (МИА)

Приведени над 30 навивачи пред вечерашниот дуел Ајнтрахт – Вест Хем

Дарко Андоновски — Thu, 05 May 2022 16:06:51 +0000

Пред вечерашниот реванш полуфинален натпревар во рамки на Лига Европа меѓу Ајнтрахт и Вест Хем германската полиција во Франкфурт има полни раце работа во справувањето со фудбалските хулигани. Приведени се повеќе од 30 навивачи на двете екипи, а во дивеењето низ градот се повредени три лица. Најсериозниот инцидент се случи во ресторан во центарот на градот каде навивачите го демолираа инвентарот со безбол палки, а еден вработен е повреден. Во друг инцидент се повредени двајца навивачи. Во првиот натпревар во Лондон фудбалерите на Ајнтрахт триумфираа со 2-1, а двете екипи пласман во финале на едно европско натпреварување чекаат повеќе од 40 години.

Чави и Лапорта бесни: Каде беа навивачите на Барселона?

Ристе Здравков — Fri, 15 Apr 2022 07:10:13 +0000

Барселона го претрпе најубедливиот пораз во оваа 2022 година откако на домашен терен загуби од Ајнтрахт со 1-3, што значеше и елиминација од Лигата на Европа. Германците одиграа извонреден меч, а во прилог им одеше и фактот дека дури 30.000 фанови на Ајнтрахт допатуваа за да ги бодрат своите миленици на овој дуел. Од овој факт разочарани беа сите во таборот на Барселона, бидејќи гостите успеале да стигнат до билети купувајќи ги од приврзаниците на Барселона кои не покажале интерес да го следат овој меч. „Искрено, ова не смее да се повтори никогаш повеќе. Ние сме Барселона и кога играме дома мораме да се чувствуваме како домаќини. Ова беше како да е некое финале, со по 50% навивачи на двата тима, што е недозволиво“, изјави Чави, кој и пред мечот испрати апел дека на тимот му е потребна поддршка од фановите. На истата тема по поразот говореше и претседателот на Барселона, Жоан Лапорта. „Ова што се случи е срамота, што бараат толку многу гостински навивачи на нашиот стадион. Каде беа нашите навивачи и зошто им ги дадоа своите билети на Германците“, прокоментира Лапорта.

Лига Европа: Барселона против Ајнтрахт

Ивана Ефремовски — Fri, 18 Mar 2022 14:10:12 +0000

Фудбалерите на шпанска Барселона ќе играат против бундеслигашот Ајнтрахт Франкфурт во четвртфиналето во Лига Европа, одлучи попладнево жрепката во седиштето на Европската фудбалска асоцијација (УЕФА) во Нион. Во преостанатите натпревари, Лајпциг ќе игра против Аталанта, Вест Хем за противник го доби Лион, додека Брага за пласман во полуфиналето ќе мора да го елиминира Глазгов Ренџерс. Четвртфиналните натпревари во второто по ранг европско клупско натпреварување се на програмата на 7 и 14 април. Лига Европа – четвртфинални двојки: Лајпциг – Аталанта Ајнтрахт Франкфурт – Барселона Вест Хем – Лион Брага – Глазгов Ренџерс. (МИА)