ајова – Kurir.mk

ФОТО: Убиен тинејџер, две девојчиња тешко повредени во пукање пред училиште во Ајова

Ивона Петрова — Tue, 08 Mar 2022 06:47:32 +0000

Еден тинејџер е убиен, а две девојки се тешко повредени во инцидент со пукање пред средно училиште во близина на Де Мојн, главниот град на американската сојузна држава Ајова, соопштија локалните власти. На нив било пукано од автомобил во движење. Во соопштението на полицијата се наведува дека осомничените се уапсени и дека е убиено 15-годишно момче кое не е ученик во средното училиште пред кое се случило пукањето. Повредени се едно 16-годишно и едно 18-годишно девојче, двете ученички во училиштето кое се наоѓа во близина на центарот на градот. Двете се во тешка состојба.

Нов биланс: Седум загинати, меѓу кои две деца, во торнадо во Ајова, САД

Ивана Ефремовски — Sun, 06 Mar 2022 17:53:19 +0000

Седум лица загинаа, меѓу кои две деца, кога торнадо помина низ поголемиот дел на Ајова, оштетувајќи згради и соборувајќи дрвја и далноводи, соопштија властите. Официјални лица од округот Медисон соопштија дека четири лица се повредени, а шестмина загинале во налет на торнадо во областа југозападно од Де Мојн, вчера околу 16:30 часот. Загинале две деца и четворица возрасни. Во округот Лукас, официјални лица ја потврдија смртта на едно лице и неколкумина повредени. Невремето со грмотевици што го предизвика торнадото вчера се движеше низ поголемиот дел од Ајова. Невремето предизвика штети во предградијата на Де Мојн во Норвалк, областите источно од Де Мојн и други региониво источна Ајова. Оштетени се повеќе куќи, автомобили, блокирани патишта и искршени дрвја. Невремето во еден момент предизвика прекин на електричната енергија за околу 10.000 луѓе во областа Де Мојн. (МИА)

Најмалку шест лица загинаа во торнадо во централниот дел на Ајова

Ивана Ефремовски — Sun, 06 Mar 2022 09:16:16 +0000

Шест лица загинаа во торнадото што вчера го погоди градот Винтерсет, во американската сојмузна држава Ајова, јави дневниот весник „Des Moines Register“, цитирајќи ги локалните власти. Торнадото во попладневните часови го погоди градот што се наоѓа југозападно од Де Мојн, главниот град на Ајова, а како што јавуваат медиумите предизвика голема штета. Поради силното невреме повеќе од 10.500 жители на Де Мојн останаа без струја. Националната метеоролошка служба соопшти дека торнадото било од категоријата EF3, што значи дека брзината на ветерот била до 332 километри на час. Службата на Твитер соопшти дека ситуацијата е „исклучително опасна“. Во првичните извештаи по налетот на торнадото се збпоруваже за две жртви во Винтерсет и околните заедници. Меѓутоа, медиумите подоцна јавија дека четири деца и две возрасни лица ги загубија животите во торнадото, повикувајќи се на директорот за вонредни ситуации на округот Медисон, Диоген Ајала. (МИА)

АПОКАЛИПТИЧНИ СЦЕНИ: Прогласена катастрофа- страшно торнадо опустоши американска држава (ВИДЕО)

Матеја Петровски — Sat, 21 Jul 2018 11:38:23 +0000

Гувернерот на американската сојузна држава Ајова прогласи катастрофа во четири окрузи погодени од торнада. Тој потег на американскиот гувернер Ким Рејнолдс овозможува да се користат државни ресурси како би се помогнало во средување на штетите, настаните откако торнадо помина низ окрузите Ли, Маршал, Полк и Ван Бурен. Националната метеоролошка служба соопшти дека најмалку едно деструктивно торнадо минало низ централна Ајова, со силина на ветерот од 144 метри на час. Во невремето повредени се 17 лица.

Поради торнадо, во Ајова, прогласена катастрофа

Матеја Петровски — Sat, 21 Jul 2018 08:30:10 +0000

Гувернерот на американската држава Ајова Ким Рејнолдс прогласи катастрофа во четири области погодени од торнадо. Овој потег на гувернерот овозможува да се искористат државните ресурси за да се санираат штетите што настанаа откако торнадо мина низ окрузите Ли, Маршал, Полк и Ван Бурен. Националната метеоролошка служба соопшти дека најмалку едно деструктивно торнадо поминало низ централна Ајова, со ветрови кои дуваа со брзина од 144 метри на час. Во невремето се повредени 17 лица. (Миа)