Академија ФМП – Kurir.mk

Академија ФМП со триумф ја заврши првата сезона во БИБЛ лигата

Бошко Тасиќ — Tue, 25 Jan 2022 20:27:00 +0000

Koшаркарскиот клуб Академија ФМП го совлада Балкан со 77-75 во последното 8.коло од групната фаза во Балканската БИБЛ-лига.

Македонскиот претставник до триумф дојде во второто полувреме, бидејќи на паузата имаше негатива од 13 поени. Стефан Крстајиќ беше најефикасен во домашниот табор со 25 поени, Били Ајви постигна 18, додека Лука Стојановски 13 поени. Академија ФМП ја заврши првата сезоната во регионалното натпреварување со скор од шест порази и две победи, двете остварени во последните две кола.

Победа на ФМП Академија против Левски во БИБЛ

Бошко Тасиќ — Wed, 19 Jan 2022 19:22:47 +0000

Македонскиот кошаркарски претставник во БИБЛ, Академија ФМП, конечно го скрши мразот и ја забележа првата победа во оваа натпреварување Во Универзитетската сала во Софија, тимот од Кисела Вода славеше над Левски (81-84), што е деби-победа надвор од рамките на нашата земја. Одличен кај Академија ФМП беше Ајви со 29 поени, пред Крстајиќ со 17 поени, додека кај бугарскиот тим Литл реализира 21 поен, пред Радиќ со 20 поени. Следен дуел за македонскиот тим е на домашен терен, против тимот на Балкан.

Нов пораз на Академија ФМП во БИБЛ лига

Бошко Тасиќ — Wed, 08 Dec 2021 19:53:43 +0000

Академија ФМП никако да го скрши мразот во БИБЛ лигата, бидејќи вечерва го претрпе и четвртиот пораз на исто толку одиграни натпревари во регионалното натпреварување. Македонскиот претставник овојпат беше поразен од Балкан со 80:71. ФМП Академија успеа да ја намали штетата такашто ги доби втората и последната четвртина, но тоа беше доволно само за поблаг пораз, кој сепак е четврти во БИБЛ лигата. Ајви со 21 постигнат поен беше најефикасен кошаркар во редовите на македонскиот тим, а исто толку во победничкиот тим постигна и Дерик Маркс. Балкан е втор со оваа победа во групата А, додека Академија ФМП останува четврта со билансот од четири порази и ниту една победа.

ТФТ е првиот патник во финалето на меморијалниот турнир „Анте Дуковски“

Бошко Тасиќ — Sat, 11 Sep 2021 19:17:44 +0000

ТФТ е првиот патник во финалето на меморијалниот турнир „Анте Дуковски“ откако во полуфиналниот меч на двата домаќините на турнирот славеше над Академија ФМП со 78-68 „Академиците“ во поголемиот дел од натпреварот ја имаа предноста во свои раце. По десет минути игра истата изнесуваше 16-19 и се зголеми до крајот на првото полувреме, но сепак завшницата на истото им припадна на избраниците на Смилковски кои успеаја да дојдат до минимална негатива на полувремето (39-40). Академија ФМП продолжи со добрата игра и на отварњето на второто полувреме па разиката повторно стана „комотна“, а по 30. минути игра на семафорот стоеше резултат 53-59. Како и на претходните натпревари се чинеше дека составот од Кисела Вода ќе приреди мирен финиш, но падот во играта умешно го искористи ТФТ. „Црно-белите“ во последната четвртина го сведоа ФМП на само девет постигнати поени, а го наметнаа своето темпо во нападот каде постигнаа 25 поени за на крајот да стигнат до двоцифрена предност.

ФМП Академија без проблеми против Вардар за трет триумф во серија

Бошко Тасиќ — Sat, 20 Mar 2021 19:38:29 +0000

Академија ФМП не знае за пораз во последните три средби, а последниот триумф доаѓа на натпреварот против Вардар која ја добија со 78-63, со што ја продолжија трката за место кое води во Суперлигата.

Стефан Крстајиќ беше лидерот на домаќините со 28 поени и 6 скока, додека него го слдеше Рони Харис со 12 поени и 8 асистенции. Џуниус Провел беше прво име кај гостите со 15 поени, Дино Радиош додаде 13 поени и 6 скока, додека Виктор Ташовски натпреварот го заврши со 10 поени.