Академија Пандев – Kurir.mk

ПМФЛ: Академија Пандев останува прволигаш, Скопје во баражот за опстанок

Ивона Петрова — Wed, 10 May 2023 17:53:54 +0000

Претпоследното коло во Првата македонска фудбалска лига (ПМФЛ) попладнево донесе разврска на дното на табелата, откако Академија Пандев освои бод доволен да го обезбеди прволигашкиот статус, додека, Скопје ќе игра во баражот за опстанок против градскиот ривал Вардар. Новиот шампион Струга во рамки на комплетното 32. коло триумфираше на гостински терен над тетовска Шкендија, додека Шкупи забележа убедлива победа на домашен терен против Македонија ЃП. Резултати: Брегалница – Академија Пандев 1-1 Шкендија – Струга 1-2 Шкупи – Македонија ЃП 3-0 Силекс – Работнички 2-0 Тиквеш – Скопје 4-0 Табела: Струга 65, Шкупи 58, Шкендија 54, Силекс 47, Македонија ЃП 39, Брегалница 38, Тиквеш 37, Работнички 37, Академија Пандев 27, Скопје 22, Победа 13.

По оставката на Васовски, Атанасов нов тренер на Академија Пандев

Ивона Петрова — Mon, 08 May 2023 18:04:37 +0000

Македонскиот фудбалски прволигаш Академија Пандев го назначи денеска Тони Атанасов за нов шеф на стручниот штаб. Атанасов доаѓа на местото на Александар Васоски кој по неделниот пораз на домашен терен од Тиквеш (1-4) поднесе оставка која раководството на струмичкиот прволигаш ја прифати. -Благодарност до тренерот Александар Васоски и првиот асистент Раденко Бојовиќ за професионалниот ангажман и посветеноста кон тимот изминатиот период. Управниот одбор на клубот ја прифати понудената оставка и донесе одлука до крајот на сезоната сениорскиот тим да го предводи тренерот Тони Атанасов, соопшти попладнево Академија Пандев. На две кола до крајот на сезоната во Првата македонска фудбалска лига, Академија Пандев е деветтопласирана со 26 бодови.

„Брера“ потврди дека ја купи Академија Пандев

Ристе Здравков — Fri, 17 Feb 2023 11:04:42 +0000

Италијанската компанија „Брера Холдингс“ е нов сопственик на Академија Пандев. Официјално е потврдено преземањето на македонскиот прволигаш. „Компанијата „Брера Холдингс“ ја продолжува својата имплементација на стратегијата која ќе форсира за ширење и промоција на брендот Брера во Источна Европа. Со купувањето на Академија Пандев и ребрендирањето во Брера, планот е да се зголеми тимскиот напредок“, изјави извршниот директор на Брера, Серџо Скалпели. Првата фудбалска лига на Македонија продолжува претстојниот викенд, а Академија Пандев многу брзо ќе го промени името и до крајот на сезоната ќе се бори за опстанок во елитата.

Васоски поднесе оставка од кормилото на Академија Пандев

Бошко Тасиќ — Sun, 30 Oct 2022 17:18:42 +0000

Aлександар Васоски си поднесе оставка од тренерското столче на Академија Пандев после денешниот пораз од Работнички. Васоски на клупата на Академија Пандев се врати да донесе подобри резултати после заминувањето на Ѓорѓе Стојчев пред само два месеци. Академија Пандев во моментов е на претпоследното место на табелата со осум бодови, а е во серија од седум натпревари без победа. Васоски ја презеде одговорноста и денес си поднесе оставка од местото шеф на стручниот штаб на Академија Пандев.

Академија Пандев се засили со аргентински фудбалер

Ивана Ефремовски — Tue, 30 Aug 2022 13:44:19 +0000

Македонскиот фудбалски прволигаш Академија Пандев се засили за продолжение на сезоната со аргентинскиот фудбалер Федерико Акоста. Новото јужноамериканско засилување на струмичкиот прволигаш е 26-годишен централен дефанзивец, кој претходно во кариерата настапувал за италијански нисколигаши. Акоста доаѓа во редовите на Академија Пандев од редовите на Бавено. По воведните четири кола во новата сезоната во Првата македонска фудбалска лига фудбалерите на Академија Пандев се шестопласирани со четири бодови. (МИА)

ПМФЛ: Силекс и Академија Пандев ги поделија бодовите

Бошко Тасиќ — Sat, 27 Aug 2022 18:53:52 +0000

Немаше победник на првиот дуел од 4. коло на Првата македонска фудбалска лига, кој денеска во Кратово го одиграа Силекс и и Академија Пандев (1:1). Домаќините поведоа со голот на Обрадовиќ во 37. минута, но тоа водство не траеше долго, бидејќи „Пандевци“ стигнаа до израмнување неколку минути подоцна. Велиновски погоди за Академија Пандев во 43. минута, поставувајќи ги фактички и конечните 1:1 на оваа средба. За Силекс ова е второ реми сезонава, па „кратовци“ се без пораз и со осум освоени бодови, додека денешните гости освоија само четири бода од четири кола.

Академија Пандев со втор пораз од Лехија се прости од Европа

Бошко Тасиќ — Thu, 14 Jul 2022 18:31:03 +0000

Екипата на Лехија дојде до втора победа над Академија Пандев овој пат во Скопје со 1-2 и така го продолжува европскиот пат во Конференциската лига на УЕФА и оди во второто квалификациско коло од натпреварувањето. Елиминацијата на македонскиот тим донекаде е очекувана, затоа што полскиот претставник е далеку поквалитетен и важеше за голем фаворит на хартија, па не дозволи сензација.

Гајос во 37-та ио Питржак во 82-та минута беа стрелци на головите за гостите додека почесниот погодок за нашиот тим беше дело на Митровски.

Полјаците победија и на првата средба на свој терен и тоа убедливо со 4-1.

Конференциска лига: Шкендија го победи Арарат, висок пораз на Академија Пандев во Полска

Тале Кристо — Thu, 07 Jul 2022 21:04:19 +0000

Половичен успех на македонските екипи вечерва во Конференциската лига на УЕФА. Шкендија на „Тодор Проески“ во Скопје забележа победа над Арарат од Ерменија со 2:0, резултат постигнат уште во првото полувреме. Стрелци на головите за тетовци беа Аденис Шала во 21. и Валмир Нафиу во 45. минута. За разлика од Шкендија, Академија Пандев доживеа висок пораз од 4:1 на гостувањето во Гдањск кај Лехија. На овој меч од 8. минута имаше 30.минутен прекин поради тепачка меѓу себе на домашните навивачи.

Душан Јоковиќ нов фудбалер на Академија Пандев

Тале Кристо — Sun, 19 Jun 2022 09:43:38 +0000

Актуелниот вицешампион Академија Пандев ги засили своите редови за настапот во европските купови и новата сезоната во Првата македонска фудбалска лига со српскиот интернационалец Душан Јоковиќ. Српскиот централен дефанзивец доаѓа во струмичкиот прволигаш од Пролетер од Нови Сад. Јоковиќ во кариерата настапуваше и за ФК Металац, а е поранешен репрезентативец на Србија до 21 година. Тој и се приклучи на новата екипа на подготовките пред настапот во првото квалификациско коло во УЕФА Конференциската лига, во кое противник на Академија Пандев е полскиот прволигаш Легија од Гдањск.

Шкендија и Академија Пандев ги добија ривалите за првото коло во Конференциската лига на УЕФА

Тале Кристо — Tue, 14 Jun 2022 12:21:28 +0000

Двата македонски претставника во првото квалификациско коло од Конференциската лига, денеска ги добија своите противници. На извлекувањето во Нион, Академија Пандев за ривал го доби Лехија Гданск од Полска, додека Шкендија ќе се соочи со Арарат од Ерменија. Шкендија треба првиот меч да го игра на домашен терен, струмичани ќе гостуваат. Првите натпревари се закажани за 7 јули, реваншите седум дена подоцна. Победникот на Купот на Македонија, екипата на Македонија ЃП директно се пласира во второто коло.