Академијата за судии и јавни обвинители ќе избира нов директор

Ивона Петрова — Wed, 28 Nov 2018 07:32:29 +0000

Академијата за судии и јавни обвинители „Павел Шатев“ денеска на јавна седница треба да избере нов директор и заменик-директор за следните четири години. Кандидати за директоркото место се Мирјана Лазарова-Трајковска, Наташа Габер-Дамјановска, Елена Андреева и Александар Маркоски. Првиот човек на Академијата треба да биде избран од деветмина членови на Управниот одбор со двотретинско мнозинство. За местото заменик-директор е пријавен само еден кандидат, а во досегашното работење на Академијата ова место не беше потполнето. Кандидатите кои аплицираат за позицијата директор и заменик-директор на Академијата треба да имаат најмалку осум години работен стаж како судија во судовите во Република Македонија, во Уставниот суд на Република Македонија, во меѓународен суд или да се лица со најмалку осум години работен стаж како јавен обвинител. Треба активно да познава и еден од трите најчесто користени јазици на Европската унија (англиски, француски, германски). – Во моментот на именувањето со правосилна пресуда да не е осудено за кривично дело на безусловна казна затвор од најмалку шест месеци и со правосилна пресуда да не му е изречена казна или прекршочна санкција забрана за вршење на професија, дејност или должност за кривично дело или прекршок поврзани со злоупотреба на судиската или јавнообвинителската функција, велат од Академијата. Првично седницата беше најавена како затворена, на што вчера реагираше Здружението на новинари на Македонија оценувајќи дека спречувањето на новинарите да ја следат расправата е обид да се работи зад грбот на јавноста и фрла сенка врз процесот на избор на новиот директор. – Одлуката на Академијата да ја исклучи јавноста од следната седница е во спротивност со членот 6 на Законот за Академија за судии и јавни обвинители, кој предвидува нејзината дејност да се врши јавно, транспарентно и одговорно, истакнаа од ЗНМ. Од октомври 2006 година до октомври годинава директорската функција во Академијата за судии и јавни обвинители ја вршење Анета Арнадудовска. МИА

Разгледани измените на законите за судови, Судски совет и Академијата за судии и обвинители

Матеја Петровски — Wed, 25 Apr 2018 19:54:29 +0000

Предложените измени на Законот за судови, Законот за Судскиот совет на Република Македонија и Законот за Академијата за судии и јавни обвинители беа на дневен ред на денешната трета седница на Советот за следење на имплементацијата на Стратегијата за реформи на правосудниот сектор (2017-2022 година) на Владата на Република Македонија. Заменик министерот за правда Оливер Ристовски, како што соопшти владината прес-служба, ги информирал членовите на Советот дека одредени решенија, понудени од Министерството за правда, не се прифатливи за опозицијата и додал дека на седница на Собранието на РМ, закажана за 2 мај, очекува измените на Законот за судови и Законот за судски совет да се најдат на дневен ред. Советот за следење на имплементација на Стратегијата за реформи на правосудниот сектор ги разгледал предложените измени на Законот за судови, а пред сѐ понудените решенија на основите на дисциплинска одговорност и дисциплински мерки за судиите. На седницата станало збор и за одредени предлози и решенија за Законот за судски совет и Законот за Академијата за судии и јавни обвинители. (Миа)

академија за судии и обвинители – Kurir.mk

Академијата за судии и јавни обвинители ќе избира нов директор

Разгледани измените на законите за судови, Судски совет и Академијата за судии и обвинители