акционери – Kurir.mk

Акционерите во Твитер го одобрија договорот со Маск за купување на компанијата

Дарко Андоновски — Wed, 14 Sep 2022 06:00:53 +0000

Акционерите во американскиот гигант за социјални медиуми Твитер речиси едногласно го одобрија претходно склучениот договор со Илон Маск за купување на компанијата, јави ДПА. Првично, Маск се согласи во април да го купи Твитер за 44 милијарди долари, а вредноста на неговите акции во моментов е проценета на 32 милијарди долари. Тој се повлече од договорот во јули, тврдејќи дека Твитер не ги исполнил условите. Според адвокатскиот тим на Маск, Твитер соодветно не му обезбедил на купувачот информации што ги поткрепуваат тврдењата на социјалната платформа оти само пет отсто од нејзините дневно активни корисници, кои може да заработуваат на неа, биле спам. Твитер веќе го тужеше Маск во обид да го принуди да го доврши купувањето на компанијата по договорената сума.

Акционери на Ливерпул заинтересирани за Милан

Дарко Андоновски — Fri, 06 May 2022 15:45:08 +0000

Инвестициската групација „RedBird Capital Partners“ изрази голем интерес да го преземе италијанскиот фудбалски гигант Милан. Изминатите недели се навестуваше дека Милан најверојатно ќе го купи фондот „Investcorp“ со седиште во Бахреин, но според информациите кои пристигнуваат од „Сан Сиро“, во игра се вклучи уште еден потенцијален купувач. Анонимен извор од клубот за италијанските медиуми го потврди извештајот на Скај њуз, кој објави дека „RedBird“ доставил бараање до американската инвестициска групација „Elliott“ во чија сопственост сега се наоѓа седумкратниот европски првак. Потенцијалниот купувач на Милан е инвеститор во „Fenway Sports Group,„ кој е сопственик на Ливерпул и на безбол тимот Бостон Ред Сокс.

Акционерите на „Луфтханза“ гласаат за германски пакет за спас на компанијата

Ивона Петрова — Thu, 25 Jun 2020 09:59:41 +0000

Менаџментот на германската авиокомпанија „Луфтханза“ денеска на генералното собрание на компанијата ќе побара поддршка за акционерите за договорот за пакетот за спасување вреден девет милијарди евра, во кој Владиниот фонд за стабилизација ќе учествува со 20 проценти. Авиокомпанијата, која е сопственик и на други авиокомпании, како што „Свис“и „Аустиа Ерлајнс“, е на пат да го изгласа договорот, откако најголемиот акционер Хајнц-Херман Тиле за дневниот весник Франкфуртер алгемајне цајтунг најави дека ќе гласа за него. Тиле минатата недела ја пресили компанијата да ги предупреди акционерите дека пакетот може да биде во опасност и ги замоли да го искористат своето право на глас. Неколку часа пред собранието, Луфтханза и синдикатот на УФО, кој го претставува кабинскиот екипаж, објавија дека постигнале договор со кој ќе и се овозможи на компанијата да заштеди повеќе од 500 милиони евра до крајот на 2023 година. Синдикатите исто така додадоа дека договорот вклучува четири години заштита на кабинскиот екипаж од отпуштање од работа. Во меѓувреме, Европската комисија ги одобри и плановите на Германија за шест милијарди евра придонес во пакетот за спасување на „Луфтханза“.