акцизи – Kurir.mk

Стојаноски: ВМРО-ДПМНЕ изработи два закони со кои акцизата за горивата ќе се преполови, го повикуваме мнозинството на итна седница да ги изгласаме

Магдалена Андонова — Wed, 01 Jun 2022 08:28:24 +0000

Власта во текот на вчерашниот ден потврди дека нема допир со реалноста. За првпат во историјата литар бензин чини над 100 денари, а ни дизел горивото не заостанува многу и чини 95 денари за литар. Од утрово и цените на основните прехранбени производи брашно, зејтин, месо, јајца, леб, ориз, млеко се повисоки за најмалку 5%. Инфлацијата во април кога имаше некакви мерки беше 10,5%, колку ли ќе биде за јуни со вакво ценовно цунами кое ни се случува, изјави денеска за медиумите пратеникот од ВМРО-ДПМНЕ, Бојан Стојаноски. Тој истакна дека пратеничката група на ВМРО-ДПМНЕ и Коалицијата за Обнова на Македонија познавајќи колку власта е неодговорна изработи два закони со кои акцизата за горивата ќе се преполови и ќе се даночат со стапка од 5%, наместо моменталните 18%, а прехранбените производи ќе бидат ослободени од ДДВ до крајот на 2022. - Единствена цел на власта е успешно спроведување на операцијата спасување на владеачката коалиција, а граѓаните за жал се колатерална штета. Повикуваме за малку разум кај колегите од мнозинството и сите заедно на итна седница да ги изгласаме предлог законите за акцизите и данокот на додадена вредност. Цената за литар Еуросупер 95 е 104 денари, со прифаќање на нашиот предлог ќе биде 81 денар. Цената за литар Еуросупер 98 е 106,5 денари, со прифаќање на нашиот предлог ќе биде 83 денари. Цената за литар Еуродизел е 95 денари, со прифаќање на нашиот предлог ќе биде 76 денари. Ваквото ноншалантно однесување за потребите на граѓаните од страна на СДСМ и ДУИ мора да биде казнето на предвремени парламентарни избори оваа есен, појасни Стојаноски. Тој ги повика граѓаните на 18ти јуни, да излезат на протестот пред Влада и да им испратат порака дека не ги бива и дека мора да си одат.

Црна Гора ги намалува акцизите за гориво, укинува ДДВ за основните намирници, ги зголемува цените на цигарите

Тале Кристо — Fri, 06 May 2022 07:00:00 +0000

Во Црна Гора горивото ќе поевтини за над 20 центи по литар, а привремено ќе се укине или намалува данокот на додадена вредност на основните прехранбени производи, откако синоќа Собранието ги донесе измените на законот за тоа. Измените на Законот за акцизи и на Законот за данокот на додадена вредност ги подготви претходната Влада, а новата остана со речиси истите предлог решенија. Предвидено е намалување на акцизите на горивото до 50 отсто, времено укинување на ДДВ за брашно и масло за јадење, а ДДВ-то за сол се намалува на седум отсто. Министерот за финансии Александар Дамјановиќ најави дека акцизите на горивата засега ќе се намалат за 40 отсто, што по сегашните цени би значело намалување на цената на дизелот за 21,3 центи и на бензините за 26,6 центи. Новите цени на горивата се очекуваат в понеделник или вторник. Собранието одлучи од 1 јуни да поскапи цената на кутија цигари за околу 10 центи. Дел од пратениците изразија сомнеж дека граѓаните ќе имаат корист од понискиот ДДВ за основните намирници, бидејќи сметаат дека трговците нема да ги намалат цените.

„ВМРО-ДПМНЕ бара намалување на акцизите за 50%, така литар дизел ќе поевтини за 9,5 денари, а литар бензин за 13 денари“

Тале Кристо — Tue, 01 Mar 2022 08:07:48 +0000

За време на владата на заевизмот драстично се зголемија цените на горивата, а причината за тоа се акцизите и таксите кои ги воведоа. Пред година и половина литар дизел гориво чинеше 46 денари, а денес литар дизел надминува 75 денари со тенденција уште да расте. Дополнително, цената на литар бензин изнесуваше 50 денари, а сега цената надмина 84 денари. Овој раст на цените е од 65 до 70%, велат во партиското соопштение од ВМРО-ДПМНЕ. Практично со ваквиот раст на цените на горивата се удира директно по буџетот на граѓаните, но и на економијата. Цените на горивата кои се клучни за стандардот, растат, а на власта администрирана од Ковачевски око не и трепнува. Затоа ВМРО-ДПМНЕ дава конкретен предлог за заштита на стандардот на граѓаните и директна помош на економијата. Со предлог закон ќе побараме намалување на акцизите за горивата за моторни возила за 50%. Оваа мерка ќе влијае директно на намалување на цената на горивата, бензинот веднаш ќе се намали за 13 денари, а дизелот за 9,5 денари. Ова не значи само заштеда на семејствата, ова е заштеда и во транспортот во стопанството и тоа може да ги поевтини цените на конечните производи. Ова е значајна помош за граѓаните и стопанството. Секој денар кој ќе го заштедат фирмите и граѓаните во вакви тешки времиња и тоа како значат за да можат да го преживеат месецот. Очекуваме владата на СДСМ и ДУИ да го прифатат овој предлог во пресрет на кризата која доаѓа. Овие тешки времиња бараат одлучни чекори, а не беспредметни „вонредни“ видео обраќања, велат од ВМРО-ДПМНЕ.

Мицкоски: Парите од акцизата за гориво, наместо за луксуз ќе ги намениме за народот и проекти во образованието

Магдалена Андонова — Thu, 15 Jul 2021 07:47:23 +0000

На вчерашната трибина „Промоции на политики – Македонија за сите луѓе“, во Гази Баба, претседателот на ВМРО-ДПМНЕ, Христијан Мицкоски истакна дека парите од заборавената акциза за гориво која власта ја наметна, наместо за непродуктивни трошоци и луксузни трошења,но и крадење од страна на власта, ќе се наменат за народот во нови проекти и инвестиции. -Ние не сме партија на политички измамници којашто едно збори пред граѓаните и друго прави, па потоа заборава на своите ветувања, туку сме партија која си стои на зборот, порача Мицкоски. -Политиките од нашиот концепт предвидуваат она зголемување од акцизата за три денари плус данок на додадена вредност за дизел горивото, и парите кои сега непродуктивно се трошат, да се вратат назад кај граѓаните и тоа годишно се планираат 600-тини милиони денари или 10 милиони евра вложување во образованието, реконструкции на училишта, реконструкции на игралишта , обнова на помагалата во училиштата, вкупно 10 милиони евра од акцизата назад кај граѓаните, пари кои сега се трошат од страна на оваа влада, ќе бидат наменети за инвестиции во културата, во спортот , вкупно 40 милиони евра во еден мандат, пари кои денеска се крадат наместо да се вложуваат, истакна Мицкоски. Мицкоски говореше дека тие пари коишто се заробени од граѓаните, а потрошени за плачка , криминал и непродуктивни трошоци кои влaста ги прави, ќе се вратат назад кај граѓаните како проекти и инвестициии во образованието, културата и спортот.

НИКОЈ НЕМА ДА БИДЕ ПОШТЕДЕН: Зголемувањето на акцизата на горивата ќе ги покачи цените на продуктите за широка потрошувачка

Дарко Андоновски — Thu, 16 Apr 2020 19:39:15 +0000

Во емисијата „А што не е јасно“ на телевизија Алфа гостуваше Билјана Муратовска од здружението на превозници МАКАМ Транс која жестоко ја критикуваше намерата на Владата за поскапување на акцизата на горивата. Таа истакна дека ваквото зголемување ќе се одрази на секој еден граѓанин без исклучок, односно ќе се покачат цените на производите за широка потрошувачка како што е храната. -Воведувањето на зголемувањето на акцизата вопшто не е антикризна мерка затоа што тоа ќе значи зголемување на трошоците. Првиот удар би го понеле транспортерите затоа што во овие услови на движење на возилата, полициски часови и се друго, најголеми потрошувачи на нафта и нафтени деривати се превозниците. Меѓутоа превозниците превезуваат стока наменета за широка потрошувачка, а исто така е наменета за репромаатеријали во одредени производни циклуси што значи дека индицијата која што би настанала со зголемувањето на акцизата ќе се одрази на секој граѓанин во државата, вели таа.