акни – Kurir.mk

Вистинското лице на Ким Кардашијан: Ќе се шокирате кога ќе видите како изгледа старлетата без шминка – се соочува со проблеми (ФОТО)

Ивана Ефремовски — Fri, 06 Oct 2023 09:25:50 +0000

Ким Кардашијан го покажа лицето без шминка, со акни, а зборуваше и за хроничната псоријаза. Ким важи за една од најубавите жени на светот, но со години се бори со два проблеми со кожата - псоријаза и „возрасни“ акни. Иако акните често се поврзуваат со тинејџерските години, кога хормоните „дивеат“ и многу работи во телото се менуваат, вклучително и на кожата, акните всушност погодуваат голем број возрасни луѓе, вклучувајќи ја и Ким Кардашијан. „Постојано имам акни. Зборував за тоа, но мислам дека луѓето би биле шокирани кога би виделе како навистина изгледаат“, рече Ким во видеото на Инстаграм, во кое покажа како изгледа без шминка. -Никогаш не мислев дека ќе имам „возрасни“ акни во моите 40-ти. Мојата кожа стана почувствителна со текот на годините и пробав секакви начини да откријам зошто имам акни. Ги сменив производите што ги употребувам, размислував да престанам да користам масла, но тоа не ми помогна. Можеби тоа е хормонална причина, или промена на суплементацијата, бидејќи секогаш кога менувам нешто во исхраната, добивам акни, рекла старлетата. Ким се бори и со хронична псоријаза, чија причина не е точно утврдена, а старлетата вели дека се „откажала“ од потрагата по вистинската причина. „Псоријазата сè уште ме збунува затоа што не знам што ја предизвикува. Понекогаш сум навистина под стрес и мојата кожа е почиста од кога било. А понекогаш сум целосно „зен“ и псоријазата се разгорува. Сите велат дека треба обратно. Така што се откажав да ја барам причината“, рекла Ким. Секако, Кардашијан не го кажа сето ова само за да ги сподели со следбениците своите проблеми, туку и да ја промовира својата нова линија на козметика за нега на кожа.

Тренд кој полуде милиони жени: Како за 4 дена да се ослободите од акните на лицето?

Ристе Здравков — Tue, 25 Oct 2022 13:16:31 +0000

Еден од попопуларните трендови за брзо отстранување на мозолчиња од лицето е „skin cycling“. Овој тренд е замисла на дерматологот Витни Боу. Создаден е за време на пандемијата, кога девојките ги споделуваа своите навики за дотерување на социјалните мрежи. Дерматолозите беа загрижени дека жените обично користат премногу козметика или лоши производи, што не е добро за кожата. По ваквиот третман, на лицето почесто се појавуваат дамки, иритација и сувост. Бу реши да сподели информации за овој третман со интернет корисниците. Четири ноќи за совршена кожа Овој третман за кожа се заснова на четиридневен циклус на нега. Принципот е да се користи различна козметика на исчистена кожа навечер. Наутро третирајте го лицето како и обично – измијте го и користете ги вообичаените производи. За да функционира ова, треба да ја следите шемата: Прва ноќ – пилинг Кожата треба да се исчисти, суши и третира со хемиски пилинг, на пример со овошни киселини, што е ефикасно, но понежно од механичкиот пилинг. Откако ќе го измиете пилингот, време е да нанесете хидратантна крема на кожата. Втора ноќ – ретиноиди Ретиноидите ја забрзуваат регенерацијата на епидермисот, го инхибираат создавањето на првите брчки и ги намалуваат лузните. Тие ја прават кожата да произведува помалку себум, го намалуваат воспалението. Бидејќи ретинолот може да биде иритирачки, многу е важно да започнете со мала количина од производот со помала концентрација и да ја набљудувате реакцијата на кожата. Ако ништо не тргне наопаку, дозите може внимателно да се зголемат. Исто така, треба да се запомни дека влажната кожа ја зголемува пенетрацијата на ретинол, што го зголемува ризикот од иритација. Пред да го нанесете производот, добро исушете го лицето. Трета и четврта ноќ – одмор за кожата Во следните две ноќи, кожата треба да мирува без непотребен стрес. По миењето доволно е да нанесете лесна хидратантна крема, по можност со хијалуронска киселина, без никакви интензивни материи. Од петтата ноќ циклусот може да се повтори. Колку често можете да користите “skin cycling”? Сето тоа зависи од барањата и состојбата на кожата. Набљудувајте по првиот циклус како кожата реагирала на тоа. Ако се е во ред, по 2-3 циклуси кожата треба да биде во подобра состојба, ќе стане похидрирана и освежена. Пред да ја примените оваа метода, можете да разговарате со дерматолог и со негова поддршка да изберете производи кои одговараат на индивидуалните потреби на кожата. Во овој случај, “skin cycling” ќе биде не само безбеден, туку и многу ефикасен. Кој не треба да го користи овој метод сам? Проблемите со кожата кои бараат посебна нега или лекови може да бидат контраиндикација за таква нега. извор: thehealthystation.com

Совети за луѓето кои имаат проблем со акни и мозолчиња

Магдалена Андонова — Wed, 17 Aug 2022 18:57:40 +0000

Првиот чекор во борбата против мозолчињата на грбот е редовното туширање, по можност два пати дневно – наутро и навечер. Тоа е особено важно доколку сте склони на потење или се занимавате со некој спорт. Потоа, не треба дa користите производи за нега на кожа кои се масни и содржат парфеми. Користете благи сапуни, пожелно е на база на бензоилпероксид или сулфур, бидејќи тие ја отстрануваат маснотијата од кожата. Два до три пати неделно направете пилинг на грбот, но некој поблаг за да не ја оштетите кожата и со тоа да ја влошите ситуацијата. Внимавајте и со што ја миете косата бидејќи разните балзами и сличните агресивни средства можат да ја исушат кожата на вашиот грб. Шампоните кои содржат ланолин, вазелин и петролеј, никако не се за вас. Доколку акните на вашиот грб се упорни, посетете дерматолог, не козметичар, тоа е најдобрата превенција против лузни. Хемиските пилинзи, меѓу останатото, можат да бидат од голема помош, но тоа мора да го обави медицинско лице.

Количината на стрес влијае и на нашата кожа: Дознајте што се „стрес акни“

Магдалена Андонова — Tue, 19 Jul 2022 08:59:46 +0000

Постојаните акни во зрелата возраст се секако нешто што посакуваме да го оставиме зад нас во тинејџерските денови. Има моменти кога избувнувањето на акните кај возрасните може да укаже на поголем проблем, надвор од општото објаснување за затнати пори. Стресот и хормоните можат да предизвикаат појава на акни на лицето. Што се стресни акни? „Кога доживувате стрес, вашите хормони на стрес се зголемуваат и ги поттикнуваат вашите лојни жлезди да произведуваат повеќе масло, што потоа предизвикува акни“, објаснува д-р Дона Харт за „Бирди“. Ако забележите дека вашите акни се појавуваат главно за време на менструацијата, веројатно имате хормонални акни, а не акни поврзани со стрес. - Хормоналните промени, главно зголеменото ниво на андрогени, ги имаат истите ефекти врз лојните жлезди. Разликата е во следењето на предизвикувачите на акни, на пример, по периоди на стрес наспроти поредовните акни што се појавуваат со месечните менструални циклуси.

Совети за луѓето кои имаат проблем со акни и мозолчиња

Ивана Ефремовски — Thu, 25 Nov 2021 21:23:36 +0000

Местоположбата на акните открива што се случува во вашиот организам

Катерина Бојаџиева — Sun, 04 Aug 2019 11:02:17 +0000

Местоположбата на вашите акни навистина многу зборува за тоа што се случува во вашиот организам. На челото, околу устата или на вратот, секоја од нив има свое значење, односно причина… Неправилностите на кожата, освен естетски, често укажуваат и на некој здравствен проблем како на пример: хормонален дисбаланс, алергии или стрес. Според кинеската медицина, секое место каде што се појавува некоја акна ја открива и внатрешната состојба на организмот. Доколку изненадно се појавуваат на лицето и далеку една од друга, тоа е само последица од стрес. Некогаш и неадекватната хигиена е една од причините. Меѓутоа, упорни и групирани акни на одредени делови на телото се сигнал дека е време да преземете и други мерки, а не само употреба на козметички средства. Чело Промените на челото укажуваат на тоа колку е успешно нашето тело при елиминирање на отровите. Најчесто ќе забележите акни на челото по период на константно журкање. Доколку се појават на врвот на челото, тогаш ја претставуваат состојбата на бешиката, доколку се на средина укажуваат на варењето, а доколку се помеѓу веѓите, тогаш зборуваат за состојбата на црниот дроб. Ако се наоѓаат околу веѓите, тогаш станува збор за стрес. Нос и образи Според кинеската медицина, образите ја претставуваат плуќата. На носот и на образите може да се појават и други промени на кожата кои се слични на акните, но тоа не се всушност акни. Некогаш црвенилото може да укажува на акни кои се всушност кожно заболување, а ова особено се појавува кај старите луѓе. Ако забележите црвени точки со нешто што наликува на првут, тоа би можело да биде себорични дерматитис, така што, важно е да се консултирате со лекар за може точно да ја дијагнозира упорната промена на вашето лице. Уста Ако ви се појават ситни акни со црвенило околу устата, можно е да се работи за дерматитис. Најдобро би било да го промените козметичкото средство кое го користите. Еден од симптомите кои укажуваат на полицистични јајници се и акните придружени со појачани осипи околу устата и по вратот. Брада Во различните фази на менструалниот циклус, акните можат да се појават на сите страни од вашата брада и во пределот на горната усна. Велат дека можете да одредите кој јајник овулира, во зависност од тоа на која страна се наоѓа акната. Во овој случај може да ви помогне козметиката и одредени типови контрацептивни пилули. Врат Осип на вратот и во линијата на вилицата е последица од стрес. Ако имате акни само во линијата на вилицата, тоа може да укажува на стоматолошки проблем. Понекогаш може да значи и дека сте ја инфицирале кожата со мобилниот телефон или слично. Гради Акните на градите се јавуваат како последица на генетиката. Помасната кожа е поподложна на осипи и акни. Грб Ако имате акни само на грбот, можно е да ви се појавиле како последица од потење додека сте тренирале или вежбале и не сте имале можност веднаш да се истуширате. Акните на рамото можат да бидат од носење торба. Раце Ситните акни на рацете се јавуваат на сува кожа и како последица од слаба циркулација. Исто така можат да бидат и показател за тоа колку вашето тело ефективно ги користи витамините од храната, а може да укажува и на астма. Овој тип на сува кожа со црвени точки воглавно се чисти со текот на годините.

Еве како да направите домашен тоник против акни

Предраг Кукиќ — Sat, 11 May 2019 08:33:15 +0000

Оние луѓе кои имаат проблем со акните знаат колку е тешко да се справиме со нив. Често се појавуваат без некоја посебна причина, а многу препарати и козметички производи воопшто не помагаат. За среќа, постои природен домашен тоник кој може да го реши овој проблем. Потребни состојки: 15 мл органски јаболков оцет 60 мл вода 3 таблети аспирин Стаклено шише со капаче Измешајте ги водата и јаболковиот оцет, па во шишето додадете ги и аспирините. Измешајте убаво и почекајте убаво да се растопат. Тогаш тоникот е подготвен за употреба. Користете го наутро и навечер ставајќи на деловите каде се појавуваат акните со помош на памук или газа.

Отстранување на лузни од акни: Ефикасна маска за лице од само 2 состојки

Катерина Бојаџиева — Mon, 25 Feb 2019 19:49:27 +0000

За да ги отстраните лузните од акни ќе ви помогне следнава маска од цимет и мед. Измешајте 1 лажица мед со исто толку количество на цимет во прав, и ставете ја добиената смеса (само на белезите на лицето) за 20-25 минути. Оваа маска треба да ја правите барем секој втор ден. Наместо мед може да користите зелена или бела глина, промешајте ја на еднакви пропорции со циметот, а потоа ја растворете ја во вода до потребната густина. А правот од цимет може да го замените со 3-4 капки етерично масло од цимет. Овие маски не се препорачува да се користат од луѓе кои страдаат од болести на кожата.