Аксел Витсел – Kurir.mk

Белгиецот Витсел ја заврши репрезентативната кариера

Ивона Петрова — Sat, 13 May 2023 13:13:59 +0000

Белгискиот фудбалер Аксел Витсел (34) стави крај на настапите за репрезентацијата на Белгија за која дебитираше во 2008 година и со 130 натпревари е втор на вечната листа зад Јан Фертојген (147 настапи). Витсел, кој е член на мадридски Атлетико, настапуваше со Белгија на три светски (2014, 2018, 2022), како и на две европски првенства (2016, 2020). Најголемиот успех го оствари на Мундијалот 2016 во Русија кога го освои бронзениот медал. Покрај Витсел, крај на репрезентативната кариера претходно оваа година објавија уште тројца играчи од белгиската „златна“ генерација – Еден Азар, Тоби Алдервирелд и Симон Мињолет.

Атлетико го продолжи договорот со Витсел до 2024 година

Тале Кристо — Wed, 22 Feb 2023 17:12:13 +0000

Фудбалерот од средниот ред на Атлетико, Аксел Витсел го продолжи договорот со клубот до 2024 година, објави инсајдерот Фабрицио Романо, повикувајќи се на „Eleven Belgium“. Опцијата за продолжување на договорот беше активирана автоматски под услов 34-годишниот Белгиец да одигра повеќе од 45 минути на минимум 25 натпревари во сите натпреварувања. Оваа сезона Витсел одигра 28 натпревари за мадридскиот клуб во сите натпреварувања и постигна една асистенција. Аксел Витсел се приклучи на Атлетико Мадрид во летото 2022 година.

Витсел кариерата може да ја продолжи во Манчестер Јунајтед

Ристе Здравков — Mon, 26 Nov 2018 13:42:49 +0000

Фудбалерот на Борусија Дортмунд, Аксел Витсел може да го напушти клубот. Според „Дејли Стар“ 29-годишнито Белгиец има желба негова следна дестинација да биде Манчестер Јунајтед. Тимот од „Олд Трафорд“ има намера да го зајакне средниот ред и разгледуваат која би била најдобра опција за замена на Фред. Се проценува дека трансферот на Белгиецот би изнесувал 30 милиони евра. Во тековната сезона, Витсел одигра 18 натпревари за Борусија, постигна 3 гола и оствари една асистенција.

Витсел ги одби Јунајтед и Наполи за Борусија

Ивона Петрова — Wed, 08 Aug 2018 17:08:00 +0000

Белгискиот репрезентативец, Аксел Витсел одби понуда на Манчестер Јунајтед пред да потпише со Борусија Дортмунд. Ова го откри агентот на играчот од средниот ред. Витсел премина во германскиот тим со трансфер од кинескиот Тјанжин за околу 20 милиони евра. Витсел (29) импресионираше со неговите настапи за Белгија за време на Светското првенство во 2018 година. Агентот на играчот објави дека лично го советувал неговиот клиент да ја прифати понудата на Борусија. - Бев искрен со него и му реков: Аксел, во Борусија ќе бидеш број еден, а ќе бидеш еден од многуте во Јунајтед. Исто така и во Наполи, рече Пол Стефани, кој го претставува Белгиецот.

Витсел ја избра Борусија Дортмунд

Ивона Петрова — Mon, 30 Jul 2018 07:42:23 +0000

Фудбалерот на Тијанжин Аксел Витсел планира да го напушти кинескиот клуб во текот на летото. Дваесет и девет-годишниот белгиски репрезентативец ќе се приклучи на Борусија Дортмунд. Следната недела, освојувачот на бронзениот медал од Светското првенство 2018 ќе помине медицински тестови во германскиот клуб. Претходно, тој играше за Зенит, со кој стана шампион во Русија. Витсел премина во Тијанжин во 2017 година. Неговиот договор со кинескиот клуб е до крајот на декември 2019 година.