актери – Kurir.mk

Холивудските актери подготвени да штрајкуваат за првпат по 63 години

Ивона Петрова — Thu, 13 Jul 2023 13:58:01 +0000

Холивудските актери се подготвени да штрајкуваат во четврток, придружувајќи им се на сценаристите во првото затворање во индустријата по 63 години откако пропаднаа последните преговори, при што речиси целата филмска и телевизиска продукција најверојатно ќе биде стопирана. Здружението на актерите на екран (SAG-AFTRA), кое претставува 160.000 изведувачи, вклучително и ѕвезди од А-листата, соопшти дека преговорите во средата завршиле без договор за нивните барања поврзани со намалување на платите и заканата од вештачката интелигенција. Нејзините преговарачи едногласно му препорачаа штрајк на националниот комитет, кој треба да гласа во четврток наутро по локално време. Гласањето ја отвора вратата за „двоен штрајк“ - со писатели, кои веќе поминаа 11 недели на штрајк - што ќе го предизвика првото затворање во Холивуд од 1960 година. Популарните серии кои ќе се вратат на телевизија оваа година би се соочиле со долги одложувања. И, ако штрајковите продолжат, идните блокбастер филмови исто така ќе бидат одложени. Актерите, како писателите, бараат подобра плата и заштита од идната употреба на вештачката интелигенција во телевизија и филмови. „Како што знаете, во текот на изминатата деценија вашата компензација е сериозно нагризана од порастот на системите за стриминг. Понатаму, вештачката интелигенција претставува егзистенцијална закана за креативните професии“, се вели во соопштението на SAG-AFRTA по пропаѓањето на преговорите. Директорите на индустријата „одбиле да признаат дека огромните промени во индустријата и економијата имаат штетен ефект врз оние кои работат во студијата“, продолжи тој. „Длабоко сме разочарани што SAG-AFTRA одлучи да ги напушти преговорите. Тоа е избор на синдикатот, а не наш“, соопшти Алијансата на филмски и телевизиски продуценти рано во четвртокот. Холивудските студија повикаа федерални посредници да помогнат во решавањето на ќор-сокакот - потег SAG-AFTRA опишан како „циничен трик“. SAG-AFTRA ги претставува ѕвездите од А-листата како Мерил Стрип, Џенифер Лоренс и Глен Клоуз. Сите членки имаат однапред одобрена индустриска акција доколку не се постигне договор. Последен пат синдикатот штрајкуваше, во 1980 година, тој траеше повеќе од три месеци. Штрајкот веднаш ќе ги спречи ѕвездите да промовираат некои од најголемите изданија оваа година, токму на врвот на сезоната на летните блокбастери во филмската индустрија. Во Лондон во средата вечерта, премиерата на „Опенхајмер“ на Кристофер Нолан беше поместена за еден час за да може актерската екипа, вклучувајќи ги Роберт Дауни Џуниор, Мет Дејмон и Емили Блант, да присуствува без да ги прекршува правилата на синдикатот, пишува Variety. Дури и доделувањето на Еми наградите, телевизиската верзија на Оскарите, кои требаше да се одржат на 18 септември, наводно се одложени за ноември или дури следната година. Додека штрајкот на писателите веќе драматично го намали бројот на филмови и серии во продукција, напуштањето на актерската екипа би затворило речиси сè. Некои реални ТВ, анимации и ток-шоуа би можеле да продолжат. Во средата, холивудските синдикати кои ги претставуваат режисерите, работниците од зад сцената и писателите објавија изјава за „непоколеблива поддршка и солидарност“ со актерите. „Иако студијата имаат комбинирана вредност од трилиони долари, милијарди гледачи ширум светот и неверојатни профити, оваа борба не е за актери против студиа“, се вели во извештајот. Работниците во сите занаети и одделенија стојат на нозе за да ги спречат мега-корпорациите да ги поткопаат условите за кои се боревме со децении - се додава. Актерите и писателите бараат повисоки плати за да се спротивстават на инфлацијата и гаранции за нивната идна егзистенција, пренесува АФП.

Дводневен штрајк на актерите во Грција

Ивона Петрова — Wed, 01 Feb 2023 10:12:00 +0000

Актерите и театарските работници во Грција, организирани од нивните здруженија и федерации од денеска почнаа 48-часовен штрајк во знак на протест против предлог-законот на Владата што се однесува на нивниот сектор, објавија грчките медиуми. Од федерациите сметаат дека со новиот закон платите на актерите нема да се одредуваат од колективните договори, туку од Владата, но и дека се деградираат нивните дипломи и квалификации.

Екстремните диети на глумците

Ивона Петрова — Thu, 04 Aug 2022 07:16:51 +0000

Познато е дека глумците понекогаш одат во крајности за да се подготват за некоја улога… А, многумина се впуштаат во опасни диети за слабеење што потоа и самите не ги препорачуваат. Тие преобразби честопати се нездрави и крајно опасни. Следат неколку примери… Мила Кунис глумеше балерина во филмот „Црниот лебед“ (Black Swan) од 2010 година, а за да се вклопи во улогата, одлучила и да слабее, па ѝ се вратила и на штетната навика за пушење цигари. Меѓутоа, вели, изгубила нездрава количина килограми и сега никому не би препорачала да го направи тоа. – Јас воопшто не го поттикнувам ова… Бев пушач, пушев многу цигари и трошев огромна количина калории, изјави Кунис. Ен Хатавеј ослабела 11 килограми за улогата на проститутката во филмот „Клетници“. Според „Вог“, таа тогаш јадела само две порции овесна каша дневно, за, како што вели, нејзиниот лик „да изгледа што поблиску до смртта“… Кристијан Бејл е можеби еден од најекстремните актери кога станува збор за преобразба на своето тело за улога. Тој слабее, но и се здебелува… Но, трансформацијата што остави најголем впечаток кај публиката беше губењето на 55 килограми за „Машинист“ – филм за човек кој се бори со несоница. Бејл во денот пиел црно кафе и јадел една конзерва туна и едно јаболко. Потоа одлучно решил дека тоа мора да престане. Метју Меконахи јадел само риба, зеленчук, белки од јајца и пудинг од бразилскиот зеленчук тапиока, при снимањето на „Клубот на купувачите од Далас“ (Dallas Buyers Club). Taкa тој изгубил 24 килограми за оскаровската улога на човек со ХИВ/СИДА од 1980-тите. Стигнал од 85 на 61 килограм за само пет месеци.

ФОТО: 15 турски актери по кои жените „сечат вени“, не се знае кој е позгоден а еден од нив има потекло од Македонија

Ристе Здравков — Thu, 28 Jul 2022 06:49:15 +0000

Турските актери се познати по тоа што се големи „шмекери“ и заводници и имаат армија обожаватели. Погледнете кои се најпопуларните меѓу понежниот пол. Турските серии не само што станаа дел од нашите домови, туку и турските актери им станаа миленици на жените од Македонија. Припадничките на понежниот пол „лудуваат“ по турските заводници, а во продолжение дознајте кои мажи важат за најзгодни и најпосакувани. Толгахан Сајишман

View this post on Instagram

A post shared by Tolgahan Sayışman (@tolgahansayisman)

Шукру Озилдиз

View this post on Instagram

A post shared by Şükrü Özyıldız (@sukruozyildiz)

Екин Мерт Дајмаз

View this post on Instagram

A post shared by Ekin Mert Daymaz (@ekinmertdaymaz)

Џан Јаман Како што е познато Џан Јаман има потекло од Косово и од Македонија. Овој актер е познат по тоа што некое време беше во врска со преубавата италијанска новнарка Дилета Леота.

View this post on Instagram

A post shared by Can Yaman (@canyaman)

Бурак Челик

View this post on Instagram

A post shared by Burak Çelik (@burakcelikofficial)

Алп Навруз

View this post on Instagram

A post shared by Alp Navruz (@alpnavruz)

Берк Атан

View this post on Instagram

A post shared by Berk Atan (@berkatan)

Чаглар Ертугрул

View this post on Instagram

A post shared by Caglar Ertugrul (@caglarertugrul)

Дениз Кан Акташ

View this post on Instagram

A post shared by Deniz Can Aktaş (@denizcanaktasofficial)

Енгин Акјурек

View this post on Instagram

A post shared by Engin Akyürek (@enginakyurek)

Фуркан Андич

View this post on Instagram

A post shared by Furkan Andıç (@furkandic8)

Ибрахим Челикол

View this post on Instagram

A post shared by İbrahim Çelikkol (@ibrahimcelikkol41)

Керем Бурсин

View this post on Instagram

A post shared by Kerem Bürsin (@thebursin)

Ова е листата на најплатени актери во Холивуд, заработката на Том Круз е неверојатна

Ивона Петрова — Sat, 23 Jul 2022 18:11:04 +0000

Актерот Том Круз е на прво место на листата најплатени ѕвезди во 2022 година. Како што наведува порталот Variety, откриени се заработките и на другите актери како Бред Пит, Вил Смит, Ди Каприо... Се претпоставува дека Круз со најновото продолжение на „Топ Ган“ ќе заработи над 100 милиони долари од продажба на билетите во кино, но и со својот хонорар. Второпласиран е Вил Смит кој ја потпиша главната улога во акциониот трилер "Emancipation". За улогата добил 35 милиони долари, а датумот на неговото излегување е одложен за 2023 поради доцнење на продукцијата. Ова е целата листа: Том Круз - “Top Gun: Maverick”, 100 милиони Вил Смит - "Emancipation", 35 милиони Леонардо Ди Каприо - "Killers of the Flower Moon", 30 милиони Бред Пит - "Formula 1 Drama", 30 милиони Двејн Џонсон - "Black Adam", 22.5 милиони Вил Фарел - "Spirited", 20 милиони Крис Хемсворт - "Extraction 2", 20 милиони Вин Дизел - "Fast X", 20 милиони Tом Харди - "Venom 3", 20 милиони Хоакин Феникс - "Joker 2", 20 милиони Рајан Рејнолдс - "Spirited", 20 милиони Дензел Вашингтон - "The Equalizer 3", 20 милиони Џејсон Момоа - "Aquaman and the Lost Kingdom", 15 милиони Еди Марфи - "Beverly Hills Cop 4", 15 милиони Крис Рајн Kris - "Star Trek" sequel, 13 милиони Стив Карел - "Minions: The Rise of Gru", 12.5 милиони Рајан Гослинг - "Barbie", 12.5 милиони Маргот Роби - "Barbie", 12.5 милиони Мили Боби Браун - "Enola Holmes 2", 10 милиони Тимоти Шаламет - "Wonka", 9 милиони Мет Дејмон - "Oppenheimer", 4 милиони Роберт Дауни Јуниор - "Oppenheimer", 4 милиони Емили Блант - "Oppenheimer", 4 милиони Даниел Калиуј - "Nope", 4 милиони Џејсми Ли Куртис - "Halloween Ends", 3.5 милиони Ања Тејлор Јој - "Furiosa", 1.8 милиони

Нова романтична комедија со актери со Даунов синдром

Тале Кристо — Tue, 26 Apr 2022 07:34:49 +0000

Продукциската куќа „Халмарк“ снима романтична комедија во којашто глумат актери со Даунов синдром. Се работи за филмот „Обој го мојот свет со љубов“ (Color My World With Love), што сѐ уште е во претпродукција. Главните улоги ќе ги толкуваат Лили Д. Мур и Дејвид Десанктис. Лили ќе ја глуми Кендал, надарена сликарка со Даунов синдром, која се вљубува во Бред. Вљубувањето го загрижува нејзиното семејство кое се плаши дека Кендал ќе заврши со скршено срце, па тука во приказната влегува Ник (го глуми Бенџамин Ејрис)… – Сите сонуваат да се заљубат и да се омажат еден ден, па дури и лицата со попреченост. Се надевам дека по „Обој го мојот свет со љубов“ гледачите ќе сфатат дека тоа нѐ учи да ја насликаме нашата сопствена животна приказна и дека сите имаме бескрајни можности, вели 18-годишната девојка, за која ова е прва главна улога во филм. „Халмарк“ сака да ја поттикне разновидноста со своите содржини, т.е. со овој филм, а тој ќе биде прикажан на крајот на годината.

ВИСТИНСКА ТУРСКА СЕРИЈА: Турска актерка го изневерила сопругот со нејзиниот свекор! И тоа само неколку дена по венчавката (ФОТО)

Магдалена Андонова — Mon, 26 Apr 2021 07:48:22 +0000

Турската актерка Гокче Бахадир (39) неодамна се пожали на турската јавност дека нема среќа во љубовта, а после тоа „протекоа“ детали за нејзиниот поранешен сопруг, актерот Али Сунал (43) и нивната врска. Имено, парот се венчале во 2011 година, а бракот траел само една година, а сега е откриено и зошто се развеле. - Се венчавме од голема љубов, но решивме да се разделиме затоа што нашите патишта се разидуваа - изјави тогаш актерката како причина за разводот. Таа не откри детали за брачните проблеми, но извори блиски до Гокча тврдат дека нивниот брак се распаднал бидејќи нејзиниот сопруг ја фатил во љубовна врска со неговиот татко Кемал Сунал. - Покојниот Кемал беше голем заводник. Двајцата влегоа во врска само неколку дена откако тој стана нејзин свекор. Подолго време постоеше фатална привлечност меѓу нив, а не ја спречи фактот дека тој е постар од неа 30 години - открил извор близок на актерката во тоа време. Се шушкаше дека биле раздвоени од Али, кој бил на пат и се вратил два дена порано. Прво го видел автомобилот на татко му во неговиот двор, а потоа ги нашол голи во дневната соба, што довело до невиден скандал. Актерот конечно повторно ја најде среќата и од 2018 година е во среќен брак со Назли Курбанзаде, а имаат и ќерка Нарин Сунал.

„Да престанат претставите по улиците“: Актерите од Струмица покажаа незадоволство од директорот

Ивана Ефремовски — Fri, 12 Mar 2021 19:35:29 +0000

Со перформанс на градскиот плоштад актерите од струмичкиот театар уште еднаш го изразија нивното незадоволство од одлуката за директор да биде назначен наставник по физичка култура. Побараа да престанат претставите по улиците и да се одиграат таму каде што им е местото со векови и милениуми, во храмот на божицата Талија. Велат борбата за професионализам и докажување на вистината ја водат минувајќи низ тежок пат но убедени се дека вистината е на нивна страна, а културата им припаѓа на културните дејци. Иницијативата Култура или фис култура струмичките актери ја покренаа пред околу два месеци во знак на протест против одлуката на ресорното министерство да назначи директор на центарот за култура кој според актерите согласно неговото формално образование не е соодветен за таа позиција. Иницијативата ја поддржаа над 300 културни работници од целата држава, а беа одржани и повеќе протести Прилогот на Сител погледнете го во продолжение:

Балканот се уште тагува по нив: Легенди кои заминаа во 2020 година

Ивона Петрова — Sun, 27 Dec 2020 11:26:25 +0000

Поминуваат и последните денови од 2020 година, која освен по коронавирусот, ќе се памети и по големиот број јавни личности од Балканот кои го загубија животот. Долга е листата на оние по кои целиот Балкан тагува. Рајко Дујмиќ Некогашниот член на групата Нови фосили почина на 4 август на 65 годишна возраст, неколку дена откако со автомобил слетал во провалија од 11 метри. Мустафа Надаревиќ На 22 ноември легендарниот актер почина по долга борба со ракот на белите дробови на 77 години. Во јануари ја изненади јавноста со искрено интервју во кое проговори за прв пат за својата болест. Иван Бекјарев Познатиот актер Иван Бекјарев, почина на 16 ноември на 75 годишна возраст како последница од коронавирус. Џеј Рамадановски Легендата на народната музика Џеј Рамадановски почина ненадејно на 56 годишна возраст на 6 декември откако во сон му застанало срцето. Во неговиот дом лекарска екипа се обидела да го реанимира, но не успеала. Крунослав Кичо Слабинац Пејачот Кичо Слабинац (76) почина на 13 ноември во болница во Загреб каде бил хоспитализиран три месеци. Исидора Бјелица Писателката почина на 5 август во домот на своите родители на 53 години. Таа го години храбро и со насмевка на лицето се бореше со карцином на јајниците, кој се смета за еден од најопасните видови рак. Мирослав Миша Алексиќ Последнот збогум оваа година љубителите на „Рибља чорба“ му кажаа на басистот на групата кој почина на 29 ноември од последици од коронавирусот. Тој почина на 68 годишна возраст, а неговото тело беше кремирано. Тихомир Тика Арсиќ Актерот почина на 64 години. Случајно, на детален преглед, дознал дека има рак на главата на панкреасот. Во тоа време се подготвувал за филмска улога на човек кој умира од рак, па размислувал дали прво да го сними филмот и да оди на операција или да се откаже од улогата поради здравјето. Бојан Златановиќ Токан Музиката остана и без тапанарот на „Амадеус Бенд“ кој на 45 годишна возраст ја загуби битката со коронавирус. Почина на 24 ноември. Мирко Бабиќ Актерот почина на 73 годишна возраст. Беше познат кај широката народна маса, особено кај оние кои ја гледаа серијата „Село гори, а баба се чешла“. Борислав Бора Дрљача Пејачот на народна музика на 11 октомври ја загуби битката со опасната болест. Бора имаше 80 години, а неколку пати беше хоспитаизиран и опериран.

Актери на кои една улога им ја спаси кариерата: Од дното на врвот со само еден лик (ВИДЕО)

Ивана Ефремовски — Thu, 22 Oct 2020 14:08:19 +0000

Понекогаш доволен е еден филм за актерите да си ја повратат кариерата која им тргнала во надолна линија. Такви случаи има многу, а екипата на WatchMojo направи листа од топ 20 актери кои си ја спасиле кариерата со само една улога. На списокот се наоѓаат познати актери како Адам Сендлер, Џони Деп, Џим Кери, Пол Бетани, Крис Еванс, Кристен Стјуарт, Џенифер Лопес, Николас Кејџ, Крис Прат, Мајкл Китон, Метју Меконахи, Мики Рурк, Лијам Нисон, Рајан Рејнолдс, Киану Ривс, Роберт Патисон, Марлон Брандо, Дру Баримор, Џон Траволта и Роберт Дауни Џуниор. Интересен е случајот со Дру Баримор која ја реактивираше својата кариера со споредна улога. Оригинално, ѝ била понудена главната улога на Сидни Прескот во „Scream“, но самата ја одбила велејќи му на режисерот Вес Крејвен: „Поголем ефект ќе има филмот доколку мене ме убиеш на почетокот“. Така, филмот започнува со убиството на Кејси Бекер, лик кој го глуми токму Дру.