Во Иран две активистки за ЛГБТК+ права се осудени на смрт

Магдалена Андонова — Mon, 05 Sep 2022 13:43:41 +0000

Две активистки за права на ЛГБТК+ лицата се осудени на смрт во Иран под обвинение за промовирање хомосексуалност, соопштија денеска активисти и апелираа меѓународната заедница да спречи извршување на пресудата. Триесет и едногодишната Захра Седиги Хамедани и 24-годишната Елхам Чубдару се осудени во северозападниот град Урмија, информираше курдската организација за човекови права „Хенгав“. Активистките, кои и самите се дел од ЛГБТК+ заедницата, сега се во женското одделение на затворот во Урмија. Шади Амин, координаторка на иранската организација за одбрана на права на ЛГБТК+ лица „6Ранг“, со седиште во Германија, ја потврди пресудата против двете млади жени. – Ги повикуваме сега Германија и другите странски влади да извршат притиок врз Иран со цел активистките да бидат ослободени, апелираше таа. Како што таа додаде, ова не е првпат жена да биде осудена на смртна казна во Иран поради својата сексуална ориентација. (МИА)

ВИДЕО: Му ги покажа голите гради на Берлускони, а потоа настана хаос

Ивана Ефремовски — Sun, 04 Mar 2018 14:29:42 +0000

Кога поранешниот италијански премиер Силвио Берлускони пристигна да гласа на изборите, топлес активистка на ФЕМЕН скокна на масата и му порача дека неговото време е истечено. На нејзините гради со црн маркер беше напишано “Берлускони, вашето време истече”, а на грбот беше напишан зборот “ФЕМЕН”. Потоа на избирачкото место настана хаост. Фоторепортерите скокнаа од сите страни да го фатат овој момент, а обезбедувањето насилно ја изнесе активистката надвор.

активистки – Kurir.mk

Во Иран две активистки за ЛГБТК+ права се осудени на смрт

ВИДЕО: Му ги покажа голите гради на Берлускони, а потоа настана хаос