„Продолжува трупањето на партиски војници во општините и претпријатијата, во моментов активни конкурси за 100-тина нови вработувања“

Тале Кристо — Wed, 24 Mar 2021 10:32:57 +0000

Безобразноста на СДСМ во уништувањето на локалните самоуправи нема крај. На речиси 7 месеци пред одржувањето на локалните избори, СДСМ не бираат средства за обид на поткуп на граѓаните и смирување на незадоволството на нивното членство, преку секојдневни огласи за вработување во општините, јавните претпријатија и останатите локални образовни и културни институции, реагираат од Комисијата за локална самоуправа на ВМРО-ДПМНЕ. Толкав е бројот на огласи што едноставно е невозможно да се прати темпото со кое СДСМ ја упропастува функционалноста и финансиската стабилност на општините и локалните институциите. За СДСМ не е доволно што истите се веќе одамна превработени! За СДСМ не е доволно што истите се презадолжени! За СДСМ не е доволно што истите се неефикасни! За СДСМ не е доволно што веќе еднаш им ги покрија загубите со посебен закон, а сакаат да го повторат тој чин со нов закон! За СДСМ не е доволно што нивен кадар предводи општина која има поделено и наплатено 0% данок на имот! Соочени со гневот на народот за нивното мизерно управување со локалната самоуправа изминативе 3,5 години, како и соочени со големото незадоволство на нивното членство, СДСМ изминативе неколку месеци започна акција за масовно полнење на општинските администрации, тие на јавните претпријатија, како и на културните и образовните институции во нивна надлежност со партиски војници. Секој ден „фрчат“ нови огласи за вработувања, каде само во моментов имаме активни огласи за речиси 100 вработувања, а во моментов на големо се менуваат и годишните планови за вработувања со кои се менуваат систематизации и се отвора патот за дополнително оптоварување на општинските буџети. Само последнава недела, во време на економска криза и глобална пандемија, бевме сведоци на планот на Општина Гази Баба да потроши фантастични 14 милиони денари за привремени вработувања, додека Општина Бутел секоја година е лидер во оваа категорија каде во просек се трошат по околу 400.000 евра. Слична е состојбата и во Куманово, каде со измените на годишниот план за вработување во 2021 година на ЈП „Водовод“ – Куманово, предвидени се дополнителни 54 вработувања. Сите овие очајни потези и евтини трикови нема да поминат и граѓаните на претстојните локални избори ќе ја казнат СДСМ за нејзината неспособност и корумпираност, велат од Комисијата за локална самоуправа на ВМРО-ДПМНЕ.

ФОТО: Активни неколку огласи- се полни државната администрација со нови вработувања

Дарко Андоновски — Sat, 02 Nov 2019 10:11:14 +0000

Власта продолжува со предизборните вработувања. Во моментот активни се неколку огласи во државните институции, меѓу кои се министерството за земјоделство, шумарство и водостопанство, министерство за труд и социјална политика, вработувања во генералниот секретаријат при владата на Република Македонија, агенција администрација, вработување во државната комисија за спречување на корупција како и 21 вработувања во Град Скопје. За една година јавната администрација се зголемила за повеќе од 3.346 вработувања со што во државните институции работата вкупно над 132 000 лица.

активни огласи – Kurir.mk

„Продолжува трупањето на партиски војници во општините и претпријатијата, во моментов активни конкурси за 100-тина нови вработувања“

ФОТО: Активни неколку огласи- се полни државната администрација со нови вработувања