аква парк – Kurir.mk

ВИДЕО: Седум противпожарни возила интервенирале на пожарот кај Аква паркот

Ивона Петрова — Wed, 19 Jul 2023 12:12:37 +0000

Пожарот во депонијата кај Аква паркот во Скопје го гаснат 14 пожарникари со седум противпожарни возила. Командантот на скопската противпожарна бригата Ѕвонко Томевски во изјава за Курир вели дека пожарот е под контрола и нема опасност за останатите објекти во близина. Екипите остануваат на терен до целосно догаснување на пожарот.

Спектакуларна прослава за 10 години Аква парк Пробиштип, концерт на Цеца

Ивона Петрова — Wed, 30 Jun 2021 12:21:00 +0000

Ова лето, Аква Парк Пробиштип ќе го одбележи својот јубилеј - 10 години АКВА ПАРК ПРОБИШТИП, со спектакуларен концерт на најголемата балканска ѕвезда, дивата Светлана ЦЕЦА Ражнатовиќ. Аква парк-от за прв пат ги отвори своите врати за посетители на 20 Август 2011 година и за кратко време успеа да стане актуелно собиралиште што ја редефинира колективната забавна содржина, урбано обележје што понуди одново заживување на градот Пробиштип кој со децении беше во мирување. 21 Август, Аква парк Пробиштип го прославува својот десетти роденден со концерт на балканската поп-фолк дива Цеца, а ќе настапат Јоце Панов и Ѓоко Јовиќ со Енерџи бенд. Најавуваме целовечерно музичко шоу со најголемите балкански хитови и многу изненадувања. Аква Парк Пробиштип, од своето спектакуларно отворање со Paul Van Dyk, организираше бројни настани, од водени лудории до чоколаден базен, пена парти и музички концерти и забави на најпопуларните балкански музички имиња од земјава и странство. Аква паркот се простира во подножјето на Осоговските планини, на површина од 18 000 м2. Нуди широкиот спектар на атракции на вода надополнет со терен за одбојка, забавни содржини за најмладите, ресторани и барови за сечиј вкус, продавница за сувенири. Билетите и резервациите ќе бидат пуштени во продажба од 4 Јули во 10ч. преку продажната мрежа на www.kupikarta.com, White Horse Skopje и на билетарата на Аква парк-от.

Подготвени ли сте за водени лудории, почнува со работа Аква паркот во Скопје

Ивона Петрова — Sun, 20 Jun 2021 11:55:48 +0000

Аква паркот во Скопје лоциран кај спортскиот центар „Борис Трајковски“ од денеска почнува со работа. Според објавата на социјалните мрежи Аква паркот е отворен од денеска. Работното време ќе биде од 10 до 19 часот навечер.

Скопскиот Аква Парк ќе работи до 8-ми септември, годинава продадени над 37.000 влезници

Ивана Ефремовски — Fri, 30 Aug 2019 09:05:25 +0000

Аква паркот во склоп на СЦ „Борис Трајковски“, ова лето ја имаше најуспешната сезона досега со над 37.000 продадени влезници. Посетителите цело лето имаа можност да уживаат во сите атракции и места за одмор кои ги нуди паркот. Аква Парк ќе работи и овој викенд до 1-ви септември, а последна шанса за релаксација и забава оваа сезона, посетителите ќе имаат наредниот викенд, односно на 7-ми и 8-ми септември, а деновите од понеделник до петок нема да биде отворен за посета. По затворањето на Аква Парк, рекреативно ќе може да пливате и во затворениот базен во СЦ „Борис Трајковски“ во одредени термини, а од понеделник во спортскиот центар започнува и нова сезона на Аеробик вежбање со термин од 19:00, секојдневно од понеделник до петок. Во склоп на СЦ „Борис Трајковски“ работи и кугланата, реновирана и подготвена за родендени, прослави, тим билдинг и професионално и аматерско натпреварување во куглање. Другите содржини кои ги нуди центарот се сауна, пинг понг, фитнес, а наскоро ќе започне и концертната сезона, како и спортските натпреварувања во арената и малата сала.

Уживаа во базен, па ги поклопи огромен бран: 44 лица се повредени во овој хаос (ВИДЕО)

Ивана Ефремовски — Wed, 31 Jul 2019 12:16:10 +0000

Како и секое лето, многу Кинези одлучија да се разладат во аква-парковите. Базените кои прават вештачки бранови се вистинска атракција и посебно популарни меѓу децата. Меѓутоа, во забавниот парк Шуијун, во провинцијата Џилин, настана вистински хаос кога капачите ги собра огромен бран од 3 метри. Повредени се дури 44 лица, а многу посетители почнаа да бегаат во паника кога го видоа ова изненадувачко „цунами“. Неколкумина се хоспитализирани поради скршеници и други повреди. Се смета дека механичка грешка довела до настанување на огромен бран, а базенот ќе биде затворен неколку дена додека траат поправките.

ВМРО-ДПМНЕ ОК Штип: Не само што ги нема ветениот аква парк и затворен базен, туку Штип стана град без базен!

Дарко Андоновски — Mon, 10 Jun 2019 12:45:50 +0000

Не само што ги нема ветените аква парк и затворен базен, туку Штип стана град без базен!, ова денеска преку прес-конференција го истакнаа од ВМРО-ДПМНЕ ОК Штип. -Очекувањата на граѓаните беа големи, но од година в година спласнуваат како издишан балон. Оваа година е неизвесно дали нашите сограѓани ќе се рекреираат во импровизиран базен, во кој демне сериозна опасност од болести или несреќи, или за прв пат после 70 години, во Штип ќе нема место за разладување на летните горештини, потенцираат од ВМРО-ДПМНЕ ОК Штип. Од партијата додаваат дека штипјани со ништо не заслужија ваква локална самоуправа, која не се погрижи граѓаните да имаат место за релаксација. -И после две години градскиот татко не може да најде начин и да им овозможи на нашите сограѓани соодветен базен, па затоа се приморани да патуваат во соседните градови. Аква паркот и затворениот базен се мета на потсмев, затоа што општината не може да обезбеди обичен базен, а не нешто повеќе, истакнуваат од ВМРО-ДПМНЕ ОК Штип.

Почнува летната сезона во Аква паркот во Скопје

Матеја Петровски — Sat, 09 Jun 2018 06:56:37 +0000

Од денеска почнува летната сезона во Аква паркот кој работи во рамки на спортскиот центар „Борис Трајковски“ во Скопје. На отворањето најавено е дека ќе настапат диџеите Дела и Боби од „Сити радио“ заедно со диџеј Ампов. За време на летната сезона, посетителите ќе може да уживаат на бумерангот, мрзливата река, базенот со бранови, спејс болот...