аквамен – Kurir.mk

ФОТО: Аквамен и запросувања на Скопски маратон

Ивона Петрова — Sun, 03 Oct 2021 12:20:07 +0000

Убаво време, срушени државни рекорди, позитивна енергија и многу насмевки го одбележаа 17 издание на Виз ер Скопскиот маратон кој се одржа денеска. Над 6000 тркачи учествуваа на Скопскиот маратон, а победниците Адријана Поп Арсова во женска и Дарио Ивановски во машка конкуренција поставија нови државни рекорди. Она по што меѓу другото ќе се памети овогодинешниот скопски маратон се неколкуте запросувања. Позитивната атмосфера на маратонот ја надополни македонскиот Аквамен.

ФОТО: Момоа прогласен за најзгоден маж во светот за 2018 година

Ивона Петрова — Thu, 03 Jan 2019 19:26:34 +0000

Ѕвездата од филмот „Аквамен“, Џејсон Момоа се најде на врвот на листата 100 најубави мажи, додека на последно место е Леонардо Ди Каприо. Ова прогласување е започнато во 1990 година, а се темели на предлози на јавноста. Момоа (39) е оженет со Лиса Бонет (51) од 2005 година и заедно имаат две деца, 11 годишната ќерка и 9 годишен син. На второ место е Јунгкук, пејач од јужнокоејски бенд, додека трет на листата е актерот Идрис Елба. Дејвид Бекам е 13-ти на листата, а Кристијано Роналдо на 33 место.

ФХ3Х учествуваше во ефектите на шест од 20 филма во трка за номинација за Оскар, утре премиера на Аквамен

Ивона Петрова — Wed, 12 Dec 2018 14:38:41 +0000

Македонската компанија за анимација и визуелни ефекти ФХ3Х учествуваше во креирањето на визуелните ефекти на шест од вкупно 20 филмови кои се најдоа во трката за номинација на Оскарите во оваа категорија за следната година, меѓу кои е и „Аквамен“. „Аквамен“ е најновиот член на Ди-Си Комикс Универзумот филм чија премиера е закажана за утре вечер во Скопје, една недела пред светската премиера. Аквамен е во режија на Џејмс Ван, а носителот на главната улога Џејсон Момоа има импресивен актерски тим покрај себе: Амбер Херд, Вилијам Дефо, Патрик Вилсон, Долф Лундргрен и Никол Кидман. Тие ќе ја раскажат приказната за Артур, наследникот на подводното кралство Атлантис, кој мора да ја прифати улогата на крал и да го поведе својот народ против својот полубрат Орм, чија целе е да ги обедини седумте подводни кралства против светот надвор од водата. Според Кристијан Даниловски, ко-сопственик на ФХ3Х и извршен продуцент, на овој проект биле ангажирани вкупно 70 артисти во периодот од мај до октомври, годинава, и се изработиле околу 200 кадри. -Филмот е исто така еден од кандидатите за номинација за Оскар за визуелни ефекти, кој се избори да биде на листата со уште 19 други, од кои Академијата за филмски науки и уметности до крајот на декември ќе избере 10. Номинациите ќе бидат соопштени на 22 јануари 2019 година, рече Даниловски. Инаку, покрај во Аквамен ФХ3Х беше дел и од визуелните ефекти во: “Avengers: Infinity War” “Black Panther”, “Jurassic World: Fallen Kingdom” и “Mission: Impossible – Fallout” Листата на филмови кои се борат за номинација за Оскар за визуелни ефекти се: “Ant-Man and the Wasp”, “Aquaman”, “Avengers: Infinity War”, “Black Panther”, “Bumblebee”, “Christopher Robin”, “Fantastic Beasts: The Crimes of Grindelwald”, “First Man”, “Incredibles 2”, “Isle of Dogs”, “Jurassic World: Fallen Kingdom”, “Mary Poppins Returns”, “Mission: Impossible – Fallout”, “Mortal Engines”, “The Nutcracker and the Four Realms”, “Paddington 2”, “A Quiet Place”, “Ready Player One”, “Solo: A Star Wars Story” и “Welcome to Marwen”. МИА