ал ахли – Kurir.mk

Јулијан Дрекслер ја продолжува кариерата во Ал Ахли

Бошко Тасиќ — Tue, 19 Sep 2023 03:56:36 +0000

Германскиот играч од средниот ред Јулијан Дрекслер си замина од францускиот шампион Пари Сен Жермен и кариерата ќе ја продолжи во катарскиот клуб Ал Ахли. Како што објавија двата клуба во понеделникот, 29-годишниот Дрекслер, кој за ПСЖ настапуваше од 2017 година, потпишал договор на две години. Германецот во Катар му се придружи на уште еден поранешен играч од средниот ред на ПСЖ, Италијанецот Марко Верати, кој игра за Ал Араби, како бекот Анду Диало. Дрекслер за ПСЖ впиша 198 настапи постигнувајќи 26 голови, а минатата година ја мина како позајмен играч во Бенфика. Во текот на кариерата играше и за Волсфбург и за Шалке. Во дресот на германската репрезентација впиша 58 настапи во кои постигна седум погодоци.

Ал Ахли купи турски репрезентативец за 20 милиони евра

Бошко Тасиќ — Wed, 16 Aug 2023 04:02:11 +0000

Екипата на Ал Ахли од Саудиска Арабија за минатата сезона го ангажираше турскиот репрезентативец Мерих Демирал од Аталанта за 20 милиони евра за кого беа заинтересирани Интер, Јувентус и неколку премиерлигашки клубови. Демирал ја прифатил тригодишен договор вреден 11 милиони евра по сезона, пренесува турски „Фанатик“. Аталанта веќе донесе негова замена, а тоа е Исак Хиен од Верона. Демирал кој има 39 меча за Турција им се приклучи на Фирмино, Марез, Keси, Ибањез и Менди во Ал Ахли.

ПСЖ бара од Ал Ахли 80 милиони евра за Верати

Тале Кристо — Sun, 06 Aug 2023 15:29:12 +0000

Ал Ахли не може да постигне договор со Пари Сен Жермен за трансферот на играчот за врска Марко Верати, пишува новинарот Матео Морето. Според изворот, страните не можат да се договорат за цената на трансферот. Парижаните сакаат да добијат најмалку 70 милиони евра за играчот. Ал Ахли е подготвен да даде само 30 милиони евра. Поради тоа што преговорите се одолговлекуваат, играчот може да остане во ПСЖ. Претходно, инсајдерот Фабрицио Романо објави дека Верати ќе потпише тригодишен договор со Ал-Хилал. Триесетгодишниот Италијанец минатата сезона забележа 38 настапи за клубот и оствари една асистенција. Верати игра за ПСЖ од 2012 година. Неговиот актуелен договор со парижаните е до 2026 година.

Диего Симеоне заминува во Саудиска Арабија?

Бошко Тасиќ — Sun, 09 Jul 2023 06:39:55 +0000

Ал Ахли испрати конкретна понуда за аргентинскиот стратег Диего Симеоне. „ЕСПН“ тврди дека тренерот на Атлетико Мадрид има можност да заработува по 40 милиони евра по сезона, но очигледно не е расположен да ја напушти Шпанија. Ова не било првпат популарниот „Чоло“ да добие понуда од Саудиска Арабија, но оваа била најконкретна и со најповолни финансиски услови. Симеоне последната сезона обезбеди Топ 4 пласман за Атлетико и покрај лошиот старт, што подразбира единаесетта сезона по ред во Лигата на шампионите.

Фирмино го комплетираше трансферот во Ал Ахли

Бошко Тасиќ — Wed, 05 Jul 2023 05:54:14 +0000

Следниот предизвик на Боби Фирмино ќе биде во Саудиска Арабија, Бразилецот стави потпис на договор со Ал Ахли. Откако договорот со Ливерпул му заврши, Фирмино како слободен играч имаше повеќе опции за продолжување на кариерата. Тој реши дека најдобро за него е да се пресели во Саудиска Арабија. Фирмино стави потпис на тригодишен договор со Ал Ахли кој и официјално го потврди Бразилецот како ново засилување.

Фламенго освои бронза на Светското клупско првенство

Бошко Тасиќ — Sat, 11 Feb 2023 18:58:54 +0000

Фудбалерите на бразилскиот Фламенго вечерва го освоија третото место на Светското клупско првенство откако го победија египетскиот Ал Ахли со 4:2. Головите за Фламенго ги постигнаа Габриел Барбоса в о 11-тата и 85-тата минута и Педро во 77-та и првата минута од судиското продолжение. Двоен стрелец за Ал Ахли беше Ахмед Абделкадер во 37-та и 60-тата минута. Ал Ахли од 69-тата минута играше со играч помалку откако директен црвен картон заработи Калид Абдулафатах.

Реал Мадрид се пласираше во финалето на Светското првенство за клубови

Бошко Тасиќ — Thu, 09 Feb 2023 05:42:01 +0000

Фудбалерите на Реал Мадрид го совладаа Ал Ахли од Египет со 4:1 (1:0) и со тоа се пласираа во финалето на Светското клупско првенство. Водечкиот гол за Шпанците беше дело на Винисиус Жуниор во 42 минута, а на стартот од вториот дел, во 46 минута Федерико Валверде го зголеми водството. Ал Ахли не се предаваше, па во 65 минута Али Малуи од пенал намали на 2:1. Но, до крајот не само што не успеаја да израмнат, туку примија уште два гола. По промашениот пенал на Модриќ во 87 минута, Родриго во 92 минута постигна гол за 3:1 на асистенција на Дани Себаљос. Конечниот резултат го постигна 21-годишниот Серхио Арибас во осмата минута од судиското надополнување.

Един Нурединовски во стручниот штаб на Ал Ахли

Бошко Тасиќ — Sun, 19 Sep 2021 18:34:25 +0000

Поранешниот репрезентативен голман на Македонија, Един Нурединоски, доби нов предизвик во кариерата и замина во Либија, каде што ќе биде дел од стручниот штаб на Хрватот Родион Гачанин во екипата на Ал Ахли од Бенгази, инаку шампион на таа африканска земја.

Ова е прв интернационален тренерски предизвик за Нурединоски, кој минатиов период беше тренер на најстарата генерација од младинската академија на Кул со која избори пласман во елитната лига. Нурединоски ја заврши фудбалската кариера во 2019 година, каде што за последен пат бранеше за екипата на кипарски Арис од Лимасол. Бившиот македонски репрезентативен голман ја почна богатата фудбалска кариера во Вардар, а притоа бранеше и за екипите на Цементарница, Слога Југомагнат, Победа, Милано, германскиот Ајнтрахт Брауншвајг, кипарските Етникос, Ермис и Арис Лимасол, како и во азербејџанскиот Баку. За селекцијата на Македонија настапи на 14 натпревари.

Ал Ахли го освои третото место во Доха на СКП

Бошко Тасиќ — Thu, 11 Feb 2021 17:40:41 +0000

Бразилскиот фудбалски клуб Палмеирас со два порази си заминува од Светскоото клубско првенство во Доха, пткако Ал Ахли го освои бронзениот медал и победи на пенали. Мечот во регуларниот дел заврши без голови. Во првото полувреме повеќе напаѓаше Палмеирас, но најсериозната шанса ја имаше Ал Ахли. Вториот дел помина во подосаден меч. Немаше голови ни во тие 45 минути, па мечот го решаваа пеналите. Дури тројца фудбалери на Палмеирас промашија пенал, а последниот не го реализираше капитенот, Фелипе Мело. Ал Ахли не погоди два пенали, но трите дадени беа доволни за славје.

Ал Ахли во полуфиналето на Светското Клупско Првенство

Бошко Тасиќ — Thu, 04 Feb 2021 20:12:05 +0000

Ал Ахли со 1-0 го победи Ал Духаил и се пласираше во полуфиналето на Светското клупско првенство каде ќе игра против европскиот фудбалски шампион Баерн Минхен. Клучниот момент се случи во 30. минута кога Ел Шахат постигна прекрасен гол од далечина за победа од 1-0, погодокот го прослави во стилот на Кристијано Роналдо. Осум минути подоцна им беше поништен и гол поради офсајд. Во полуфиналето Ал Ахли ќе игра против Баерн Минхен, а во другото полуфинале ќе се сретнат Тигрес и Палмеирас.