ал хилал – Kurir.mk

Ал Хилал со поддршка до Нејмар: Врати се посилен

Ивона Петрова — Thu, 19 Oct 2023 07:54:00 +0000

Ал Хилал објави порака со поддршка до Нејмар по повредата што ја заработи бразилскиот фудбалер на натпревар националниот тим против Уругвај. На Нејмар констатирани му се скинати вкрстени лигаменти и оштетен менискус на левото колено. - Лекарскиот преглед покажа дека Нејмар се здобил со скинати вкрстени лигаменти и ’рскавица. Подоцна ќе биде опериран, по што ќе биде одредена програма за лекување и период на закрепнување. Врати се посилен, се вели во соопштението. Триесет и едногодишниот Бразилец беше заменет со Ричарлисон на крајот од првото полувреме од квалификацискиот натпревар за Светското првенство 2026 против Уругвај (0:2) одигран вчера. Тој на носилка беше изнесен од теренот.

Нејмар за тешката повреда: Ова е најлошиот момент во мојата кариера

Ивона Петрова — Thu, 19 Oct 2023 06:04:40 +0000

Напаѓачот на бразилската репрезентација и Ал-Хилал, Нејмар ја коментираше повредата добиена на вчерашниот натпревар со Уругвај (0:2) во мундијалските квалификации. На 31-годишниот Бразилец му беа дијагностицирани скинати вкрстени лигаменти и менискус на левото колено. - Ова е многу тажен момент, најлош. Знам дека сум силен, но овој пат уште повеќе ќе ми требаат моите пријатели (семејството и пријателите). Не е лесно да се помине низ повреди и операции. Замислете дека треба да поминете низ сето тоа повторно по четири месеци закрепнување. Ви благодарам на сите за зборовите за поддршка, напиша Нејмар на социјалните мрежи. Нејмар беше заменет со Ричарлисон на крајот од првото полувреме од натпревар одигран во Монтевидео. Тој на носилка го напушти теренот.

Нејмар би можел да се врати во родниот Сантос во 2025 година

Ивона Петрова — Wed, 27 Sep 2023 07:15:55 +0000

Напаѓачот на Ал Хилал, Нејмар може да се врати во бразилскиот шампионат во 2025 година. „Sport.es“ објави дека 31-годишниот фудбалер сака во иднина да се врати во својот матичен клуб Сантос за со овој тим да се подготви за Светското првенство во 2026 година. Токму поради оваа причина Нејмар не потпиша четиригодишен туку едногодишен договор со Саудијците. Исто така, се известува дека Бразилецот веќе стапил во контакт со Сантос за неговото враќање. Нејмар се пресели во Ал-Хилал во летото 2023 година. Во моментов нема постигнато ниту еден гол и има две асистенции на три натпревари за тимот. Претходно беше објавено дека Нејмар побарал оставка од тренерот на Ал Хилал, Хорхе Жесус. Меѓутоа, подоцна фудбалерот оваа информација ја нарече глупост. Нејмар потекнува од младинската школа на Сантос. Тој беше во клупскиот систем од 2003 до 2013 година. з

Ал Хилал го раскина договорот со Џани Алиоски

Бошко Тасиќ — Sun, 27 Aug 2023 05:23:29 +0000

Во новата сезона во оваа земја, делуваше дека цветаат ружи за македонскиот репрезентативен бек Џани Алиоски кој се врати во Ал Ахли по позајмицата во Фенербахче и набрзо се здружи со сите нови ѕвездени засилувања: Ријад Марез, Роберто Фирмино, Франк Кеси, Едуар Менди, Роџер Ибањез. Француски извор од саудиската професионална лига соопшти дека Ал Ахли го раскинал договорот со Алиоски кој сега има само една недела до крајот од преодниот рок во Европа да најде нов тим. Триесет и едногодишниот Алиоски во двата мандати одигра 31 натпревар за Ал-Ахли и постигна шест гола со неколку асистенции. Претходно Џани играше за Шафхаузен, Лугано, Лидс Јунајтед и Фенербахче.

Александар Митровиќ три години во Ал Хилал

Бошко Тасиќ — Sat, 19 Aug 2023 14:35:57 +0000

Фулам ќе инкасира 50 милиони фунти за репрезентативецот на Србија, Александар Митровиќ кој станува нов играч на тимот на Ал Хилал. Напаѓачот потпишува тригодишен договор, и се обврзува на соработка, до 2026 година во една од најголемите трансфер саги во последните години. Митровиќ едноставно одби повеќе да биде дел од тимот на Фулам и инсистираше на трансфер. Сето тоа во Англија воопшто не беше добро прифатено, но на крајот Фулам мораше да се согласи на преселба на напаѓачот. Со ова Митровиќ ќе се придружи на ни помалку ни повеќе туку Нејмар, кој пристигна во Ал Хилал пред неколку дена, како и на неговиот сонародник Сергеј Милинковиќ Савиќ. Малколм исто така е дел од овој тим.

Ал Хилал договори соработка со Боно

Дарко Андоновски — Fri, 18 Aug 2023 07:09:42 +0000

Саудискиот фудбалски клуб Ал Хилал потиша договор со голманот на Севилја, Јасин Буну. Терминот на договорот и висината на трансферот не се прецизирани. На 16 август беше објавено дека клубот од Саудиска Арабија ќе плати 19 милиони евра за 32-годишниот Мароканец. Боно од Ал Хилал доби договор со важност на три години. Мароканскиот голман во Севилја бранеше од септември 2020 година. Заедно со тимот двапати ја освои Лигата на Европа. Голманот го одигра последниот натпревар за шпанскиот тим во средата на 16 август во финалето на УЕФА Суперкупот против Манчестер Сити (1:1; 5:6 - на пенали).

Ал-Хилал заинтересиран за Навас

Ивана Ефремовски — Wed, 16 Aug 2023 14:31:44 +0000

За голманот на Пари Сен-Жермен, Кејлор Навас, интерес покажува Ал-Хилал. Триесет и шестгодишниот Костариканец минатата сезона ја мина на позајмица во англискиот клуб Нотингем Форест. Во парискиот клуб Навас сега е со статус на трет голман – по Џанлуиџи Донарума и Арнау Тенас. Навас има уште една година од договорот со ПСЖ. Претходно беше објавено дека клубот е заинтересиран да го продаде, како и другите позајмени играчи. Ал-Хилал веќе го купи Нејмар од Пари Сен-Жермен ова лето и е заинтересиран за уште еден фудбалер на парижаните, Марко Верати. (МИА)

По Нејмар, Ал Хилал почна преговори со уште двајца фудбалери на ПСЖ

Ристе Здравков — Wed, 16 Aug 2023 09:33:48 +0000

Само еден ден по потписот со Бразилецот Нејмар, саудиски Ал Хилал тргнува по потпис на уште двајца фудбалери на францускиот шампион ПСЖ. Како што јавуваат француските медиуми, Арапите сега преговараат за доведување на искусниот голман Кејлор Навас, како и за италијанскиот репрезентативец Марко Верати. Од ПСЖ се подготвени да се разделат со 36-годишниот голман, но нема да го пуштат без пари. Костариканецот има уште една година од договорот со ПСЖ, а сега е трет голман зад Џанлуиџи Донарума и Арнау Тенас. Минатата сезона Навас играше како позајмен во англискиот Нотингем Форест. Ал Хилал е заинтересиран и за играчот од средниот ред на ПСЖ, Марко Верати, но со него работата ќе биде потешка за реализација, затоа што Италијанецот треба да биде важна алка од тимот на Луис Енрике.

Ал Хилал го промовира Нејмар (ВИДЕО)

Ивана Ефремовски — Tue, 15 Aug 2023 17:40:08 +0000

Ал Хилал го објави потписот на напаѓачот на ПСЖ, Нејмар. Саудискиот клуб на својата страница на Твитер објави видеопрезентација на Бразилецот. Претходно беше објавено дека 31-годишниот фудбалер ќе потпише двегодишен договор со клубот. Ал Хилал ќе му плати на напаѓачот околу 160 милиони евра за две сезони. Претходно, Нејмар играше за Сантос (2009-2013), Барселона (2013-2017) и ПСЖ (2017-2023). За последниот клуб одигра 173 натпревари, постигна 118 голови и даде 77 асистенции. Договорот на Нејмар со парижаните беше со важност до летото 2025 година. (МИА)

Ал Хилал ќе плати за Нејмар 150 милиони евра годишно за ПСЖ 100 милиони за трансферот

Ивона Петрова — Mon, 14 Aug 2023 13:14:42 +0000

Нејмар ќе добие шест пати поголема плата во Ал Хилал отколку во Пари Сен-Жермен. Претходно се дозна дека Бразилецот го комплетира трансферот во саудискиот клуб. Според „Sky Sports“, ПСЖ за трансферот ќе добие 100 милиони евра. Самиот Бразилец ќе добива 150 милиони евра годишно - шест пати повеќе отколку во ПСЖ. Новинарот Кавех Солхекол, исто така, забележува дека на некои играчи кои се преселуваат во Саудиска Арабија им било ветено предвремена исплата на 50 % од нивните плати.