Ал Итихад – Kurir.mk

Саудиски Ал Итихад нуди 150 милиони долари за Салах

Тале Кристо — Tue, 29 Aug 2023 19:47:36 +0000

Челниците на саудискиот фудбалски клуб Ал Итихад се подготвени да му платат на премиерлигашот Ливерпул 150 милиони евра за услугите на египетскиот репрезентативец Мохамед Салах, јавија денеска британските медиуми. Салах сака да ја продолжи кариерата во Саудиска Арабија, но раководството на Ливерпул повеќе пати демантираше дека планира да го продаде египетскиот фудбалер. Извори блиски до преговорите тврдат дека Ал Итихад е подготвен да му плати на Ливерпул загарантирана сума од 108 милиони евра, а англискиот клуб преку дополнителни бонуси би можел да добие уште 54 милиони евра. Салах (31) дојде во Ливерпул во 2017 година од Рома и за англискиот клуб досега одигра 307 натпревари на кои постигна 187 голови.

Бензема не се вклопува во тактички стил на тренерот на Ал-Итихад

Ивона Петрова — Wed, 23 Aug 2023 18:25:19 +0000

Тренерот на Ал Итихад им кажа на раководството дека Карим Бензема не се вклопува во неговиот тактички стил. За проблемот на напаѓачот на Ал-Итихад со тренерот на тимот Нуно Еспирито Санто, објави „Asharq Al-Awsat“. Според медиумот од Саудиска Арабија, португалскиот специјалист му рекол на раководството дека 35-годишниот Французин не се вклопува во неговиот тактички стил. Тој првично не побара од клубот да го ангажира Бензема. Покрај тоа, по доаѓањето во клубот, Французинот се надеваше дека ќе ја добие капитенската лента, но тоа не се случи. Бензема летово се пресели во Ал Итихад. За тимот одигра два натпревари на кои постигна една асистенција.

Фабињо официјално е нов фудбалер на Ал Итихад

Бошко Тасиќ — Tue, 01 Aug 2023 03:59:47 +0000

Бразилскиот интернационалец Фабињо и официјално е нов фудбалер на Ал Итихад, потврди клубот од Саудиска Арабија. И покрај тоа што не е објавен точниот износ на трансферот од редовите на Ливерпул истиот се проценува дека изнесува околку 50 милиони евра. Во Саудиска Арабија тој ќе соработува со освојувачот на Златната топка, Карим Бензема и поранешниот играч на Челси, Нголо Канте.

Бензема дебитираше со гол за Ал Итихад

Ивона Петрова — Fri, 28 Jul 2023 09:51:41 +0000

Францускиот напаѓач Карим Бензема дебитираше за саудискиот клуб Ал Итихад, запишувајќи гол и асистенција во синоќешниот триумф од 2-1 над туниски Есперанца во рамки на 1. коло од групата Ц на Арапскиот клупски куп на шампиони. Тунижаните поведоа во 26 минута со голот на Усама Бугера, по што израмни Абдзерак Хамдала во 36 минута на асистенција на Бензема, а поранешниот напаѓач на Реал Мадрид му донесе победа на својот нов клуб со гол во 55 минута. Францускиот напаѓач неодамна потпиша тригодишен договор со саудискиот клуб, вреден 100 милиони долари по сезона. На 30. издание на Арапскиот клупски куп на шампиони во Ријад учествуваат 16 екипи кои се борат за награден фонд од 10 милиони долари.

ВОЗНЕМИРУВАЧКИ: Во Египет се сруши дел од трибина за време на кошаркарски натпревар (ВИДЕО)

Бошко Тасиќ — Sun, 25 Dec 2022 07:18:55 +0000

Најмалку 27 лица се повредени поради рушење на метална конструкција на дел од трибина во сала во Каиро за време на кошаркарскиот натпревар од Суперкупот на Египет меѓу Ал Ахли и Ал Итихад. Натпреварот беше прекинат во третата четвртина при резултат 45:66 за гостите, бидејќи се сруши трибина во салата „Хасан Мустафа“ која е изградена пред три години за потребите на Светското првенство во ракомет. Веднаш по несреќата се огласи египетскиот министер за здравство кој потврди дека пред салата имало дури 21 амбулантно возило со кои биле пренесувани повредените навивачи во болница. https://www.youtube.com/watch?v=FrteQLZLLuA&feature=emb_title