Ал Наср – Kurir.mk

Роналдо сака да го продолжи договорот со Ал-Наср до 2027 година

Ивона Петрова — Tue, 10 Oct 2023 06:19:58 +0000

Фудбалерот на Ал-Наср, Кристијано Роналдо сака да го продолжи договорот со саудискиот клуб до 2027 година, објави новинарот Али Ал-Харби. Триесет и осумгодишниот Португалец сака да игра на Светското првенство во 2026 година, по што планира да се повлече од фудбалот. Роналдо е подготвен да го игра целиот овој период во Ал-Наср. Актуелниот договор на Роналдо е до 2025 година. Во првенството на Саудиска Арабија се пресели на почетокот на 2023 година. Оваа сезона Роналдо одигра 11 натпревари за Ал-Наср, постигна 11 голови и шест асистенции.

Кристијано Роналдо ќе го продолжи договорот со Ал Наср до 2027 година

Бошко Тасиќ — Tue, 10 Oct 2023 04:02:24 +0000

Најефикасниот фудбалер во историјата, Кристијано Роналдо, има договор со Ал Наср до летото 2025 година, а Португалецот е расположен да остане таму уште две години после тоа, и можно е наскоро да го продолжи договорот до 2027. Рооналдо кој има 38 години, има цел да игра на Светското првенство во 2026 година, по што би ја завршил репрезентативната кариера, а една година подоцна да се повлече и целосно од фудбалските терени. Ако игра на СП 2026, Роналдо ќе биде првиот фудбалер кој настапил на шест мундијали.

И Дел Пјеро се сели во Ал Наср?

Ристе Здравков — Thu, 05 Oct 2023 12:42:46 +0000

Алесандро Дел Пјеро наскоро би можел да биде назначен за нов спортски директор на Ал Наср. Легендата на Јуве, официјално не му се вратил на фудбалот во ниту една функција откако стави крај на кариерата во 2015 година. Вообичаено се појавуваше во медиумите како критичар. Италијанските медиуми шпекулираат дека Дел Пјеро би можел да стане нов спортски директор на Ал Наср. Клубот неодамна го именуваше поранешниот играч на Рома, Гуидо Фиенга за нов извршен директор, а тој го предложил Дел Пјеро за функцијата спортски директор.

Кристијано Роналдо реши каде ќе ја заврши кариерата

Бошко Тасиќ — Sat, 23 Sep 2023 15:56:09 +0000

Кристијано Роналдо им соопштил на челниците на Ал Наср дека има намера кариерата да ја заврши во редовите на овој клуб. Според актуелниот договор, Роналдо со Ал Наср има договор до јуни 2025 година, а тоа би било и датумот кога Португалецот ќе реши да ги закачи копачките на клин. Медиумите во Саудиска Арабија пишуваат дека Роналдо веќе одлучил Ал Наср да биде неговиот последен клуб. Во јуни 2025 година, Роналдо веќе ќе има наполнето 40 години.

Никогаш не се откажувај- Лудило од меч, Роналдо и дружината губеа со 2:1 до 88-ма минута, а потоа славеа со 4:2 и се пласираа во Азиската Лига на шампиони (ВИДЕО)

Ристе Здравков — Wed, 23 Aug 2023 08:21:02 +0000

Фудбалерот на Ал-Наср, Кристијано Роналдо реагираше на влезот на клубот во групната фаза од азиската Лига на шампиони. – Тежок натпревар, но важна победа за пласман во азиската Лига на шампиони! Секогаш чувајте ја вербата до крај! Никогаш не се откажувај! – напиша Роналдо на социјалните мрежи. Ал-Наср синоќа го совлада Ал-Ахли со 4:2 во финалето од квалификациите за азиската Лига на шампиони. До 88. минута клубот од Дубаи губеше со 1:2. Ал-Наср се пласираше во групната фаза од азиската Лига на шампиони, која започнува по еден месец.

Ал Наср не застанува: Европски шампион доаѓа кај Роналдо и Мане

Ристе Здравков — Wed, 16 Aug 2023 13:00:49 +0000

Лудото трошење на милионски суми од клубовите од Саудиска Арабија на засилувања од европскиот фудбал дефинитивно зема се поголем замав од ден на ден. Ал Наср е клубот кој што ја почна лавината со јануарскиот трансфер на Кристијано Роналдо, овој клуб во меѓувреме ги доведе и Брозовиќ, Садио Мане и Телес, а сега е на прагот да договори уште еден извонреден трансфер, ангажирајќи го во својот табор Ејмерик Лапорт. Шпанскиот дефанзивец доаѓа од редовите на Манчестер Сити, клуб со кој стигна до европската круна минатата сезона, но го загуби првотимскиот статус кај Пеп Гвардиола. Со трансферот на Јошко Гвардиол во Сити стана јасно дека за Лапорт ќе нема место во англискиот гигант, па откако пропадна опцијата за преселба во Барселона тој на крајот ја прифати понудата на Ал Наср. Финансиските детали засега не се обелоденуваат, но англиските медиуми тврдат дека и Манчестер Сити постигнал договор околу отштетата со клубот од Саудиска Арабија. Сите детали се договорени, па се очекува шпанскиот дефанзивец во наредните денови да ги мине лекарските прегледи, по што и официјално ќе се пресели во Ал Наср.

Мане во Ал-Наср ќе заработува повеќе од 40 милиони евра годишно

Ивана Ефремовски — Sun, 30 Jul 2023 12:19:32 +0000

Стана позната идната плата на напаѓачот на Баерн, Садио Мане, кој е блиску до преселба во Ал-Наср, пренесува „Sky Sport“. Според изворот, 31-годишниот Сенегалец ќе заработува повеќе од 40 милиони евра годишно. Претходно Мане не беше вклучен во пријавата за пријателски натпревар против Кавасаки поради претстојната промена на клубот. Мане минатото лето се пресели во Баерн од Ливерпул. За Баварците одигра 38 натпревари, постигна 12 гола и шест асистенции. (МИА)

Роналдо: Нема да се вратам во европскиот фудбал, вратата е целосно затворена

Ивона Петрова — Tue, 18 Jul 2023 06:39:29 +0000

Фудбалерот на Ал-Наср, Кристијано Роналдо одговори на прашањето на новинарот Фабрицио Романо за можно враќање во некоја од европските лиги. - Нема да се вратам во европскиот фудбал, вратата е целосно затворена. Европскиот фудбал изгуби многу во квалитетот...само Премиер лигата е навистина силна, таа е далеку пред сите други лиги, изјави Роналдо, Триесет и осумгодишниот напаѓач од јануари настапува за Ал-Наср од Саудиска Арабија. Португалецот минатата сезона забележа 19 настапи за тимот, постигнувајќи 14 гола и две асистенции. Во текот на кариерата Роналдо играше за Спортинг Лисабон, Манчестер јунајтед, Реал Мадрид и Јувентус.

Зинедин Зидан одби понуда од 150 милиони евра

Бошко Тасиќ — Fri, 26 May 2023 04:37:11 +0000

Француската фудбалска легенда Зинедин Зидан, ја одби понудата од саудиска Ал Наср вредна 150 милиони евра за да стане нивен тренер. Популарниот Зизу кој е единствен тренер во историјата со три титули по ред во Лигата на шампионите, добил супер богата понуда од 150 милиони евра за две години, но не е заинтересиран да го преземе тимот во кој во моментов игра Кристијано Роналдо. Зидан како главен тренер го има водено само Реал Мадрид со кој испиша историја со трите европски титули од 2016 до 2018 година. Без работа е од 2021 година.

Кристијано Роналдо се враќа во Реал Мадрид?

Бошко Тасиќ — Mon, 01 May 2023 17:08:53 +0000

Португалскиот фудбалер Кристијано Роналдо има намера да го напушти Ал-Наср и да се врати во Мадрид, пренесува „Ел Насионал“. Тој тешко се прилагодува на новата средина и култура на Саудиска Арабија, а исто така не го познава ни јазикот. Роналдо има намера да се врати во градот во кој помина девет години како дел од Реал Мадрид, а од „кралскиот клуб“ добил понуда повторно да се приклучи, но не како играч, туку како функционер. Претседателот Флорентино Перез е подготвен да му понуди на Роналдо враќање во клубот како амбасадор или на Португалецот да му понуди позиција во спортскиот менаџмент на клубот. Кристијано Роналдо му се приклучи на Ал-Наср претходно оваа година. Неговиот договор со клубот е до 2025 година. 38-годишниот фудбалер оваа сезона одигра 12 натпревару во Саудиска Арабија, постигнувајќи 12 гола и две асистенции.