Ал Сад – Kurir.mk

Катарскиот тим Ал-Сад му нуди на Модриќ двегодишен договор

Тале Кристо — Sun, 11 Jun 2023 12:15:20 +0000

Катарскиот тим Ал-Сад му понуди договор на играчот од средниот ред на Реал Мадрид, Лука Модриќ. Новинарот на Марка, Рамон Алварез де Мон, пренесува дека на Хрватот му е понуден двегодишен договор со плата од 80 милиони евра, а уште 20 милиони ќе бидат исплатени како бонуси. Друг новинар, Ромине Молина, известува дека понудата на Ал-Сад е забележителна затоа што содржи клаузула Модриќ да ја преземе тренерската функција веднаш по завршувањето на неговата играчка кариера. Претходно медиумите објавија дека Хрватот потпишал нов договор со Реал Мадрид со важност до 1 јули 2024 година. Оваа сезона Модриќ забележа 51 настап во сите натпреварувања и постигна шест гола и исто толку асистенции. Фото: ЕПА

Ал Сад преку соопштение се огласи околу заминувањето на Чави

Бошко Тасиќ — Sat, 30 Oct 2021 08:15:02 +0000

Шпанскиот фудбалски гигант Барселона го назначи Серхи за привремен тренер, кој ќе работи со првиот тим додека не биде назначен нов кормилар на клупата по отказот за Роналд Куман. Шпекулациите изминатите неколку денови го поврзуваат Чави со сензационално враќање на „Камп Ноу“, но неговиот актуелен клуб Ал Сад демантира било каков контакт со Барселона. „Во поглед на шпекулациите, клубот сака да ја потсети јавноста дека Чави има уште две години од својот договор и тој е целосно фокусиран на нашите следни натпревари за да го задржиме водството на врвот на табелата и да ја одбраниме титулата“, се вели во соопштението на катарскиот клуб. „Секој клуб кој има малку професионализам треба да преговара со другата страна ако сака некој играч или тренер кој е под договор“, додаваат од Ал Сад.

Чави го продолжи договорот со Ал-Сад до 2023 година

Бошко Тасиќ — Thu, 13 May 2021 07:44:49 +0000

Легендарниот шпански фудбалер Чави Хернандез ќе ја продолжи тренерската кариера во екипата на Ал-Сад. Чави се откажа од можноста наскоро да се врати во шпанската Барселона. Наместо тоа, потпиша нов двегодишен договор со катарскиот гигант. Првиот тренерски предизвик за 41-годишникот започна во 2019 година. Досега има освоено четири титули со екипата на Ал-Сад.

Чави го напушта Ал-Сад, Барселона на потег

Бошко Тасиќ — Tue, 04 May 2021 16:41:37 +0000

Чави Ернандес донесе одлука и нема да го продолжува договорот со Ал-Сад. Поранешниот капитен на Барселона најпрвин беше фудбалер, а потоа и тренер на катарскиот клуб. Откако новиот претседател Жоан Лапорта веќе му потврдил на Роналд Куман дека ќе биде тренер и наредната сезона, медиумите шпекулираат дека Чави може да добие и директорска функција во каталонскиот гигант.. Чави еднаш ја одби Барселона за тренерската позиција, во моментите кога Каталонците го отпуштија Ернесто Валверде.

Во новиот договор на Чави со Ал Сад има опција да замине во Барселона

Тале Кристо — Sun, 05 Jul 2020 14:45:54 +0000

Тренерот на катарскиот клуб Ал Сад, Чави потпиша нов договор со важност до крајот на сезоната 2020/21. Во исто време, договорот на 40-годишниот Каталонец има клаузула што ќе му овозможи да замине за Барселона, пренесува „Ел Мундо Депортиво“. Поранешниот капитен на Барселона го предводи тимот од Доха од 2019 година, откако мина четири сезони во клубот како играч. Под негово водство, екипата го освои 3. место во националниот шампионат.