алабама – Kurir.mk

Смртните казни во Алабама прекинати по три неуспешни егзекуции

Тале Кристо — Mon, 21 Nov 2022 19:47:44 +0000

Гувернерката на Алабама Кеј Ајви денеска побара привремен мораториум на егзекуциите во американската држава и нареди преглед „од глава до петици“ на целиот систем на извршување на најстрогата казна после три неуспешни смртоносни инјекции. Борците против смртната казна во САД сметаат дека таков резултат е без преседан. Кабинетот на Кеј Ајви соопшти дека таа побарала од јавниот обвинител Стив Маршал да ги повлече налозите за егзекуција за двајца осуденици на смрт, а од државниот Завод за извршување санкции целосно да го преразгледа системот за извршување на смртната казна во Алабама. Ајви, исто така, побара од Маршал да не закажува повеќе егзекуции додека не заврши ревизијата на системот. Барањето на гувернерката на Алабама следува по неуспешната егзекуцијата на Кенет Јуџин Смит минатиот вторник. Тоа е втор ваков случај во Алабама во изминатите два месеци, а трет од 2018 година, што е без преседан.

Смртоносни торнада ја погодија Албама, петмина загинати

Ивона Петрова — Fri, 26 Mar 2021 06:24:58 +0000

Најмалку пет лица загинаа кога смртоносни торнада ја погодија Алабама. Меѓу починатите е тричлено семејство кое живеело во дрвена куќа, како и маж и жена кои живееле во мобилна куќа, јавува Вашингтон Пост. Потрагите и спасувањето се отежнати од снежното невреме кое следувало во продолжение. Податоците од Националната метеоролошка служба во Бирмингем покажале дека торнадото формирано на југозападот од Алабама поминало околу 160 киломери и останало на земјата еден час и 20 минути.

Пукање во училиште во Алабама, десет деца повредени

Ивана Ефремовски — Sat, 31 Aug 2019 11:34:07 +0000

Најмалку десет деца се повредени од истрели во едно училиште во Алабама, САД. Повредените се на возраст меѓу 15 и 18 години, а пет од нив се во критична состојба. Пукањето се случило за време на еден фудбалски натпревар меѓу два средношколски тима на стадионот Лад-Пиблс. Полицијата разговара со сведоци за да утврди што точно се случило и од каде дошле истрелите. Според американските медиуми, две лица биле уапсени. Пукањето се случило по мечот, а има медиумски информации дека имало и тепачка на трибините.

Најмалку 23 жртви во торнадо во Алабама (ВИДЕО)

Предраг Кукиќ — Mon, 04 Mar 2019 07:51:40 +0000

Најмалку 23 луѓе загинаа во налет на торнадо во американската сојузна држава Алабама. – Засега имаме податоци за загинати 23 лица. За жал мислам дека бројот на жртвите ќе биде поголем, изјави шерифот на округот Ли, Џеј Џоунс. Американската метеоролошка служба го вброи торнадото во категорија ЕФ-3, што значи дека брзината на ветрот достигнала 266 километри на час. Податоците за бројот на жртвите и причинетата материјална штета не се конечни, а спасувачката акција е во тек. Повеќе од 4.000 семејства во Алабама останале без електрична енергија.

Крвав „Црн петок“: Пукање во трговски центар, едно лице убиено

Ивона Петрова — Fri, 23 Nov 2018 16:14:13 +0000

Во пукотници во трговски центар во Алабама пред „Црн петок“ еден тинејџер настрада, а две лица се повредени. Властите наведуваат дека пукотниците се случиле околу 21:30 часот, пренесува АП. Полицијата соопшти дека расправија меѓу двајца тинејџери, вклучително и еден 18 годишник завршила со размена на оган од оружје. Еден тинејџер избегал, но подоцна полицијата го опколила. Кон напаѓачот пукала полицијата која го усмртила на лице место. Вториот тинејџер е хоспитализиран во тешка состојба, а во болница е и 12 годишно девојче но засега нема информации во каква состојба се наоѓа.

Преживеа новороденче родено во 22 недела од бременоста

Дарко Андоновски — Wed, 19 Sep 2018 14:12:02 +0000

Бебе родено во 22-та седмица од бременоста, е отпуштено од интензивна нега во американската сојузна држава Алабама, откако мина 160 дена во болница. Кален Портер тежел само 370 грама непосредно по неговото раѓање во април, четири месеци пред предвидениот термин. Неговите родители Моли и Роберт Портер беа пресреќни гледајќи како медицинската сестра по првпат го вади бебето живо и здраво од собата за интензивна нега, посебно имајќи го предвид тоа што Кален имал само два отсто шанси за преживување. Упорноста ги натера родителите да се јават во 16 болници заради консултации. На крајот, сепак, се чини се случило чудо.