АЛБА Берлин – Kurir.mk

Алба Берлин потпиша со Стерлинг Браун

Бошко Тасиќ — Wed, 16 Aug 2023 04:07:51 +0000

Американскиот кошаркар Стерлинг Браун е новата трансфер „бомба“ во европската кошарка. Бек-шутерот е најново засилување за екипата на Алба од Берлин, а тој во своето портфолио има богато НБА искуство. 28-годишниот Браун потпиша двегодишен договор со германскиот евролигаш и се очекува да биде големо засилување во ротацијата. Тој во својата кариера одигра скоро 300 натпревари во најсилната светска кошарка. Во минатото настапуваше за Милвоки, Хјустон, Далас и Лос Анџелес Лејкерс. Во текот на НБА кариерата, Стерлинг Браун имаше можност да ја дели соблекувалната со Леброн Џејмс, Јанис Адетокумбо и Лука Дончиќ, а неговиот просек изнесува 5,3 поени и 3,3 скокови по натпревар.

Алба Берлин се засилува со поранешен кошаркар на Чикаго Булс

Бошко Тасиќ — Wed, 09 Aug 2023 04:02:33 +0000

Германскиот кошаркарски тим Алба Берлин, официјално објави дека нивен нов играч е поранешниот плејмејкер на Чикаго Булс, Мет Томас, кој доаѓа од редовите на Панатинаикос. 29-годишниот Американец крајот на минатата сезона го доигра во грчкиот гигант и настапи на десет натпревари, на кои просечно бележеше 8,1 поени по натпревар. „Навистина сум среќен што сум дел од семејството на Алба. Ова за мене е голем предизвик и се надевам дека ќе се прикажам во одлично светло. Чув само убави работи за клубот од Берлин, кој има високи стандарди и секогаш работи со максимална професионалност. Едвај чекам да заиграм во новата средина“, изјави Американецот.

АЛБА Берлин доби двегодишна лиценца за настап во Евролигата

Бошко Тасиќ — Mon, 08 Mar 2021 18:04:40 +0000

Германскиот кошаркарски клуб Алба официјално доби двегодишна лиценца за учество во кошаркарската Евролига. Оваа одлука беше донесена по резултатите од виртуелниот состанок на акционерите во Евролигата, одржан денес. Клубот од Берлин ги исполни сите претходни услови во Евролигата и успешно го помина тестот за вајлд-карта. Алба дефинитивно ќе игра во најсилното клупско европско кошаркарско натпреварување во сезоните 2021/22 и 2022/23.