албанска азбука – Kurir.mk

Вторник е неработен ден за Албанците во Македонија

Ивана Ефремовски — Fri, 18 Nov 2022 14:10:18 +0000

Министерството за труд и социјална политика соопштува дека, согласно со Законот за празниците на РМ (Службен весник на РМ бр.21/98 и 18/07), 22 ноември 2022 година (вторник), Денот на Албанската азбука, е неработен ден за граѓаните припадници на албанската заедница во Република Македонија. Министерството за труд и социјална политика на граѓаните припадници на албанската заедница им го честита Денот на Албанската азбука.

Одбележување на Денот на албанската азбука

Ивона Петрова — Fri, 22 Nov 2019 07:39:48 +0000

Министерството за политички систем и односи меѓу заедниците вечер од 19.30 часот во Македонскиот народен театар ќе организира свечена академија по повод Денот на албанската азбука. Со него се одбележува годишнината од Битолскиот конгрес на кој десетици албански научници од 14 до 22 ноември 1908 година се состанале за да ја создадат албанската азбука. Делегатите од Албанија и албанските здруженија и клубови од цел свет на конгресот во Битола донеле одлука за прифаќање на латиницата со некои промени, адаптирајќи 36 букви на албанскиот јазик. Затоа 22 ноември се одбележува како Ден на албанската азбука и е неработен за албанската етничка заедница во земјава. На свечената академија, која е централен од серијата настани што беа организирани деновиве, најавено е присуство на претставници од Владата, Собранието, од политичките партии и дипломатскиот кор. Оваа година првпат ќе биде доделена и државната награда „22 Ноември“ за остварувања во областа на политичкиот, културниот и општествениот живот во државата. Добитници се истражувачот, историчар и хуманист Давид Хосафлoк и просветните работници Кимете Агаи и Аднан Агаи. Наградата ќе им биде врачена во 13 часот во Собранието. Одлуката ја донесе организациски одбор под претседателство на проф. д-р Гзиме Старова. Тројцата добитници се наградени за нивниот придонес во унапредување на меѓучовечкиот соживот и меѓусебното разбирање меѓу припадниците на различните заедници, култури и вери во Република Македонија.

Следниот петок неработен ден за припадниците на албанската заедница

Ивона Петрова — Fri, 15 Nov 2019 10:00:15 +0000

Министерството за труд и социјална политика соопштува дека, согласно со Законот за празниците на РМ (,,Службен весник на РМ,, бр.21/98 и 18/07), 22 ноември 2019 година (петок), Денот на Албанската азбука, е неработен ден за граѓаните припадници на албанската заедница во Република Македонија. Истовремено, Министерството за труд и социјална политика на граѓаните припадници на албанската заедница им го честита Денот на Албанската азбука.

Со повеќе настани во Скопје и Битола ќе се одбележи Денот на албанската азбука

Ивана Ефремовски — Tue, 20 Nov 2018 14:22:47 +0000

Со повеќе настани во Скопје и Битола под мотото „За нас сонцето грее од запад“ кои ќе се крунисаат со концерт на албанскиот виолинист Шкелзен Доли во Скопје заедно со Македонската филхармонија под диригенство на Михаел Мацијашчик од Полска утре и задутре ќе се одбележи Денот на албанската азбука и 110-годишнината од Битолскиот конгрес.

Одбележувањето ќе почне утре во Институтот за духовно и културно наследство на Албанците со доделување на признанија и предавање на тема „Непознатото потекло на химната на албанската азбука“, а ќе заврши со концерот на Доли во четврток во Македонската филхармонија и изложбата на архивски документи „Една нација, едно АБЦ“. -Одбележувањето го симболизира денот кога интелектуалните потенцијали на Албанците од сиот свет се соединија во насока на унифицирање на својата азбука какао историска точка за интелектуалното, културното и етничкото соединување на сите Албанци. Фактот што пред 110 години овој историски настан се случил токму во Битола има тежина за нас Албанците од Македонија како дел од нашиот придонес во изградба на етничкиот и национален ентитет на Албанците, порача вицепремиерот за европски прашања Бујар Османи на денешната прес-конференција. Тој го оцени Албанскиот конгрес како напор на прогресивните и образованите интелектуалци Албанци за да дадат цивилизациски дух на албанското образование, модернизирајќи го преку признавање на латинската азбука како азбука за пишана комуникација. -Денеска 110 години подоцна овој историски настан има влијание и во модерниот политички контекст кога Албанците од сиот регион, но и општо ја покажуваат својата проевропска ориентација. Токму затоа е и годинашното мото „Занас сонцето грее од запад“, нешто што е парафразирано од Наим Фрашери за историската определба на Албанците за цивилизациските вредности на Западот, но исто така ја симболизира и определбата на нашата земја и сите граѓани кон европската иднина и евроатлатнската определба, рече Османи. Тоа, како што кажа, било главната причина Владата и Собранието да му ја доделат организацијата на Секретарјатот за европски прашања на одбележувањето на јубилејот, имајќи во предвид дека СЕП е институцијата која ги проимовира прозападните и проевропски вредности и е кохезивниот фактор на сите етнички заедници во државата. Виолинистот Доли истакна дека му е чест и привилегија што токму нему му е доделено уметничкото одбележување на настанот и додаде дека очекува на, како што рече, „величествената ноќ“ да присустуваат љубители на уметноста и од другите земји каде живеат Албанци. Директорот на Институтот за духовно и културно наследство на Албанците Скендер Асани посочи дека програмата за одбележување на настанот е изработена под покровителство на специјалната Комисија за одбележување на 110 годишнината од изработката на азбуката. -Во програмата се обидовме да ги опфатиме сите етнички албански региони и сметам дека усеавме да изработиме програма која ќе биде достоинствена за да се одбележи 110 годишнината на Битолскиот конгрес и албанската азбука, рече Асани. (МИА)

Следниот четврток е неработен ден

Ивана Ефремовски — Thu, 15 Nov 2018 10:12:35 +0000

Министерството за труд и социјална политика соопштува дека, согласно со Законот за празниците на РМ („Службен весник на РМ“ бр.21/98 и 18/07), 22-ри ноември 2018 година (четврток), е неработен ден за граѓаните припадници на албанската заедница во Република Македонија. Тоа е Денот на Албанската азбука. Истовремено, Министерството за труд и социјална политика на граѓаните припадници на албанската заедница во Република Македонија им го честита Денот на Албанската азбука.

Се воведува државна награда за Денот на албанската азбука

Ивана Ефремовски — Tue, 22 May 2018 15:25:17 +0000

Собранието на Република Македонија во рамки на 46. седница попладнево ги донесе измените и дополнувањата на Законот за државните награди, по скратена постапка, предложени од владејачкото мнозинство, а утврдена е и потребата за носење на Законот за поддршка на млади при купување на музички инструменти. Претходно беа донесени и измените на Изборниот законик, кој предвидува привремено решение за нов состав на Државната изборна комисија и други законски решенија. Со измените на Законот за државните награди се предвидува воведување уште една државна награда за Денот на албанската азбука - 22 ноември. Опозицијата беше против предлогот нагласувајќи дека има и други заедници кои имаат свои значајни денови, како Ромите, Турците... и оти не гледаат зошто измените се носат по скратена постапка. Законот за поддршка на млади при купување на музички инструменти беше поддржан од сите пратенички групи, но главната дебата меѓу пратениците се водеше за тоа кој го предложил овој закон. Опозицската ВМРО-ДПМНЕ тврдеше дека тоа била Владата на поранешниот премиер и поранешен нивни партиски претседател Никола Груевски во март 2016 година, додека пратениците од СДСМ тврдеа дека ова е комплетно нов закон и оти е предложен од актуелната Влада на премиерот Зоран Заев. Претходно беа донесени измените на Законот за животната средина, додека за Законот за заштита на природата и за Дополнетиот предлог закон за измените и дополнувањата на Законот за лекови и медицински средства по расправата не се гласаше поради немање кворум. Пратениците ги изгласаа и измените и дополнувањата на Законот за вработување на инвалидни лица, а во прво читање помина и предлог на закон за изменување на Законот за вработувањето и осигурување во случај на невработеност. Донесени беа и измените и дополнувањата на Изборниот законик со којшто се предвидува избор на привремен шестмесечен состав на Државната изборна комисија. Потпретседателот на Собранието Горан Мисовски, кој ја води седницата во отсуство на претседателот Талат Џафери, кој е во посета на Србија, продолжението на 46. седница ја закажа за утре напладне. (МИА)