Италијански обвинител: Албанската мафија е меѓу најмоќните

Дарко Андоновски — Mon, 03 Dec 2018 06:43:39 +0000

Италијанскиот обвинител Никола Гратери, кој од 2016 година, е одговорен за одделот за борба против мафија во регионот на Калабрија, за тиранската телевизија Ора њуз изјави дека „албанската мафија е во редот на најмоќните“ во светот. – Албанската мафија е постојано растечка во Европа и ќе биде мафија на иднината. Албанската мафија се повеќе и повеќе се шири во Јужна Америка. Во соработка со калабриската мафија, Ндрагета, таа е способна да увезува големи количества кокаин во Европа. Албанската мафија е исто така доста присутна во трговијата со марихуана и тоните прошверцувана марихуана од Албанија ја преплавува Европа. Ние сме многу загрижени, изјави Гратери. Тој, како што вели, е загрижен и во врска со правосудниот систем во Албанија. – Она што го забележуваме е дека за жал судскиот систем во Албанија и борбата на албанската полиција во овој поглед е малку блага. Има многу што треба да се направи во оваа насока. Гледаме систем на многу бавна правда, која не во иста димензија на криминалната активност што постои во Албанија, оценува италијанскиот обвинител. На прашањето дали албанската мафија инвестира во Италија, Гратери вели дека странските мафии кои продаваат дрога во Европа ги инвестираат своите пари и профит од криминалните активности на континентот, а од тоа не е исклучок ни албанската мафија. – Сметаме дека албанската мафија инвестира и купува имот во Европа, вели Гратери. Италијанскиот обвинител додава и дека постојат податоци оти припадниците на Ндрагхете се засолнуваат во Албанија. – Да, постојат припадници на овој мафијашки клан кои се кријат во Албанија. Одат во Албанија за нивните криминални афери и остануваат мирни, бидејќи во Албанија е полесно да се кријат како луѓе кои ги бара полицијата, отколку во Италија, посочи Гратери. Обвинителот Гратери од 1989 година е под заштита на државата и е вклучен во борбата против калабриската мафија.

Тргуваат со луѓе и дрога, фалсификуваат пари, а го имаат и кралот на кокаинот: Албанската мафија главна во британското подземје

Матеја Петровски — Mon, 17 Sep 2018 17:44:56 +0000

Полицијата на западен Мидленд минатата година уапсила 140 албански државјани, од кои 51 лице од нив е обвинето за кривични дела во врска со трговијата со дрога. Како што тврдат британските медиуми, албанските криминалци преземале контрола над трговијата со наркотици ширум Англија. Националната агенција за криминал тврди дека албанските криминални групи воспоставиле влијание во организираниот криминал во Велика Британија и дека имаат значајна контрола над пазарот со трговија со дрога во Велика Британија. Како најголем „крал на кокаинот“ во југоисточна Англија се споменува 31 годишниот Клодјан Цопја, кој е осуден на 17 години затвор поради трговија со дрога. Од страна на Цопја и неговата екстра насилна банда од Елбасан биле увезени дури 150 милиони фунти вреден кокаин во Велика Британија. Од страна на полицијата бил следен еден негов курир кој секоја недела одел во Кент, каде камион со кокаин стигнувал од контејнер. Курирот после тоа дрогата ја носел на организирани криминални групи во Лондон, Нотингем, Лестер и Бирмингем. Меѓу криминалните од Албанија биле и Беким Доми и Шкелким Дарда, во чиј автомобил полицијата пронашла кокаин во вредност од 120.000 фунти. Тие се уапсени во 2016-та година. Криминалците од Албанија, покрај трговијата со дрога, вклучени се и во фалсификување пари и трговија со луѓе.

албанска мафија – Kurir.mk

Италијански обвинител: Албанската мафија е меѓу најмоќните

Тргуваат со луѓе и дрога, фалсификуваат пари, а го имаат и кралот на кокаинот: Албанската мафија главна во британското подземје