албански државјани – Kurir.mk

Британската полиција ги идентификувала и трага по тројца албански државјани за грабежот во домот на фудбалерот Стерлин

Катерина Бојаџиева — Fri, 22 Sep 2023 16:09:52 +0000

Британската полиција ги идентификувала и трага по тројца албански државјани за кои постојат основи на сомнение дека учествувале во грабежот во домот на напаѓачот на англиската фудбалска репрезентација Рахим Стерлин. Освен во овој грабеж, што се случи во почетокот на декември минатата година, тие биле дел од групата кој извршила 33 грабежи во Лондон. - Полицијата претходно го уапси албанскиот државјанин Емилиано Кроси (23), а сега трага по Алфред Исуфи (48), Герард Калаја (22) и Хенри Османи (44). Четворица се сомничат дека учествувале во 33 грабежи, вклучувајќи го и тој во луксузниот дом на фудбалерот, пренесува Топ чанел, повикувајќи се на „Дејли експрес“. Како што пренесоа медиумите вооружените крадци провалиле во куќата на Стерлинг во Лондон, во моменти кога во неа било семејството на фудбалерот, неговата 27-годишна партнерка и двете деца. Со себе однеле часовници во вредност од над 300 илјади евра, како и друг скап накит. Поради овој настан Стерлин го напушти Светското првенство во Катар и се врати во Лондон, за да биде со семејството. Полицискиот инспектор Џемс Ансел изјавил дека се убедени оти тројцата Албанци се уште се на територијата на Обединетото Кралство.

Хрватската полиција уапсила двајца албански државјани со хероин вреден пола милион евра

Тале Кристо — Wed, 11 Jan 2023 21:31:55 +0000

Двајца албански државјани на возраст од 30 и 44 години се уапсени на граничниот премин Карасович на хрватско – црногорската граница, откако во нивниот автомобил биле откриени 11 килограми хероин. – Со дрогата, чија вредност се проценува на над пола милион евра, албанските државјани влегле во Хрватска од Црна Гора. Крајната дестинација на дрогата бил западно европскиот нарко – пазар, јави албанската агенција Балкан веб. Според истиот извор, полициските службеници со помош на куче, дрогата пакувана во 20 пакетчиња ја откриле при контрола на втората гранична линија во автомобил со албански регистарски ознаки. Пред два дена албанските медиуми пренесоа дека италијанската полиција запленила 353 килограми кокаин и уапсила четворица Албанци, кои дрогата ја имале во хотелска соба во регионот на Лигурија.

Евростат: Најмалку 110 илјади албански државјани живеат во Франција и Германија, трипати повеќе од 2015 година

Тале Кристо — Sun, 25 Dec 2022 13:26:11 +0000

Во новиот циклус на имиграција Германија и Франција станаа двете најпосакувани земји на Албанците кои бегаат во Европа, заземајќи го местото на Италија и Грција кои по 90-тите беа двете земји кои примија најголем проток на имигранти. -Евростат ги објави податоците за населението со албанско државјанство кое живее во земјите на Европската унија за 2021 година. Бидејќи недостасуваат податоците за Грција, не може да се каже вкупниот број албански државјани кои живеат во целата Европска унија. Од достапните податоци, Италија е главна земја со 433 илјади Албанци. Според претходните процени, бројот на оние кои живеат во Грција е на исто ниво како во Италија, или дури и поголемо, јавија албанските медиуми. Од податоците на Евростат се констатира дека во последните 5-6 години Германија и Франција бележат најбрз раст на албанското население, додека во Италија трендот е во опаѓање. Во 2021 година, во Германија се регистрирани 77 илјади албански граѓани, или речиси три пати повеќе од 2015 година, пред повторно да започне новиот циклус на имиграција. Во Франција се 33 илјади лица, речиси трипати повеќе во споредба со 2015 година. Во овие две земји заедно веќе живеат најмалку 110.000 регистрирани албански државјани, Германија е трета земја со најголем број албански државјани, по Италија и Грција, додека Франција е четврта. Зад нив е Белгија со околу 7 илјади, Шведска со околу 6 илјади, Швајцарија со речиси 3 илјади. Недостасуваат податоците за Шпанија и за Велика Британија. За сите земји во кои се соопштуваат податоците, албанското население кое живеело во нив на крајот на 2021 година било 570 илјади, но како што се наведува, нема податоци за Грција, која е важна земја по бројот на Албанците кои живеат во оваа земја. Други податоци на Евростат, во однос на дозволите за престој, од 2008 година, кога Евростат ги објавува податоците, до 2021 година, земјите од ЕУ им одобриле престој на вкупно 756 илјади албански граѓани.

Тројца Албанци „паднаа“ во Италија: Полицијата им запленила дрога вредна милион евра

Магдалена Андонова — Sun, 12 Jun 2022 07:32:41 +0000

Италијанската полиција запленила два килограми чист кокаин, исто толку марихуана и 4 килограми амфетамини, чија вредност на пазарот се проценува на милион евра. Во акцијата се уапсени тројца Албанци на возраст од 34 до 42 години, кои живееле во Тревизо, Италија. -Запленетата дрога била откриена во станот на едниот од нив, каде е пронајден и список со имиња, како и мобилни телефони и друг доказен материјал кои ќе се користат во истрагата во откривањето на соработниците, пренесува Ора њуз повикувајќи се италијанската полиција. Се додава дека ангажираноста на италијанските власти посебно е насочена кон идентификација на каналот од каде се набавени амфетамините и кокаинот. (МИА)

Албански државјани осомничени за тешки кражби во Гостивар

Тале Кристо — Wed, 24 Mar 2021 14:19:49 +0000

Гостиварското обвинителство поведе постапка против двајца државјани на Република Албанија, за кои постои основано сомнение дека сториле продолжено кривично дело – Тешка кражба од член 236 став 1 точка 1 во врска со членовите 22 и 45 од Кривичниот законик. Осомничените, како соизвршители, со употреба на штрафцигер, преку подрумските простории, насилно влегле во две куќи во гостиварско, од каде одзеле телевизор, таблет, рачни часовници, накит и други вредни предмети. На 22 март полициски службеници извршиле претрес во напуштена куќа во која престојувале осомничените, кои биле затекнати и лишени од слобода, а биле пронајдени и противправно одземените предмети од кривичните дела. Постапувајќи по поднесениот предлог на јавниот обвинител, судијата на претходна постапка од Основниот суд Гостивар на осомничените им определи мерка притвор во траење од осум дена.

Над 150 Албанци нерегуларно се лекувале во Италија, го оштетиле здравствениот систем за над милион евра

Ивана Ефремовски — Tue, 23 Mar 2021 10:46:30 +0000

Полицијата во Торино, Италија, открила измамничка шема која ја смислиле тројца албански државјани, преку која се украдени над милион евра од здравствениот систем на земјата, пренесе телевиизјата „Топ чанел“. „Весникот Ла Република објавува дека најмалку 150 Албанци, главно со дијагностициран карцином, добиле бесплатна здравствена заштита преку овој механизам. Лицата кои ја измислиле шемата за измама и уште 150 Албанци се под истрага за измама“, додава телевизијата. Според медиумите, многу од нив влегле во Италија со единствена цел да се лекуваат. Од спроведената истрага, се покажало дека три лица ја создале шемата, две албански државјанки кои работеле како културни медијатори во Информативниот центар за здравствена заштита на имигрантите во Торино и синот на едната од нив. Судот им одредил безбедносни мерки, едната е во домашен притвор, а другата со обврска секојдневно да се пријавува во полиција, додека момчето е отпуштено од работа. Тројцата албански државјани го искористиле правилото пропишано со член 35 од консолидираниот акт за имиграција што им овозможува на граѓаните кои не се во добра здравствена состојба да добиваат бесплатна здравствена заштита во случај на економска немоќ. Доколку болниот ги исполнувал критериумите, му се доделува код за идентификација (Stp – странец привремено присутен) и има пристап до третман во јавни здравствени установи. „Благодарение на ова регулатива, двете жени барале од Албанците да дојдат во Италија да се лекуваат, прикажувајќи при тоа лажен датум за влез во земјата а тоа е дека повеќе од три месеци престојуваат нерегуларно. Од нив било барано да ги пријават документите за идентификација како изгубени, за да не бидат откриени од страна на властите за вистинскиот датум за нивниот влез во Италија, пренесува телевизијата. Исто така подготвувале лажни изјави за економската состојба што дозволувала влегување во системот. Синот на една од Албанките, кој бил вработен во Агенцијата за приходи и бил одговорен за спроведување на ревизии на имот на корисниците, ги внесувал во базата на податоци. Оваа шема, според извештаите, функционирала со месеци, додека истрагата била спроведена помеѓу септември 2019 и октомври 2020 година. (МИА)

Приведени пет албански државјани кои илегално ја преминале границата

Магдалена Андонова — Thu, 24 Dec 2020 14:21:07 +0000

На 23.12.2020 од полициски службеници од Полициска станица „Богородица“ биле приведени Т.Л.(46), Ч.Е.(33), П.Е.(36), Ш.Е.(33) и Б.А.(40) сите од Р.Албанија, поради непочитување на чл.9 ст.1 од Закон за гранична контрола. Пријавените на 23.12.2020 во раните утрински часови, на место во близина на с.Ума ја преминале државната граница од Р.Грција во Р.Македонија надвор од граничен премин, а на место викано „Ѓубриште“, по претходен договор со лице од Гевгелија, пријавените Т.Л., Ч.Е. и П.Е. се качиле во патничко возило „опел вектра“, со гевгелиски регистарски ознаки, управувано од К.Ф. од Гевгелија, кој за сума од по 100 евра требало да ги однесе до Граничен премин „Ќафасан“, но при контрола од полициски службеници од Полициска станица „Богородица“, на место викано „Фарма“, во близина на Гевгелија, истите биле затекнати во возилото, додека пак, пријавените Ш.Е. и Б.А. се качиле во патничко возило „ауди“, со бугарски национални ознаки, управувано од З.К. од Гевгелија, кој за сума од по 60 евра требало да ги превезе до Гевгелија. Одделот за прекуграничен криминал, миграции, странци и реадмисија поднесе барање за поведување на постапка против пријавените, а од судијата во Основен Суд во Гевгелија на пријавените им се изречени глоби и санкција „протерување на странец од територијата на Р.Македонија“.

Минатата година над 21.800 албански станале италијански државјани, а за 11 години – над 210 илјади

Тале Кристо — Thu, 29 Oct 2020 12:35:10 +0000

Италијанско државјанство минатата година добиле околу 127.000 странци, меѓу нив 21.841 албански емигранти. Според бројот на добиени италијански државјанства, албанските граѓани се на прво место меѓу странските заедници во Италија, по што следуваат оние од Мароко со 15.496, па од Бразил 10.660. Според последниот официјален извештај на италијанските власти во оваа земја живеат 440.854 албански емигранти, бројка која од година во година се намалува како резултат на зголемениот број на Албанци кои се стекнуваат со право да добијат италијанско државјанство. Официјалната италијанска статистика потвдува дека во изминатите единаесет години повеќе од 210.000 албански државјани добиле италијанско државјанство, што е околу 17 отсто од вкупниот број издадени државјанстава на странци. Прозлегува дека од 100 албански емигранти кои живеат и работат во Италија, 38 добиле италијанско државјанство. Држајанството главно го добиваат врз основа на поминати десет години во Италија со соодветна дозвола, како и врз основа на брак со италијански државјанин(ка).

Приведени албански државјани, поради злоупотреба на туристички престој

Магдалена Андонова — Fri, 16 Oct 2020 10:45:40 +0000

Тројца албански државјани ќе бидат депортирани во матичната земја, откако биле приведени под сомнение дека работеле на гостиварското подрачје, а имале дозволи само за туристички престој. Во изминатиов период тие биле ангажирани за изведување градежни работи во мавровскиот крај. Според СВР Тетово, вчера околу 13 часот и 45 минути, во Маврово, полициски службеници на Одделение за внатрешни работи Гостивар ги привеле Г.Ш.(36), К.Т.(32) и К.Т.(30). Тројцата се државјани на Република Албанија и има сомнение за злоупотреба на туристичкиот престој. По приведувањето албанските државјани задржани се во Полициската станица Гостивар за натамошна постапка. (MИА)

Aлбански државјани со фалсификувани грчки и италијански документи се обиделе да влезат преку охридскиот аеродром

Магдалена Андонова — Tue, 01 Sep 2020 13:21:49 +0000

Петмина државјани на Република Албанија со фалсификувани документи се обиделе да влезат во Република Македонија. Како што соопшти МВР, станува збор за двајца малолетници, 41-годишниот Т.Р., 40-годишниот Б.Г. и 37-годишниот Б.Р. -Регионалниот центар за гранични работи Запад, до Основно јавно обвинителсво Охрид, поднесе кривична пријава против Т.Р.(41), Б.Г.(40), Б.Р.(37)и двајца малолетници, сите од Р.Албанија, поради постоење основи на сомнение дека сториле кривично дело „фалсификување на исправа“, казниво по член 378 став 1 од Кривичниот законик. Вчера во 11.45 часот на Граничен премин Аеродром „Св.Апостол Павле Охрид“ тие се пријавиле за патување со фалсификувани грчки и италијански документи, се вели во полицискиот билтен.