албански државјанин – Kurir.mk

Албанец нападнал полициски службеници на ГП „Блаце“, ќе одговара пред македонскиот закон

Ивана Ефремовски — Sat, 26 Aug 2023 16:34:56 +0000

Основното јавно обвинителство Скопје поведе постапка против 44-годишен државјанин на Република Албанија, осомничен за кривично дело – Напад врз службено лице при вршење работи на безбедноста од член 383 став 2 во врска со став 1 од Кривичниот законик. На 25-ти август, на граничниот премин „Долно Блаце“, осомничениот физички нападнал полициски службеници кои вршеле проверка на патните исправи при влез во државава. Проверката на личните податоци во патната исправа на осомничениот покажала дека по лицето е распишана меѓународна потерница од Интерпол – Грција за сторени кривични дела – “убиство, грабеж и кражби”. При спроведување, тој започнал да дава активен отпор и да се обидува да избега, удирајќи ги двајцата полициски службеници и нанесувајќи им телесни повреди. Двајцата полицајци го совладале и го привеле. Јавниот обвинител до судијата на претходна постапка достави предлог за определување мерка притвор за осомниченото лице, имајќи предвид дека постои опасност тој да се даде во бегство, како и да го повтори делото. Предлогот беше прифатен и со решение на Основниот кривичен суд Скопје на осомничениот му е определен притвор во траење од 8 дена за делото кое се гони во скратена постапка.

Албански државјанин доби забрана од 2 години за влез во Македонија: Со тврд предмет нападнал туѓа сопруга и ја повредил

Магдалена Андонова — Thu, 24 Nov 2022 13:20:32 +0000

На 23.11.2022 година во 11.10 часот во СВР Охрид приведен е У.Ш..(32) од Корча, Република Албанија. Тој, претходно, во куќа во охридското село Лескоец, сопственост на С.В., агресивно се однесувал по што фрлил тврд предмет кон неговата сопруга и ја повредил. По поднесена пријава, од страна на Основниот суд во Охрид изречена му е мерка ,,протерување на странец од земјата“ во траење од две години, по што е споведен до граничниот премин „Ќафасан“.

Приведен албански државјанин, полицијата во неговото возило пронашла 177 парчиња охридска белвица

Магдалена Андонова — Mon, 03 Oct 2022 13:19:47 +0000

Денеска (03.10.2022), по преземени мерки и активности, полициски службеници од Полициската станица за граничен премин и граничен надзор Св.Наум го привеле А.П.(53) од Република Албанија. При контрола во патничко возило „фолксваген туран“, со албански национални ознаки, кое го управувал, биле пронајдени 177 парчиња охридска белвица, кои биле предмет на недозволена трговија од Република Северна Македонија кон Република Албанија. А.П. е приведен во Полициската станица и по целосното документирање на случајот против него ќе биде поднесен соодветен поднесок.

Приведен крадец од Албанија, фатен на дело во Мала Речица

Магдалена Андонова — Sat, 13 Aug 2022 12:47:08 +0000

Денеска (13.08.2022) во 02.50 часот во с.Мала Речица, тетовско, полициски службеници од СВР Тетово го лишиле од слобода А.Г.(32) од Р.Албанија. Тој бил затекнат при извршување на кривично дело „кражба“ од куќа во с.Мала Речица, сопственост на А.Д.(33) од истото село. По целосно документирање на случајот против него ќе биде поднесен соодветен поднесок.

На ГП „Блато“ приведен албански државјанин баран од Интерпол

Тале Кристо — Wed, 27 Jul 2022 10:56:03 +0000

На 26.07.2022 во 22.10 часот на Граничниот премин „Блато“, по извршена пасошка контрола и проверка било констатирано дека К.Ќ.(41) од Република Албанија е во службената евиденција со мерка „апси“ по барање на Интерпол Скопје. Тој бил лишен од слобода и предаден на полициски слижбеници од Полициската станица Дебар за понатамошна постапка.

Уапсен 20-годишен албански државјанин со фалсификувани лични документи

Магдалена Андонова — Mon, 09 May 2022 10:56:22 +0000

На 08.05.2022 во 11.15 часот на Граничен премин Аеродром „Св. Апостол Павле“ - Охрид, полициски службеници од СВР Охрид го лишиле од слобода Ш.А.(20) од Република Албанија, затоа што при проверка било констатирано дека има фалсификувани лични документи. Тој бил предаден на полициски службеници од СВР Охрид за понатамошна постапка.

Уапсен албански државјанин на автопатот кон Табановце, пренесувал мигранти

Магдалена Андонова — Sat, 12 Mar 2022 09:55:22 +0000

На 11.03.2021 околу 21.30 часот во близина на бензиска пумпа и мотел на автопатот кој води од Табановце кон Скопје од полициски службеници од Полициска станица за граничен надзор Сопот лишен е од слобода Б.Е.(35) од Р.Албанија, кој управувал патничко возило „форд мондео“, со скопски регистарски ознаки, поради постоење основи на сомнение дека сторил кривично дело „криумчарење на мигранти“. Имено, околу 21.15 часот на стариот пат за с.Табановце, на исклучок на земјен пат кој води кон напуштени објекти кон с.Речица, од полициски службеници било забележано дека возилото запрело и од него излегле неколку лица мигранти кои се упатиле кон Табановска Река. По извршено пребарување на теренот, околу 23.30 часот пронајдени се 8 лица мигранти, од кои 5 од Пакистан, 2 лица од Мали и 1 лице од Сомалија. Б.Е. е приведен во полициска станица во СВР Куманово, а по документирање на случајот против него ќе биде поднесен соодветен поднесок, а лицата мигранти се пренесени во Транзитен центар Табановце за понатамошна постапка.

Албанец уапсен во Италија со половина тон кокаин

Магдалена Андонова — Thu, 11 Nov 2021 09:56:36 +0000

Албански државјанин е уапсен во Италија откако во камионот што го управувал биле пронајдени 467 килограми кокаин. Според приштинскиот сајт „Репортерс“ се работи за 38-годишен Албанец со иницијали Ц.Е. кој престојува во Фиренца, каде што поседува две градежни фирми.

Arezzo, Italy, reports its largest ever drug seizure: 476 kg of cocaine. The global drug trade is breaking records almost on a daily basis.https://t.co/QNfhYkGljS
— Rupert Stone (@RupertStone83) November 10, 2021

Албанецот бил запрен поради невообичаено цик-цак возење, што предизвикало сомнеж кај полицијата, а во камионот зад поголема количина градежен алат бил пронајден кокаин. Албанецот ќе остане во притвор до прелиминарно рочиште.

Албански државјанин им понудил 400 денари на македонски полицајци да не извршат претрес во неговиот автомобил, а тогаш тие го нашле ОВА!

Магдалена Андонова — Fri, 11 Jun 2021 08:06:38 +0000

Основното јавно обвинителство Прилеп донесе Наредба за спроведување истражна постапка против 40-годишен државјанин на Република Албанија, поради основано сомнение дека ги сторил кривичните дела – Давање поткуп од член 358 став 1 и Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Осомничениот на 10 јуни 2021 година, околу 1:00 часот,на патниот правец Прилеп – Градско, додека управувал со возило бил запрен од сообраќајна контрола и му била побарана документација за товарното моторно возило МАН на кое имало прикачено полуприколка. Подавајќи ја документацијата кон полициските службеници, осомничениот ставил парични средства во износ од 400 денари, за полицајците да не извршат службено дејствие што би морале да го извршат. Откако службените лица ги вратиле парите и го предупредиле дека со тоа дејствие врши кривично дело давање поткуп, осомничениот повторно ги ставил паричните средства во документацијата и ги дал на полицајците за да не извршат преглед на возилото и полуприколката прикачена кон него. При извршен преглед на возилото, службените лица во полуприколката пронашле наркотична дрога – марихуана, во количина од 48,063 кг спакувана во две патни торби со вкупно 49 полиетиленски паковки. Во насока на непречено одвивање на кривичната постапка, надлежен јавен обвинител од Основното јавно обвинителство Прилеп до надлежниот суд достави предлог за определување на мерката притвор за осомничениот. Основниот суд Прилеп го прифати предлогот на обвинителството и на осомниченото лице со Решение му е определен притвор во траење од 30 дена.

Албански државјанин обвинет за употреба на фалсификувана лична карта

Тале Кристо — Fri, 28 May 2021 11:33:18 +0000

Јавен обвинител од Основното јавно обвинителство Скопје до Основниот кривичен суд Скопје достави Обвинителен предлог против едно лице за кривично дело – Фалсификување исправа од член 378 став 3 во врска со став 1 од Кривичниот законик. Како што соопшти Јавното обвинителство, обвинетиот 28-годишен жител на Република Албанија, на 22 мај, на граничниот премин Меѓународен аеродром Скопје, при пасошка контрола на излез од државава, употребил фалсификувана исправа – преправена грчка лична карта на друго име. Оригиналната фотографија била отстранета од оригиналниот образец на документот и била заменета со фотографија на обвинетиот. Иако знаел дека исправата е преправена, обвинетиот, стои во соопштението, ја употребил како оригинална, со што го сторил кривичното дело.