Дознаките на албанските иселеници минатата година 1,1 милијарда евра или 10 отсто од БДП

Тале Кристо — Mon, 30 Jan 2023 17:27:04 +0000

Албанските иселеници редовно им испраќаат пари на своите семејства во Албанија, кои минатата година достигнале 1,1 милијарда евра. Тие сочинуваат 10 отсто од бруто домашниот производ(БДП) или колку што изнесуваат директните странски инвестиции. Италија е главниот извор на емигрантски дознаки во Албанија, земјата од која доаѓаат околу 25 отсто од парите, а потоа следат Велика Британија и Германија, земји каде се 14 отсто од албанските емигранти, но кои заедно носат 375 милиони евра или 33 отсто од вкупниот износ. Четврта земја по вредноста на испратените дознаки е Грција, а по неа се Соединетите американски држави. – Од 1992 година кога почнаа првите имигрантски текови, до крајот на 2022 година во албанската економија влегле 30 милијарди евра. Обезбедиле приходи од 13 до 20 отсто од семејниот буџет. Значи, секое 5 семејство во земјава живее со помош на роднини во емиграција, наведуваат медиумите. Во студијата спроведена од Светска банка и Централна банка на Албанија за периодот 2013-2018 година, произлегува дека едно семејство во просек добивало по 2.000 евра секоја година.

Албанските иселеници за девет месеци дома испратиле 592 милиони евра

Ивана Ефремовски — Thu, 15 Dec 2022 11:15:46 +0000

Продолжува растот на дознаките на иселениците, кои, им ги испратиле на своите роднини во Албанија, во периодот јануари-септември, соопшти Централна банка на Албанија. Според платниот биланс на банката, за девет месеци дознаките изнесуваат 592 милиони евра, што е раст од 10 отсто во однос на истиот период минатата година. Во третиот квартал, иселениците испратиле 216 милиони евра, што е за 8,5 отсто поголем износ во однос на истиот период пред една година. Италија и Грција водат како земји од кои доаѓа најголем прилив на средства, поради големиот број албански граѓани кои живеат и работат во овие земји, а потоа следат Велика Британија, Германија, Швајцарија и САД. Во Албанија, секое четврто семејство добива приходи од свои блиски кои се во странство, што се покажува како единствен извор на егзистенција за огромното мнозинство од нив. Со овој приход живеат над 220 илјади семејства, во отсуство на друг извор. Минатата година дознаките достигнаа вредност од 761 милион евра, што беше највисоко ниво од 2009 година. (МИА)

Албански иселеници – Kurir.mk

Дознаките на албанските иселеници минатата година 1,1 милијарда евра или 10 отсто од БДП

Албанските иселеници за девет месеци дома испратиле 592 милиони евра