Албанските медиуми за постигнатиот договор за влада меѓу СДСМ и ДУИ

Тале Кристо — Tue, 18 Aug 2020 17:25:45 +0000

Тирана,18 август 2020(МИА) – „Постигнат договор за влада во Северна Македонија“ „СДСМ и ДУИ се договорија да формираат влада, Заев премиер“ „Во последните 100 дена од четиригодишниот мандат премиер Албанец“ се само дел од насловите на инфрмациите кои експресно ги пренесоа албанските медиуми. Медиумите кои во континуитет пренесуваат информации за случувањата на македонската политичка сцена, посебно за и околу формирањето на нова владина коалциија, не забораваат да забележат дека главното ветување на лидерот на ДУИ, Али Ахмети пред изборите било премиер Албанец. Се пренесуиваат и делови од обраќањата и одговорите на двајцата лидери од прес-конференцијата.Тука пред се убеденоста на Ахмети „дека оваа коалиција, ова партнерство за уште четири години ќе биде најуспешното“. -Идејата беше за доближување, порака за преземање одговорност од Албанците за заедничка држава. Мора да му признаам на Заев за храброста и ја поздравувам неговата согласност за Албанец премиер во последните 100 дена од оваа Влада. Идејата беше да се доближат граѓаните и заедниците, а не да се раздвојат, е дел од изјавата на Ахмети која ја пренесуваат медиумите во Тирана. Се пренесува и дел од изјавата на лидерот на СДСМ, Зоран Заев, каде потврдува дека е постигнат договор за владина коалиција, во која дел е и ДПА. -Меѓу СДСМ и коалицијата „Можеме“ и ДУИ постигнат е коалициски договор за создавње парламентарно мнозинство, за распределба на одговорности, состав и принципите на новата влада со полн мандат која во следните четири години ќе работи посветено на интересите на граѓаните и на државата. Во владината коалиција влегува и ДПА, вели Заев. Агенцијата Балканвеб покрај другото кинстатира дека тоа ќе биде речиси идентична влада со претходната, со „коалиција на СДСМ-ДУИ заедно со Движењето „Беса“ кое е дел од изборната коалиција со СДСМ, додека другите албански партии и ВМРО ДПМНЕ остануваат во опозиција“. Порталот Албеу по наслов „Историски договор за првпат Албанец премиер“ наведува дека Ахмети постигнал историски договор за „Албанците кои за првпат ќе добијат премиер на македонска влада“

Албански медиуми: Исчезнат државјанин на Албанија пронајден мртов во Скопје

Магдалена Андонова — Thu, 23 Jul 2020 14:03:01 +0000

Албански државјанин, кој пред неколку недели бил пријавен како исчезнат, бил пронајден мртов во Скопје. – Р.К. кој пред неколку недели беше пријавен за исчезнат, е пронајден мртов во Северна Македонија. Неговото безживотно тело е пронајдено закопано во Скопје. Од извршената ДНК анализа и отпечатоци од прстите, е потврден неговиот идентитет, пренесуваат медиумите во Албанија. Албанскиот медиум Балкан веб наведува дека станува збор за Рик Беу (35), жител на Кревиди кај Каваја. (МИА)

Албански медиуми – Kurir.mk

Албанските медиуми за постигнатиот договор за влада меѓу СДСМ и ДУИ

Албански медиуми: Исчезнат државјанин на Албанија пронајден мртов во Скопје