албански мигранти – Kurir.mk

Секој петти албански имигрант кој пристигнал во Велика Британија бара азил како малолетник

Магдалена Андонова — Wed, 09 Nov 2022 15:56:18 +0000

Од над 10 илјади албански имигранти кои годинава нелегално влегле во Велика Британија околудве илјади се малолетни, пишува Дејли Телеграф“. Британскиот министер за имиграција, Роберт Џенрик, за весникот изјавил дека секој петти маж имигрант кој доаѓа од Албанија во земјата, тврди дека е малолетник, со надеж дека на тој начин ќе имаат корист од азилот. Според него децата без придружба имаат помала веројатност да бидат уапсени ако нивното барање за азил биде одбиено. Во написот „Дејли Телеграф“ пишува дека во текот на 2022 година со мали чамци пристигнале над 10 илјади Албанци, од вкупно 40 илјади имигранти кои досега го поминале каналот. – Речиси 20 отсто од мажите од Албанија кои пристигнуваат во прифатниот центар на Western Jet Foil’s Dover тврдат дека се на возраст под 18 години, но бројките се очигледно помали. Ако треба да направиме дополнителни законски измени, тоа ќе го направиме, изјавил Џенрик. Весникот наведува дека владата ги заострила правилата оваа година, дозволувајќи им на службениците да ја проверат и да ја потврдат возраста на мигрантите доколку нивниот изглед или однесување сугерира дека се постари од 18 години. Податоците од Министерството за внатрешни работи покажуваат дека од 1.696 случаи каде што била испитувана возраста на ” малолетните” имигранти за 1.118 од нив, или со други зборови 66 отсто, било потврдени дека се постари од 18 години. – Претставниците на Министерството за внатрешни работи во меѓувреме се во трка со времето за да најдат соодветно сместување и сместување за азил, поради стравувањата дека уште 10.000 мигранти би можеле да го преминат Каналот во следните шест недели пред Нова година, стои во написот. Во Центарот за азил во Менстон, кој прима мигранти од Довер, моментално се сместени 1.200 бегалци, од капацитетот на центарот од 1.600. Минатата недела центарот во Менстон, беше преполн, кога во овој центар имаше 4.100 имигранти. (МИА)

Во Шпанија разбиена мрежа на шверцери на албански мигранти

Ивана Ефремовски — Sat, 08 Oct 2022 13:09:22 +0000

Шпанската полиција денеска соопшти дека разбила голема мрежа на шверцери на албански мигранти, меѓу кои и малолетници, кои патувале кон Велика Британија во опасни услови, со траекти и трговски бродови. Полицијата уапси седум лица, државјани на Албанија, осомничени дека припаѓаат на таа голема криминална организација, во соработка со британската Национална агенција за криминал и шпанската Цивилна гарда. „За двајца од уапсените постои сомневање дека се водачи на групата и тие се уапсени во понеделникот додека се подготвувале да се качат на авион во Мадрид за Албанија“, се наведува во соопштението. Мрежата, чии активности траат од 2014 година, барала од албанските мигранти од 3.000 до 15.000 евра за да ги прошверцуваат на фериботи или товарни бродови меѓу северот на Шпанија и Велика Британија, во „услови опасни по нивниот живот и физичка состојба“, се додава во соопштението. (МИА)

На британскиот брег,во рибарски брод, откриени 69 албански имигранти

Тале Кристо — Thu, 19 Nov 2020 12:36:13 +0000

Британската полиција уапсила 69 албански државјани при обид илегално да влезат на терторија на земјата со рибарски брод, пренесуваат албанските медиуми. Рибарскиот брод отповил од Остенд, Белгија а се закотвил во источнот дел на британскот брег кај Хареич, вчера во утринските часови а во него имало 72 лица. Тројца членови на екипажот, двајца украински и еден летонски државјанин се уапсени под обвинение за обезбедување нелегална имиграција, додека станатите 69 лица, сите албански државјани, биле уапсени под сомнение за кршење на законот за имиграција. – Јасно е дека станува збор за сериозен инцидент и сериозен обид за кршење на границите на Велика Британија. Работејќи со нашите партнери, решени сме да сториме се што можеме за да ги разбиеме криминалните мрежи за шверц на луѓе и да ги спречиме да ги искористуваат мигрантите заради профит,изјавиле од биртанската полиција.