Алберт Бурла – Kurir.mk

Директорот на Фајзер се зарази со коронавирус по втор пат за два месеци

Ивана Ефремовски — Sun, 25 Sep 2022 16:36:46 +0000

Извршниот директор на Фајзер, Алберт Бурла (60) соопшти дека е позитивен на тестот за ковид по вторпат. -Се чувствувам добро и немам никакви симптоми, рече Бурла. Во август Бурла за прв пат имаше коронавирус и почна да го пие лекот против Ковид-19 развиен од неговата компанија „Паксловид“. Тој примил четири дози од вакцината против ковид развиена од Фајзер и германскиот партнер Бионтек. Бурла рече дека сè уште не го примил новиот бивалентен бустер. -Не примив бивалентен бустер, ги следев упатствата на американскиот Центар за контрола и превенција на болести (ЦДЦ) да чекам три месеци, бидејќи претходно имав ковид во средината на август, објасни Бурла. Таканаречените бивалентни дози, развиени од Модерна и тимовите од Фајзер и Бопнтек, се насочени кон подсоевите на Омикрон БА. 5 и БА. 4, кои во моментов претставуваат 84,8 отсто од инфекциите со коронавирус во САД, според најновите податоци. (МИА)

Извршниот директор на Фајзер позитивен на Ковид: Ги прими сите четири дози од оваа вакцина

Магдалена Андонова — Mon, 15 Aug 2022 13:58:35 +0000

Извршниот директор на Фајзер, Алберт Бурла, денеска објави дека е позитивен на Ковид-19 и дека има многу благи симптоми, пренесува Ројтерс. Бурла (60) рече дека започнал со терапија со користење на антиковидовиот лек на компанијата Пакловид и дека во согласност со јавно-здравствените мерки на претпазливост е во изолација. - Уверен сум дека брзо ќе закрепнам - рече Бурла во соопштението. Бурла прими четири дози од вакцината против Ковид развиена од Фајзер и нејзиниот германски партнер. Неколку американски јавни личности беа позитивни на коронавирусот во изминатите неколку месеци, вклучително и американскиот претседател Џо Бајден и неговиот главен медицински советник, д-р Ентони Фаучи, потсетува Ројтерс. Бајден помина повеќе од две недели во изолација во Белата куќа откако во два наврати беше позитивен на тестот за Ковид-19. Пакловид е лек за коронавирус кој се користи за лекување на луѓе со висок ризик, како што се постари пациенти.

Директорот на Фајзер: Светот ќе се врати во нормала за една година, најверојатно ќе треба годишна вакцинација

Ивона Петрова — Mon, 27 Sep 2021 06:52:52 +0000

Директорот на американската фармацевтска компанија Фајзер, Алберт Бурла изјави дека светот за една година ќе се врати во нормала по пандемијата, при тоа најавувајќи годишна вакцинација против Ковид-19. – Мислам дека ќе можеме да се врати на нормалното. Но, тоа не значи дека нема да има нови соеви (на вирусот). И не мислам дека тоа значи оти ќе можеме да живееме нормален живот без редовна вакцинација. Тој вети дека следните денови ќе достави до американскиот регулатор податоци од истражување што Фајзер го спровела за вакцинирање деца на возраст од пет до 11 години.

Се огласи директорот на „Фајзер“, ова е неговата порака во врска со вакцината

Ивона Петрова — Thu, 03 Dec 2020 09:21:59 +0000

Генералниот директор на компанијата „Фајзер“ Алберт Бурла апелираше на владите низ светот да не ги отвораат економиите премногу брзо поради оптимизмот од потенцијални вакцини против Ковид-19. – Имајќи го предвид притисокот за отворање на економиите, владите не треба да направат грешка и веднаш да ги олеснат рестриктивните мерки, истакна Бурла на една онлајн конференција. Според него, „вакцината е само едно средство за контролирање на оваа болест“, додавајќи дека „не е далеку времето кога ќе можеме да се вратиме во нормала, но дефинитивно не е сега“. Тој истакна дека раните фази на националните програми за вакцинација веројатно ќе имаат влијание, бидејќи ќе бидат насочени кон ризичните категории, како што се возрасните луѓе и здравствените работници. Бурла изрази уверување дека до крајот на 2021 година ќе има повеќе дози на вакцини против коронавирусот, отколку што е тоа потребно за борба против пандемијата. – Верувам дека до крајот на 2021 година ќе имаме повеќе дози на вакцини отколку што е потребно. Правиме се што е во наша моќ да ги зголемиме производствените капацитети, но проблем е што тоа треба да го направиме во следните неколку месеци, нагласи директорот на „Фајзер“. Компанијата „Фејзер“ минатиот месец објави дека нејзината вакцина е ефикасна околу 95 отсто. Велика Британија е прва земја во светот која денеска ја одобри употребата на вакцината против Ковид-19, која ја развија „Фајзер“ и германската компанија „БиоНТек“