Селадес доби отказ од Валенсија

Тале Кристо — Tue, 30 Jun 2020 06:40:22 +0000

Алберт Селадес повеќе не е тренер на шпанскиот фудбалски прволигаш Валенсија. Раководството на клубот одлучи да го отпушти тренерот поради слаби резултати. Селадес ги предводеше „лилјаците“ од септември 2019 година. Под водство на Селадес, Валенсија победи само на два од последните 13 натпревари и излезе надвор од зоната која носи учество во европските купови. По 32 кола, екипата е на осмото место во Ла Лига. До крајот на сезоната, Воро ќе биде вршител на должноста тренер. Тој е член на тренерскиот персонал на тимот од 2002 година. Го презеде тимот привремено четири пати, а целосно го предводеше во првата половина на 2017 година.

Селадес и Зидан заедно играа на 41 меч, а вечерва ќе се надмудруваат како тренери

Дарко Андоновски — Sun, 15 Dec 2019 10:04:52 +0000

Алберт Селадес и Зинедин Зидан се големи пријатели, четири сезони беа соиграчи во Реал Мадрид, а вечерва од 21 часот во дербито на шпанската лига помеѓу Валенсија и Реал, ќе се надмудруваат како тренери на спротивставени екипи. Како фудбалери на Реал, Селадес и Зидан играа заедно на терен на 41 меча во периодот од 2001 до 2005 година, заедно ја освоија титулата во Лигата на шампионите во 2002 година. Сега 44-годишниот Селадес е тренер на „лилјаците“, три години постариот Зидан ги води „кралевите“, па интересно ќе биде да се види кој ќе биде поуспешен во нивниот прв меѓусебен дуел како тренер во шпанското првенство. Реал со победа би се искачил на првото место на табелата.

алберт селадес – Kurir.mk

Селадес доби отказ од Валенсија

Селадес и Зидан заедно играа на 41 меч, а вечерва ќе се надмудруваат како тренери