Откриен лек што го забавува развојот на Алцхајмерова болест

Ристе Здравков — Wed, 30 Nov 2022 21:27:32 +0000

После многу неуспешни обиди, дошло до големо откритие на лекувањето на Алцхајмерова болест, најчестата форма на деменција. Научниците откриле лек кој го забавува когнитивниот пад кај пациентите со Алцхајмерова болест, а тоа е експерименталниот лек „Lecanemab“, пренесува „The Guardian“. Неговата ефикасност е сè уште мала, но се дискутира за неговото влијание врз квалитетот на секојдневниот живот. „Lecanemab“ делува во раните фази на болеста и го таргетира бета-амилоидот кој се акумулира во мозокот на луѓето со Алцхајмерова болест. Професорот Џон Харди, еден од водечките светски истражувачи кој стои зад целата оваа идеја, вели дека тоа е историско достигнување и дека е голем оптимист за лекувањето на оваа болест. Професорката Тара Спирс Џонс од Универзитетот во Единбург додава дека резултатите се голема работа бидејќи при истражувањето на лек за оваа болест, научниците долго време имале 100 проценти неуспех. На луѓето со Алцхајмерова болест им се даваат други лекови за да помогнат во управувањето со симптомите, но ниту еден не го менува текот на болеста. „Lecanemab“ е всушност антитело, како антителата кои телото ги произведува кога е нападнатo од вируси или бактерии, кои треба да му сигнализираат на имунолошкиот систем да го исчисти амилоидот од мозокот. Истражувањето опфатило 1.795 доброволци во рана фаза на болеста. Лекот им го давале на секои два дена. Резултатите биле објавени на Конференцијата за клинички испитувања на Алцхајмерова болест во Сан Франциско и во „New England Journal“.

Овие намирници го намалуваат ризикот од Алцхајмер

Ивана Ефремовски — Fri, 17 Jan 2020 10:44:50 +0000

Неодамнешните истражувања покажаа дека одредена исхрана, наречена MIND диета, може да го намали ризикот од овие заболувања. Овие се главните хранливи материи што треба да ги вклучите во вашата исхрана за да имате здрав мозок. Јагодите се овошје број еден што треба да се конзумира. Овие здрави бобинки се богати со флавоноиди кои се многу корисни за нашиот мозок. Значи, додадете боровинки, јагоди и брусница на вашите закуски и вашиот мозок ќе ви се заблагодари подоцна. Зелениот лиснат зеленчук е исто така многу добар за нашиот мозок. Особено спанаќ, кељ, зелена салата за кои се покажа дека ја намалуваат стапката на стареење на мозокот. Наместо преработени грицки и слатки, претпочитате да јадете сирови или печени ореви, кои се богати со витамин Е, кој му помага на вашиот мозок да функционира. Покрај тоа, поради здравите масти, влакна и антиоксиданти, тие помагаат на нашето целокупно здравје. Ако знаете неколку работи за медитеранската диета, тогаш знаете дека маслиновото масло е сојузник број еден за добар и здрав оброк. Лекарите ве советуваат да користите маслиново масло во вашата исхрана, особено екстра девственото маслиново масло, кое делува како заштитник на нашиот мозок против деменција. Мора да јадете риба барем еднаш неделно.

алцхајмер – Kurir.mk

Откриен лек што го забавува развојот на Алцхајмерова болест

Овие намирници го намалуваат ризикот од Алцхајмер