алегри – Kurir.mk

Бенитез, Покетино, Алегри и Фавр во список на новите сопственици на Њукасл

Тале Кристо — Tue, 21 Apr 2020 20:34:21 +0000

Новите сопственици на премиерлигашот Њукасл планираат да најдат нов тренер на тимот. Актуелниот тренер Стив Брус ќе има можност да го докаже своето ниво, но новите сопственици очекуваат следната сезона да привлечат стручњак за повисоко ниво. Тие работат на четири кандидати: Маурисио Покетино, Масимилијано Алегри, Рафаел Бенитез и Лусиен Фавр. Новото раководство на клубот смета дека тие можат да направат понуда и да достават проект за привлекување на потенцијалниот кандидат за тренерската функција, како што направи Евертон со Карло Анчелоти. Главната цел е Покетино.

Алегри може да го предводи Њукасл по пристигнувањето на нови инвеститори

Тале Кристо — Wed, 15 Apr 2020 18:58:17 +0000

Поранешниот тренер на Јувентус и Милан, Масимилијано Алегри може да го предводи Њукасл. Според „Сан“ 53-годишниот Италијанец ќе стане дел од новиот проект на клубот, кој наскоро ќе го откупат нови инвеститори. За Алегри се заинтересирани и Манчестер јунајтед, Арсенал, Реал Мадрид, Баерн Минхен и ПСЖ. Во тековната сезона, Њукасл по 29 натпревари го зазема 13. место во Премиер лигата, со 35 бода.

Алегри: Реал е голем клуб со и без Роналдо

Ристе Здравков — Sun, 05 Aug 2018 13:05:24 +0000

Тренерот на Јувентус, Масимилијано Алегри, истакна дека е привилегиран што ќе може да работи со Кристијано Роналдо, за кого вели дека покрај Лионел Меси, е еден од најдобрите фудбалери во светот. На Интернационалниот куп на шампиони во САД, Реал го совлада Јувентус со 3:1, а Роналдо поради продолжениот одмор не играше против неговиот доскорешен клуб.

- Реал е голем клуб. Без разлика дали го имаат Роналдо или не, секогаш ќе бидат конкурентни, оцени Алегри.

Португалскиот фудбалер премина од Реал Мадрид во Јувентус во најголемиот трансфер ова лето вреден 105 милиони евра.

- Задоволни сме што ќе го имаме Роналдо, особено заради искуствата кои ги има на меѓународните натпревари. Ќе ми биде задоволство да го тренирам, бидејќи покрај Лионел Меси е еден од најдобрите фудбалери во светот. Привилегиран сум што го имам во тимот, истакна тренерот на Јувентус.

По доаѓањето на Роналдо во Торино се зголемија очекувањата за успеси особено во Лигата на шампионите, а според Алегри неговиот тим оваа сезона е конкурентен.