алек болдвин – Kurir.mk

Нови детали: Алек Болдвин сепак може да биде обвинет за убиство

Ивона Петрова — Fri, 18 Aug 2023 11:26:08 +0000

Во новиот форензички извештај се наведува дека актерот Алек Болдвин сепак би можел да биде обвинет за убиство на сетот на „Раст“. Новиот извештај вели дека Болдвин го повлекол чкрапалото на револверот што ја уби кинематограферот Халина Хачинс во 2021 година, што е спротивно на тврдењата на актерот. Инаку, обвиненијата за убиство од небрежност беа отфрлени во април, бидејќи обвинителите го истражуваа неговото тврдење дека куршумот од револверот што го држел Болдвин за време на пробата излетал без тој да го повлече чкрапалото, убивајќи ја Хачинс и ранувајќи го режисерот Џоел Соуза. -Иако Алек Болдвин негира дека го повлекол чкрапалото, имајќи ги предвид тестовите, наодите и набљудувањата пријавени овде, чкрапалото мора да е повлечено или притиснато доволно за да го ослободи куршумот на доказниот револвер“, изјавија експертите за огнено оружје Лусиен Хаг и Мајк Хаг. Во отфрлањето на обвиненијата на Болдвин, обвинителите Кари Морисеј и Џејсон Луис рекоа дека можеби ќе ја преиспитаат одлуката по дополнителна анализа на пиштолот.

ФОТО: Мажот на Халина Хачинс фатен со нова девојка, 18 месеци откако таа беше застрелана од Алек Болдвин

Ивона Петрова — Thu, 27 Apr 2023 09:29:37 +0000

Осумнаесет месеци откако неговата сопруга Халина Хачинс (42) почина на снимањето на „Р'ѓа“ откако случајно беше застрелана од Алек Болдвин, вдовецот Метју Хачинс (38) е виден со друга жена. Како што ексклузивно објави The New York Post, продуцентот е фотографиран во интимен момент во Лос Анџелес со новата девојка. Тој сè уште го носел својот венчален прстен додека се прегрнувал и бакнувал со жената. Извори за The Post истакнаа дека новата љубов на Метју се вика Кејти Флин, а според нејзиниот профил на LinkedIn, таа е координатор за видео продукција на опсерваторијата Грифит, која дипломирала на Универзитетот Централ Мичиген во 2015 година по метеорологија. Метју и Флин се видени расположени додека шетале наоколу, често бакнувајќи се и гушкајќи се. Веста за новата врска на Метју доаѓа неколку дена откако беа отфрлени кривичните обвиненија против Болдвин за случајно убиство на снимањето и продукцијата започна да го заокружува вестернот на новиот филмски сет на Монтана.

ФОТО: Први фотографии од сетот, продолжи снимањето на филмот со Алек Болдвин

Ивона Петрова — Sun, 23 Apr 2023 19:48:50 +0000

Снимањето на филмот „Р’ѓа“ во кој глуми Алек Болдвин продолжи и покрај трагедијата што се случи на сетот. Имено, во октомври 2021 година Болдвин ја уби својата колешка, кинематограферката Халина Хачинс, за време на снимањето на споменатиот филм. Во тек беше пробна сцена од филмот, кога главниот актер во филмот пукаше од пиштол за кој се веруваше дека е реквизит и дека не содржел вистински куршуми. Меѓутоа, се утврди дека станува збор за вистински пиштол, а куршумот ја погоди и усмрти Халина Хачинс. Во таа прилика повреден беше и режисерот Џоел Соуза. Сега се појавија првите фотографии од снимањето на „Р’ѓа“ кое продолжи во четвртокот. Пред неколку дена Алек Болдвин беше ослободен од сите обвиненија. Снимањето продолжило во Монтана.

Алек Болдвин се огласи откако беше ослободен од обвинението за убиство

Ивона Петрова — Fri, 21 Apr 2023 17:02:30 +0000

Алек Болдвин се огласи откако беше ослободен од обвинението за убиството на кинематограферот Халина Хачинс во октомври 2021 година на сетот на филмот „Р’ѓа“. Болдвин на социјалните мрежи сподели фотографија на која позира со сопругата. -Се што имам ѝ должам на оваа жена, напиша тој во објавата и се заблагодари на својата сопруга.

Голем пресврт: Отфрлени сите обвиненија против Алек Болдвин

Ристе Здравков — Fri, 21 Apr 2023 12:22:14 +0000

Обвиненијата против холивудскиот актер Алек Болдвин поврзани со смртта на директорката на фотографија Халина Хачинс на снимањето на неговиот вестерн „Rust“ во Ново Мексико се отфрлени, соопштија неговите адвокати во четвртокот. „Задоволни сме од одлуката да се отфрли случајот против Алек Болдвин и го поддржуваме отворањето на соодветна истрага за фактите и околностите на оваа трагична несреќа“, се наведува во заедничката изјава на адвокатите на Болдвин, Лук Никас и Алекс Спиро. Портпаролите на окружната обвинителка на Ново Мексико, Мери Кармак-Алтвис, која го покрена случајот против Болдвин, одби да коментира. Хачинс (42) беше застрелана и убиена на 21 октомври 2021 година во текот на сниањето на филмот на ранчот Бонанца Крик. Болдвин ја уби директорката на фотографија Халина Хачинс и го рани режисерот Џоел Соуза со реквизит пиштол, по грешка наполнет со вистински куршуми. Несреќата предизвика шок во Холивуд и резултираше со јавен повик за целосна забрана за употреба на вистинско оружје на снимање. Експертите од филмската индустрија тврдат дека строги безбедносни правила постоеле и порано, но дека тие често се игнорираат.

Продолжува снимањето на филмот „Rust“ на Алек Болдвин, муницијата ќе биде забранета

Ивона Петрова — Wed, 19 Apr 2023 13:29:50 +0000

Снимањето на „Rust“, со Алек Болдвин во главната улога, продолжи вчера 18 месеци откако кинематограферката Халина Хачинс беше убиена на снимањето на вестернот, објавија продуцентите во вторникот. Снимањето ќе се одвива на Yellowstone Film Ranch во Монтана. Пред несреќата, снимањето беше на ранчот Бонанца Крик во близина на Санта Фе, Ново Мексико. Хачинс (42) им подлегна на повредите во октомври 2021 година, откако беше застрелана од огнено оружје што го држеше Болдвин, продуцентот на филмот и главната ѕвезда. Актерот, кој ја усмрти Халина и го рани режисерот Џоел Соуза, рече дека му било кажано да употреби пиштол Колт- 45 кој нема вистински куршуми. Тој беше обвинет за убиство од небрежност и се изјасни за невин. Под истото обвинение е и Хана Гутиерез-Рид, одговорната за оружјето на сетот. Доколку бидат прогласени за виновни, им се заканува затворска казна до 18 месеци и парична казна од 5.000 долари. Почетокот на прелиминарното рочиште е закажано за мај. Метју Хачинс, сопругот на убиената Халина, сега ќе биде извршен продуцент на „Rust“ , а Бјанка Клајн ќе ја преземе кинематографијата. Во продукцијата се враќа и режисерот Џоел Соуза, кој беше ранет во пукањето. Продуцентите ги ангажираа Гери Џенсен и Пол Џордан, кои ќе бидат задолжени за безбедноста на сетот. Несреќата предизвика шок во Холивуд и резултираше со јавен повик за целосна забрана за употреба на вистинско оружје на снимање.

Алек Болдвин се изјасни невин за убиство од небрежност

Ивона Петрова — Fri, 24 Feb 2023 08:31:08 +0000

Алек Болдвин се изјасни невин по обвиненијата за убиство од небрежност на снимањето на филмот „'Рѓа“ (Rust) во американската сојузна држава Ново Мексико. Обвинителите во Ново Мексико се откажаа од намерите да бараат петгодишна затворска казна за недозволено ракување со огнено оружје, за глумецот, во врска со смртта на Халина Хачинс на снимањето на филмот. Се очекува Болдвин утре да се појави првпат пред Судот, објави „Њујорк тајмс“. Сега е покренат обвинителен акт само за убиство од небрежност, коешто важи за поблаго кривично дело бидејќи Болдвин може да добие казна затвор до 18 месеци, доколку биде прогласен за виновен. Болдвин, инаку, е осомничен за убиство на кинематограферката Халина Хачинс, додека режисерот Џоел Соуза бeшe ранет.

Сменето обвинението за Алек Болдвин

Ивона Петрова — Tue, 21 Feb 2023 07:47:23 +0000

Обвинителството во Ново Мексико (САД) се откажа од барањето петгодишна затворска казна поради обвинението за недозволено ракување со огнено оружје за глумецот Алек Болдвин во врска со убиството на снимателката Халина Хачинс на снимањето на „'Рѓа“. - Обвинителите направија фундаментална правна грешка, изјави Лук Никас, еден од адвокатите на Болдвин. Тимот на американскиот глумец тврди дека обвинението за недозволено ракување со оружје во случајот е неуставно, бидејќи ја прекршува одредбата од Уставот на САД којашто забранува ретроактивно менување на законските казни за некое обвинение. Обвинителите потоа одлучија наместо за недозволено носење оружје, да покренат обвинителен акт само за убиство од небрежност, за коешто Болдвин може да добие казна затвор до 18 месеци, доколку биде прогласен за виновен, пренесува лондонски „Гардијан“. Окружното обвинителство во Санта Фе соопшти дека одлуката за отфрлање на обвинението за кривично дело е донесена, наводно, за да се избегне подолг правен спор со адвокатскиот тим на Болдвин. „Приоритет на обвинителството е да ја задоволи правдата, а не да им дава можност за хонорари на скапите адвокати од големите градови врз основа на наплатливите часови ангажман“, соопштуваат од обвинителството.

Алек Болдвин се терети за убиство од небрежност – покренато обвинение

Ивана Ефремовски — Tue, 31 Jan 2023 10:27:28 +0000

Обвинителството на Првиот судски округ на американската сојузна држава Ново Мексико денеска официјално ќе поднесе кривична пријава за убиство од небрежност против холивудскиот глумец Алек Болдвин, за пукањето на снимањето на филмот „’Рѓа“, во кое беше убиена снимателката Халина Хачинс. И лицето Хана Гутјерез – задолжена за оружјето на снимањето, официјално ќе биде обвинета за убиство од небрежност. Во првата тужба, од семејството на Хачинс, поднесена минатиот февруари во градот Санта Фе, против Болдвин, продуцентската куќа, продуцентите и други клучни членови на екипата, се наведуваат бројни прекршувања на стандардите на филмската индустрија. Гутјерез во истрагата изјави дека го проверила пиштолот и дека смета оти бил празен пред фаталниот инцидент. Семејството на Хачинс и Алек Болдвин минатава година постигнаа спогодба во тужбата против Болдвин. За време на снимањето, Хачинс беше убиена, а режисерот Џоел Соуза беше ранет, кога пиштол користен од Болдвин при филмскаа проба во октомври 2021 година испука вистински куршум. Истрагата за убиството траеше повеќе од една година. (МИА)

ПО ТРАГЕДИЈАТА: Снимањето продолжува – Болдвин ја има главната улога, а сопругот на убиената останува продуцент

Ивана Ефремовски — Thu, 26 Jan 2023 09:10:03 +0000

Снимањето на вестерн филмот „Раст“ ќе продолжи со Алек Болдвин (64) во главната улога, изјави адвокатот на продукцијата, неколку дена откако обвинителите соопштија дека ќе го обвинат актерот за фаталното пукање во кое беше убиен снимателката Халина Хачинс. -Болдвин ќе продолжи да го глуми Харланд, а Џоел Соуз ќе се врати да го режира „Раст“ откако беше ранет во пукање во октомври 2021 година, рече Мелина Спадоне, адвокатка на продукцијата на филмот. Сопругот на починатиот кинематограф, Мет Хачинс, останува извршен продуцент. Филмот ќе биде готов, рече Спадоне во соопштението за медиумите. Хачинс беше убиена на филмски сет во близина на Санта Фе, Ново Мексико кога пиштолот што го држеше Болдвин испука куршум. Болдвин постигна договор со семејството Хачинс во октомври, според кој Хачинс ќе ја преземе функцијата продуцент, а снимањето продолжува овој месец. Актерот ја негира одговорноста за пукањето. Тој рече дека никогаш не треба да се дозволуваат живи куршуми на филмски сет и дека ракувачите со пиштоли се одговорни за огнено оружје. Сега, истрагата на шерифот во Санта Фе мора да открие како вистинските куршуми завршиле на филмскиот сет. Правните аналитичари велат дека обвинителите ќе се соочат со тешка битка против Болдвин без доказ дека знаел дека има живи куршуми и дека не презел никакви мерки на претпазливост.