Алекс де Минаур – Kurir.mk

Синер го освои првиот Мастерс во кариерата

Бошко Тасиќ — Mon, 14 Aug 2023 04:12:12 +0000

Италијанскиот тенисер Јаник Синер ја освои првата Мастерс титула во кариерата, откако во финалето на турнирот во Торонто го совлада Австралиецот Алекс Де Минор со 6-4, 6-1. Откако загуби две Мастерс финалиња, Синер победи во третото, освојувајќи ја и осмата титула во кариерата. Де Минор веќе го загуби својот сервис во првиот свој сервис гем, но брзо успеа да возврати. Италијанецот повторно успеа да му го одземе сервисот, па пак Де Минор се извлече на ист начин за 4-3. Сепак, тогаш Синер ја подигна својата игра на повисоко ниво и ја презеде контролата врз мечот. Со 6-4 го доби првиот сет и стекна значајна психолошка предност пред продолжувањето на мечит. Во вториот сет Синер ја продолжи одличната игра, освои дури пет врзани гејма, што му овозможи да дојде до недостижна предност. На крајот со убедливи 6-1, Синер го заврши вториот сет и го освои овој престижен турнир. Турнирот во Торонто се играше за награден фонд од 6,6 милиони долари.

Де Минаур го крена трофејот во Акапулко

Бошко Тасиќ — Sun, 05 Mar 2023 08:47:31 +0000

Австралиецот Алекс де Минаур се врати од сет негатива за 3:6/6:4/6:1 победа над Американецот Томи Пол за да триумфира на Мексико опен во Акапулко, негова седма АТП титула во кариерата. 24-годишниот Де Минаур претходно се врати од сет негатива и во полуфиналето против Данецот Холгр Руне, за првпат во својата кариера да освои АТП 500 турнир. „Чувството е фантастично. Знаев дека со напорна работа можам до резултати. Тешко е да останеш непоразен цела недела и ова ми дава голема самодоверба за турнирите во Индијан Велс и Мајами“, вели Австралиецот.

Минаур: Не сум под истрага, примив две вакцини

Ивана Ефремовски — Thu, 17 Feb 2022 21:34:24 +0000

Австралискиот тенисер Алекс де Минаур вечерва експресно ги отфрли обвинувањата дека купил лажна потврда за вакцинацијата против коронавирусот. Минаур, 32-рангираниот светски тенисер, рече дека „невино е обвинет, бидејќи е вакциниран со две дози“. Светските агенции, претходно денеска повикувајќи се на извори во шпанската полиција која ја води истрагата, јавија дека 23-годишниот австралиски тенисер купил лажна потврда како доказ дека примил двојна доза вакцина против коронавирусот и со таа настапил минатиот месец на Австралија опен. -Првата доза од вакцината ја примив во Лондон минатото лето, а втората во болницата „Ла Паз“ во Мадрид, напиша вечерва Минаур на својот Твитер профил. Шпанската полиција оваа недела ја заврши втората фаза од истрагата почната во јануари против локален огранок на криминалната организација, која нудела лажни здравствени сертификати и ПЦР тестови преку апликација за размена на пораки.

АФЕРА: Познат тенисер со лажен ковид сертификат учествувал на Австралија опен

Ивана Ефремовски — Thu, 17 Feb 2022 19:04:07 +0000

Австралискиот тенисер Алекс де Минаур, рангиран на 32 место на АТП листата, е меѓу лицата вклучени во аферата со лажни Ковид потврди, јавија денеска светските агенции, повикувајќи се на извори во шпанската полиција. Во скандалот се вмешани и други спортисти и јавни личности. Минаур, кој денеска го слави својот 23-ти роденден, минатиот месец настапи на Австралија опен, каде вакцинирањето беше задолжително за сите учесници, поради што најдобриот светски тенисер Новак Ѓоковиќ беше исклучен од турнирот и депортиран од земјата. Шпанската полиција оваа недела ја заврши втората фаза од истрагата почната во јануари против локален огранок на криминалната организација, која нудела лажни здравствени сертификати и ПЦР тестови преку апликација за размена на пораки. Истрагата потврди дека челните луѓе на организацијата биле во Франција. Вкупно 11 лица се уапсени поради „фалсификување или користење фалсификати“, а околу 2.200 лица купиле фалсификувани потврди. Плаќањата биле вршени во криптовалути на сметки во трети земји. Лажен ПЦР тест чинел 50 евра, лажна Ковид потврда 200 евра, додека 1.000 евра било наплатувано за лажни потврди за вакцинирање.