алекс фергусон – Kurir.mk

Гвардиола го надмина Фергусон по победи во натпреварите од ЛШ

Тале Кристо — Thu, 05 Oct 2023 06:23:17 +0000

Тренерот на Манчестер сити, Пеп Гвардиола го надмина легендарниот Алекс Фергусон по бројот на победи во натпреварите од Лигата на шампионите. Синоќа Манчестер сити го совлада Лајпциг (3:1) во натпреварот од 2. коло од групната фаза на Лигата на шампионите. По овој меч, Пеп Гвардиола, кој претходно работеше со Барселона и Баерн, стигна до 103 победи во натпреварите од Лигата на шампионите, надминувајќи го Алекс Фергусон (102 победи на 190 натпревари). На Гвардиола му беа потребни 161 натпревар за да ја достигне оваа граница. Лидер по бројот на победи во Лигата на шампионите е тренерот на Реал Мадрид, Карло Анчелоти - 109 (на 193 натпревари). Во топ 5 се и Арсен Венгер (82 на 178 меча) и Жозе Мурињо (77 на 145 меча).

Фергусон му додели награда на Гвардиола: Ова боли… (ВИДЕО)

Ристе Здравков — Wed, 31 May 2023 13:05:34 +0000

Манчестер сити оваа сезона заслужено ја освои титулата во Премиерлигата, а наградата за најдобар тренер му припадна на Пеп Гвардиола. Наградата на Гвардиола му ја додели поранешниот тренер на Манчестер јунајтед, Сер Алекс Фергусон. „Манчестер сити и Пеп Гвардиола. Ова навистина боли, но е заслужено. Тој создаде моќен тим, кој освои три титули по ред. Сакам да им честитам на сите кои беа номинирани, но Пеп беше најдобар“, кажа Фергусон.

"It's sore isn't it!" 🥲

Sir Alex Ferguson presenting the LMA Manager of the Year award to Pep Guardiola...pic.twitter.com/jpPq4eaxcV
— Sky Sports Premier League (@SkySportsPL) May 31, 2023

Тен Хаг: Фергусон е репер за сите врвни менаџери

Тале Кристо — Thu, 30 Mar 2023 08:01:40 +0000

Тренерот на Манчестер јунајтед, Ерик тен Хаг даде свое видување за вклучувањето на Алекс Фергусон во Куќата на славните во Премиер лигата. - Тој е репер за сите врвни менаџери во фудбалот. Како создаде и формираше тим, како тренираше и управуваше со него. Ја освои Премиер лигата 13 пати. Никој друг никогаш повеќе нема да може да го направи тоа, толку одлична изведба. А потоа и сите други пехари што ги освои. Стигна до многу трофеи на офанзивен начин. Тој го имаше вистинското чувство кога станува збор за обнова на нов тим, ажурирање, бидејќи тоа го правеше цели две децении, изјави Тен Хаг. Фергусон 13 пати го водеше Манчестер јунајтед до победа во англискиот шампионат. Осумдесет и едногодишниот фудбалски стручњак е најуспешниот менаџер во историјата на Премиер лигата. Фергусон и Арсен Венгер станаа првите менаџери примени во Куќата на славните во Премиер лигата. Куќата на славните во Премиер лигата е основана во 2021 година.

Фергусон и Венгер во Куќата на славни на Премиер лигата

Ивона Петрова — Wed, 29 Mar 2023 14:33:23 +0000

Легендарните фудбалски стратези Алекс Фергусон и Арсен Венгер се примени денеска во Куќата на славни на Премиер лигата со што станаа први тренери со такво признание. Сер Алекс Фергусон е најуспешниот тренер во историјата на Премиер лигата предводејќи го Манчестер јунајтед од 1986 до 2013 година и во тој период на клубот од „Олд Трафорд“ му донесе 13 шампионски титули. На 810 натпревари колку што Фергусон го предводеше Манчестер јунајтед во Премиер лигата забележа 528 победи што е апсолутен рекорд на лигата. „Навистина сум пресреќен поради ова признание, кое не е само мое. Зад сето тоа стојат целиот клуб, тогашното клупско раководство, моите помошници во стручниот штаб и, секако, играчите“, изјави 81-годишниот Фергусон по повод признанието. Французинот Арсен Венгер (73) седеше на клупата на Арсенал 22 сезони во континуитет од 1996 до 2018 година, што е тренерски рекорд во Премиер лигата. Венгер со 828 натпревари на клупата на лондонскиот клуб, исто така, го држи рекордот на лигата во која забележа 476 победи. Освои три шампионски титули со Арсенал од кои особен ќе остане запаметена титулата во сезоната 2003/04 која клубот ја освои без пораз. „Им благодарам на сите за ова огромно признание. Би сакал да останам запаметен како тренер и човек кој исклучително многу го сакаше Арсенал, личност која ги почитуваше вредностите на клубот, но, истовремено, и го остави во позицијата од која може да напредува и да биде сè подобар“, рече Венгер по повод приемот во Куќатa на славни на англискиот клупски фудбал.

Фергусон: Тен Хаг е на вистинскиот пат

Ивона Петрова — Tue, 28 Feb 2023 09:16:19 +0000

Легендарниот менаџер на Манчестер јунајтед, Алекс Фергусон ја пофали работата на Ерик тен Хаг во клубот од „Олд Трафорд“. Тен Хаг го освои својот прв трофеј со Јунајтед, победувајќи го Њукасл со 2:0 во финалето од англискиот Лига куп. -Ерик е на вистинскиот пат. Неговиот избор на засилувања беше навистина добар. Мислам дека ова одигра клучна улога, го цитира Фергусон „Манчестер ивнинг њуз“. На 24 натпревари во Премиер лигата, Манчестер јунајтед освои 49 бодови и се најде на третото место во поредокот.

Анчелоти го израмни рекордот на Фергусон во Лигата на шампионите

Тале Кристо — Wed, 02 Nov 2022 20:14:18 +0000

Тренерот на Реал Мадрид, Карло Анчелоти го повтори рекордот во Лигата на шампионите на поранешниот менаџер на Манчестер јунајтед, Алекс Фергусон. Италијанецот има 102 победи, откако „кралевите“ вечерва го совладаа Селтик со 5:1. Реал Мадрид заврши на првото место во групата Ф во Лигата на шампионите со 13 бода од 6 натпревари и се пласираше во нокаут фазата на турнирот. Убедлив триумф на гостувањето кај Шахтјор забележа и Лајпциг (4:0) и тоа е вторито тим кој оди во плејофот од оваа група. Шахтјор ќе продолжи во плејофот на Лига Европа додека Селтик ги заврши евронастапите оваа сезона.

Фергусон им врачи јубилејни награди на Роналдо и Де Геа

Ивона Петрова — Sun, 16 Oct 2022 15:18:56 +0000

Легендарниот тренер на Манчестер јунајтед, Алекс Фергусон им врачи награди на Давид Де Геа и Кристијано Роналдо пред денешниот натпревар со Њукасл од 11. коло во Премиер лигата. Пред мечот на „Олд Трафорд“ шпанскиот голман и португалскиот напаѓач добија пригодни подароци од Фергусон. Натпреварот против Њукасл беше 500-ти за голманот за Манчестер јунајтед, а Роналдо неодамна го постигна својот 700-ти гол на клупско ниво. Средбата Манчестер јунајтед – Њукасл заврши без победник 0:0.

Анчелоти го израмни рекордот на Фергусон во Лигата на шампионите

Тале Кристо — Thu, 06 Oct 2022 09:11:32 +0000

Реал го победи Шахтјор со 2:1 синоќа во натпреварот од третото коло од групната фаза на Лигата на шампионите. За главниот тренер на мадриѓаните Карло Анчелоти ова е 102. победа во елитото фудбалско натпреварување. Во оваа статистичка категорија , Италијанецот се израмни со поранешниот тренер на Манчестер јунајтед, Алекс Фергусон. Анчелоти постигна 102 победи на 182 натпревари. На Фергусон му беа потребни 190 натпревари за да го направи ова. Реал Мадрид минатата сезона ја освои Лигата на шампионите.

ЕСПН: Мурињо е најдобриот тренер Јунајтед во ерата по Фергусон

Ивона Петрова — Tue, 23 Nov 2021 07:48:52 +0000

Португалскиот фудбалски стручњак, Жозе Мурињо, кој сега на чело на Рома, од „ЕСПН’ е избран за најдобар тренер на Манчестер јунајтед по пензионирањето на Алекс Фергусон. Мурињо, кој работеше во тимот од мај 2016 до декември 2018 година, беше опишан како „најуспешниот тренер во ерата по Ферги, барем освојувајќи трофеи, иако не и највредните“. Второто место го зазема Оле Гунар Солскјаер кој го замени токму Мурињо. „ESPN“ го опиша настапот на Норвежанецот од декември 2018 до ноември 2021 година на следниов начин: „Нема сомнеж дека Солскјер го напушта Јунајтед во многу подобра форма отколку што ја наследи. Барем тој врати дел од престижот на клубот кој исчезна под неговите претходници“. Третото место му припадна на Луиј ван Гал, сега селектор на репрезентацијата на Холандија. Работеше во тимот од јули 2014 до мај 2016 година. На последното место се најде Дејвид Мојс, кој сега е тренер на Вест Хем. Помина помалку од една година во Манчестер Јунајтед – од јули 2013 до април 2014 година. Манчестер јунајтед е во потрага по нов тренер, откако викендот го отпушти Солскјер поради слаби резултати.

На денешен ден Фергусон го презема Манчестер Јунајтед

Ристе Здравков — Sat, 06 Nov 2021 13:16:41 +0000

Како најава за она што следува за околу половина час, во Манчестер нотираа дека на денешен ден пред точно 35. години, на 6 ноември 1986 година Алекс Фергусон го презема Манчестер Јунајтед. На 45. годишна возраст во тој момент, Фергусон го презема во моментот со резултатски проблеми Јунајтед и го претвори во еден од најуспешните клубови и фудбалски династии во историјата. Со Јунајтед освои 13 титули.