Алекс Ринс – Kurir.mk

Тешка повреда на Алекс Ринс на патеката Муџело

Бошко Тасиќ — Sun, 11 Jun 2023 05:17:38 +0000

Шпанскиот мотоциклист Алекс Ринс се здоби со тешка повреда на спринт трката во пресрет на Големата награда на Италија. Возачот на Репсол Хонда, Алекс Ринс мораше да биде префрлен со хеликоптер во болница во Фиренца, а се здоби со скршеница на тибијата и фибулата на десната нога, потврди лекарската комисија на шампионатот. Ринс падна во осмиот свиок на патеката Муџело за време на четвртиот круг и по прегледот кој му беше извршен на патеката, тој мораше да биде префрлен со хеликоптер во болница во Фиренца, каде што беа потврдени скршениците и сега треба да чека на операција. Возачот на Лука Чекинело Рејсинг Тим нема да може да се натпреварува на ГН на Германија и Холандија, а ќе видиме дали ќе пропушти уште една трка.

Алекс Ринс извојува голема победа во Мото ГП

Бошко Тасиќ — Mon, 17 Apr 2023 05:47:46 +0000

Возачот на Хонда, Алекс Ринс, ја запиша првата победа сезонава во Мото ГП шампионатот, откако славеше на трката за Големата награда на САД, пред се поради големата грешка и излетувањето на Франческо Бањаја од Дукати. Трката започна со неколку излетувања во воведните кругови, пред се на Бањаја, Хорхе Мартин и Алекс Маркез, како и на Џек Милер во седмиот круг. Во продолжение, Ринс без никаква мака стигна до првиот триумф оваа сезона, а зад него заврши Лука Марини кој ја доби битката со Фабио Квартараро, за кого ова е прв подиум оваа сезона.

Мото ГП има нов лидер во генералниот пласман

Бошко Тасиќ — Sun, 16 Oct 2022 07:46:40 +0000

Алекс Ринс победи на трката за ГН на Австралија во Мото ГП шампионатот. Ринс му ја донесе првата победа на Сузуки оваа сезона, а таа можеби ќе биде и единствена бидејќи до крајот остануваат уште две трки, по што овој тим се повлекува од Мото ГП шампионатот. Шпанецот ја доби битката со сонародникот Марк Маркез кој го освои второто место и стигна до 100. подиум во кариерата, а третото место го освои Пеко Бањаја. За Бањаја ова беше доволно да го преземе водството во генералниот пласман, пред се поради фактот што Фабио Квартараро не ја заврши трката. Бањаја сега има 233 поени, Квартараро е на второто место со 219 поени, а зад нив е А.Еспаргаро со 209 поени.