александар богданоски – Kurir.mk

Богданоски: Изградба и обнова на инфраструктурата во сите населени места во Кривогаштани, квалитетно водоснабдување, повеќе паркови и зеленило v

Тале Кристо — Mon, 11 Oct 2021 18:12:04 +0000

Кандидатот за градоначалник на ВМРО-ДПМНЕ за Општина Кривогаштани, Александар Богданоски на денешниот предизборен митинг честитајќи го празникот „11 Октомври“ истакна дека секоја генерација си има свои премрежија и своја борба, нашата борба е против оваа ненародна власт која го ограби народот. - Обичниот народ е премногу незадоволен од актуелната ситуација во која се наоѓа, народот не е живее добро, а се поголем семејства живеат во потешка состојба. Земјоделците се мачат да врзат крај со крај, а вработените стравуваат за своите работни места. Младите што останаа бараат излез надвор од државата, а власта ја користи маката на народот да ги уценува пред избори, изјави Богданоски. Тој посочи дека, сепак власта го потценува народот, сиромаштијата нема да исчезне поради лагите на власта затоа потребна е храброст да се спротивставиме одлучно на 17 октомври и вети работа уште од првиот ден за реализација на својата програма. - Во нашата програма имаме проекти кои ќе се реализираат. Ќе ја обновиме и ќе ја изградиме инфраструктурата, ќе ја рехабилитираме водоводната мрежа Славеј-Кривогаштани, ќе ги завршиме одводите кои не се во функција со години, ќе ги решиме проблемите со сметот и ќе доведеме централизирано управување на отпад со изградба на централна депонија со сите законски прописи, рече Богданоски. Богданоски нагласи дека воедно сите населени места ќе бидат приклучени на главниот водовод и ќе гарантира квалитетно водоснабдување, повеќе паркови, зеленило и урбана опрема, а во сите села постепено ќе асфалтирање улици.

Богданоски: Верувам дека е време да се сменат работите и да дојдат нови генерации на луѓе

Магдалена Андонова — Mon, 27 Sep 2021 14:02:46 +0000

Александар Богданоски, кандидат за градоначалник на ВМРО-ДПМНЕ за општина Крвогаштани, во неговото гостување во Радио Пела запрашан кои се неговите лични ставови и во што верува тој одговори:

- Верувам во Бог. Јас сум христијанин, политички сум умерен десничар, малку повеќе умерен десничар. Но, најбитно е да веруваме во хуманоста, човечноста и чесноста. Во политиката знаеме дека има доста неубави работи, многу често политичарите се пуштаат во криминал и корупција. Јас верувам дека е време да се сменат тие работи, да дојдат нови генерации луѓе, сега нашата генерација на која што јас припаѓам, а имам 37 години. Нашата генерација полека веќе доаѓа на сила, сметам дека е време нашата генерација да ги смени работите. Претходните генерации се обидуваа со разни проблеми, се соочувавме со големи кризи и се уште се соочуваме со тоа. 30 години неќни славевме, ние како држава се уште се клатиме. Јас мислам дека е време да ги смениме работите.

Богданоски: За 4 години СДСМ ги продлабочи проблемите во Кривогаштани, ВМРО-ДПМНЕ ќе го реши проблемот со водоснабдување, подобра инфраструктура и подобри услови за земјоделците

Дарко Андоновски — Sat, 28 Aug 2021 13:19:26 +0000

Се наоѓаме пред крајот на четвртата година откако со општина Кривогаштани неуспешно раководи сегашниот градоначалник Рубин Шефтероски. Неговиот ангажман не беше на висина на задачата што му ја доверија гласачите, и тој не ги исполни нивните очекувања и ветувањата кои самиот тој и неговата партија ги дадоа пред нив, ова денеска преку прес-конференција го истакна Александар Богданоски кандидат за градоначалник на општината Кривогаштани од редовите на ВМРО-ДПМНЕ. -Главните проблеми на населението и стопанството не само што не се решени, туку се и продлабочени во овие 4 години. Со водоснабдувањето нештата се влошени, нови водокорисници нема, а населени места секое лето со недели немаат капка вода. Со отпадите и депониите сме во ужасна состојба поради неспособноста да се најдат решенија – секојдневно неконтролирано се загадува нашето плодно поле, а пречистителната станица е целосно испокрадена и уништена и насекаде ни се закануваат се поголеми и поопасни еколошки катастрофи. Поради немањето функционален и прописен одвод пак, покрај на почвата, се случуваат можни загадувања и на подземните води од кои добиваме вода за пиење. Се потрошија купишта пари за канализација, но од сето тоа нема ништо, освен раскопани улици и огромен долг. Тужби и поплаки до општината се трупаат една на друга, се товарат тешки камати и трошоци, но ниту државата, ниту општината нешто презема околу тоа. Најпосле, во однос на патиштата и асфалтирањето ништо важно не е подобрено, освен ретки инвестиции во улици кои не се подмирени ни после 2 години. И во сите други работи, нештата се оставени сами на себе, без никаква стратегија и стручен пристап. Затоа револтот и незадоволството на жителите од нашата општина расне од ден на ден и сите сме свесни дека се потребни радикални промени, вели Богданоски. Тој додава дека како кандидат за градоначалник, пред себе имам визија од нашата општина да создадеме поубаво, посигурно и посреќно место за живеење. За да го постигнам тоа, мојата работа морам да ја темелам на пет основни принципи: Прво, нула толеранција за корупција и нула лично богатење од народни пари! Второ, нула трошоци за бескорисни работи и личен комфор! Трето, стратешко планирање! Четврто, стручност и дисциплина! И петто, правда и разбирање за сите луѓе! -Доколку во потполност ги почитуваме сите овие принципи, успехот е сигурен. Ќе можеме да го одредиме патот за иднината и тој ќе биде добар пат. Ќе се посветиме целосно во сите сфери - образование, култура, економија, инфраструктура, јавна чистота, административно работење. Ќе создадеме поволна клима во која ќе може успешно да се води бизнис и во која што секој ќе биде добредојден да инвестира и да отвори нови работни места. Со тоа и земјоделството и пласманот на земјоделските производи ќе станат поуспешни и посигурни. Политиката нема да се меша во бизнисот, но се ќе биде насочено кон создавање услови за развој и напредок во кој се вклучени сите. Би сакал на крајот од ова мое обраќање уште да кажам што како градоначалник ќе биде мој приоритет да се реализира и кои крупни проекти од значење за остварување на мојата визија ќе бидат во преден план. Во делот на проблемот со загадувањето, за трајно решавање и ставање ред, предвидувам изградба на една централна депонија според сите законски прописи и светски стандарди. Исто така чистење и уредување на сите места со диви депонии ќе биде мој приоритет. Понатаму, решавање на проблемот со водоснабдувањето и честите дефекти и прекини на главниот довод Славеј - Кривогаштани ќе биде наша главна обврска, вели тој. Богданоски додава дека покрај тоа, ќе ги приклучиме сите останати населени места на јавниот водовод, за што во рамки на техничките можности ќе направиме дополнителни бушотини на територија на нашата општина, која е богата со вода. Квалитетот на водата ќе се следи и ќе се одржува на највисоко ниво. Што се однесува на одводот, ќе направиме ревидирање на досега сработеното и ќе продолжиме се до ставање во функција на канализацијата до секој дом и компанија. -За патната инфраструктура, покрај реконструкција и санација на истрошената асфалтна мрежа во населените места, ќе работиме и на полските патишта, за да го олесниме пристапот на земјоделците до своите ниви. Но, како најважен фокус за кој јас лично ќе се вложам најмногу во идниот мандат е изнаоѓање на техничко и законско решение за проширување на линиите Кривогаштани - Обршани и Воѓани - Боротино, бидејќи сегашниот начин на одржување со тампонирање на банкини е прескап, неефикасен и неодржлив. Во нашата програма која е во изработка ќе предвидиме и многу други проекти и работи, со кои наскоро граѓаните на општина Кривогаштани ќе бидат запознаени. Кривогаштани за сите луѓе, Македонија за сите луѓе, истакна Богданоски.