Бублик го совлада Зверев и стигна до прва АТП титула

Бошко Тасиќ — Sun, 06 Feb 2022 16:51:47 +0000

По четири порази во финалињата, Александар Бублик конечно стигна до првата титула во својата професионална кариера, и тоа против еден од најдобрите тенисери на денешницата. Александер Зверев доживеа големо разочарување на Австралија Опен од Денис Шаповалов, но денеска беше совладан и од страна на расположениот Бублик кој заслужено славеше со 2:0. Казахстанецот направи брејк во деветтиот гејм во првиот сет и потоа на свој сервис спаси две брејк топки, односно со четири последователни поени го освои првиот сет и го најави големиот триумф (6:4). Вториот сет му припадна со 6:3 и стигна до триумфот кој му ја донесе титулата на АТП турнирот во Монпелје кој е од серијата 250.

Тенисерот призна: Го мразам овој спорт, играм само за пари!

Катерина Бојаџиева — Fri, 21 Feb 2020 16:10:13 +0000

Рускиот тенисер со казахстански пасош, Александар Бублик се проби на социјалните мрежи со неговиот однос во мечот со Хенри Лаксонен на АТП турнирот во Монпелје, минатата недела. По серија грешки, во еден момент почна да вика „со цело срце го мразам тенисот, најодвратен е од сите спортови, мразам што мора да играм секој ден и да се борам“. Оваа недела настапува на турнирот во Марсеј и објасни зошто го мрази тенисот. -Не гледам ништо позитивно. Играм само за пари. Ако нема вака голема заработувачка, веднаш би прекинал да играм“, истакна 55. рекет на АТП ранг листата. Бублик лани играше две финалиња на АТП турот. Во Њупорт загуби од Џон Изнер, а во Ченгду од Пабло Карењо Буста. Најдобар пласман на АТП листата ми е 48-то место и досега во кариерата има заработено околу 1,5 милиони долари.

Александар Бублик – Kurir.mk

Бублик го совлада Зверев и стигна до прва АТП титула

Тенисерот призна: Го мразам овој спорт, играм само за пари!